Swahili Bible2

4

1KANDI omukazi omu owomubakazi babana babanabi akami’ra Erisa yagamba ati omuiru wawe iba nyowe akafa: kandi omanyire omuiru wawe akatina MUKAMA: kandi omunyaibanja aizire okutwara namberali abana bange ababiri okuba bairu eubale. 2Erisa yamugambira ati Ndakuko’ra ki? Ongambire; onyina ki omunju? Yagamba ati Omuzana wawe tanyina kantu omu nju, rundi akacundiro kamagita. 3Nubwo yagamba ati genda, otize ebitu ahali batahibawe bona, ebintu ebitarumu kantu; 4Otatiza bike. Kandi olitahamu noyekingira wenka oruigi nabana bawe, oliijuza ebintu ebi byona; kandi olyahura ha rubaju ebiriijura. 5Nukwo yamurugaho, yayekingira wenka oruigi nabanabe; baleta ebintu nambarali, yaitu’ra 6Kandi kyahika ebintu obubyaijuire, yagambira omwanawe ati Ondetere ekintu kindi. Yamugambira ati Tihasigaire kintu. 7Amagita gahwa. Nubwo yaija yagambira omusaija wa ruhanga. Yagamba ati Genda, ogule amagita, omale ibanja lyawe, kandi ebirasagaho biralisaga iwe nabana bawe.

8Kandi kyahika hakiro kimu Erisa yahika Sunamu nambere hakaba haikaire omukazi omukuru; yamuhambiriza alye obyokulya. Kandi kyahika, obuyahingurahoga bwona yatahaga oku okulya ebyokulya. 9yagambira iba ati Dora ‘nu, nyetegerize onu musaija wa ruhanga arukwera, arukutuhinguraho obutosa. 10Tukole nkwesengerize, akaju kake ha kisika: kandi tumutereho oku ekitabu, nemeza, nentebe, nekikondo kyetabaza: kandi kirabaga kiti, obwaraijaga namberetuli aratahaga omu. 11Kandi kyahika ha kiro kimu, yatahayo, yataha omu kisika, yabyama. 12Yagambira Gehazi omuiruwe ati Yeta Omusunamu ogu. Obuyamwesere yayeme’ra omu maisoge. 13Yamugambira ati Mugambire hati bunu oti Dora, otutaireho ekitinisa kinu kyona; kiki ekiriko’rwa iwe? Noyenda okurangwa hali omukama, rundi hali / engabwa yihe? Yagarukamu ati Ninyikara omu Bantu bowaitu. 14Yamugambira ati Nukwo kiki ekiramuko’rwa? Gehazi yagarukamu ati Mazimakwo tanyina mwana, kandi iba mugurusi. 15Yagamba ati mwete. Obuyamwesere yayeme’raho omumulyango. 16Yagamba ati Nkakasumi kanu okukali omwaka obuguligaruka olikikira omwana mwojo. Yagamba ati Nangwa mukama wange, iwe omusaija wa ruhanga, otabiha muzana wawe. 17Omukazi yatwara enda, yazara omwana omwojo omu kasumi ako, omwaka obugwagarurukire, nka Erisa okuyamugambure. 18Kandi omwana obuyakuzire, kyahika hakiro kimu, yaturuka yagenda hali ise hali abagesi. 19yagambira ise ati Omutwegwange, omutwe gwange. Yagambira omuiruwe ati Muhimbe omutwale hali nyina. 20Obuyamutwaire, yamuleta hali nyina, yaika’ra ha majuge okuhikya ihangwe, yafa. 21Yatemba, yamubyamya ha kitabu ekyomusaija wa ruhanga, yamukingira,oruigi, yaturuka. 22Yayami’ra iba nagamba ati Ntumira nkwesengerize omu hali abairu bawe nenkaina emu. Nyirukire omusaija wa Ruhangangaruke. 23Yagamba ati Kiki ekirukukutwara namberali hati? Tikulikwezi okubonekere, kunu terisabiti.yagamba ati Mirembe. 24Nubwo yatandika enkaina, yagambira omuiruwe ati genda muno oyebembere; otaleka okugenda muno rundi ninkuragira. 25Nukwo yagenda, yaija hali omusaijawa Ruhanga,ha rusozi karameri. Kandi kyahika omusaija wa Ruhanga obuyamulebere hara, yagambira Gehazi omuiruwe ati Dora, Omusunamu nguli: 26Iruka, nkwesengerize, omutangi’re, omugambire oti Iwe oli kurungi? Hali baro harungiyo? Nomwana murungi? Yagarukamu ati Harungiyo. 27Obuyaizire hali omusaija wa ruhanga ga Rusozi, yamukwata ha bigere. Gehazi yamui’ra haihi okumucuma kuli; baitu omusaija wa Ruhanga yagamba ati Muleke: baitu obwomezibwe busalirwe omundaye; kandi MUKAMA akiserekere namberendi, takintebize. 28nubwo yagamba ati nkasaba omwana hali mukama wange? Ntagambe nti Otambiha? 29Nubwo yagambira gehazi ati Wetege omunda, okwate omuigo gwange omu mukono gwawe ogende: obworatangatangana omuntu wena, otamuramukya; kandi omuntu wena obwarakuramukya otamugarukamu: ote omuigo gwange ha maiso gomwana. 30Nyina omwana yagamba ati Nka MUKAMA okwali omwomezi, kandi nkobwomezi bwawe okubuloho tinkusige. Yaimuka yamukuratira. 31gehazi yahingura omu maiso gabu, yata omuigo ha maiso gomwana; baitu hatabeho iraka nobukwakuba okuhu’rs. Nikyo yagarukire ati Omwana tasisimukire. 32Erisa obuyatahire omu nju dora, omwana akaba afire, bamubyamize ha kitabukye. 33yatahamu yayekingira oruigi uwe nomwana yasaba MUKAMA. 34Yagenda yayego’ra ha mwana, yata omunwa ha munwagwe, namaiso ha maisoge nengaro ha ngaroze: yamwego’raho; omubiri gwomwana gwatagata. 35Nubwo yagaruka, yagendagenda omu nju omurundi gumu; yatemba yamwego’raho: omwana yayesemura emirundi musanju, omwana yabu’ra amaisoge. 36Yayeta Gehazi yagamba ati yeta Omusunsmu ogu. Yamweta. Obuyatahire namberali, yagamba ati Imukya omwana wawe. 37yatahamu yagwa ha bigerebye yainama hansi; yaimukya omwanawe yaturuka.

38Erisa yagaruka okuija Girigali: hakaba hagwire enjara omu nsi; abana ba banabi bakaba / baikalire omumaisoge: yagambira omuiruwe ati Tekaho ekinaga ekikoto, ogoyere obusera abana ba banabi. 39kandi omuntu omu yagenda omu musiri okunoga emikubi, yasanga ebisisis ebyomukisaka naijuza orugoyerwe, yaija yabisarasa’ra omu kinaga ekirumu obusera: baitu batabimanye. 40nukwo baihura okulisa abantu. Kandi kyahika obubakaba nibasoma obusera, bayami’ra nibagamba ngu Musaija wa Ruhanga, okufa kuli omu kinaga! 41Batasobole okusomaho. Baitu yagamba ati Mulete ensano. Yaginaga omu kinaga; yagamba ati Ihu’ra abantu balye. Kandi tihabaho kabi omu kinaga.

42Kandi hakaija omuntu arugire Baali-salisa, yaletera omusaija wa ruhanga ebyokulya ebyomuganuro, emigati yasairi amakumi abiri nentwe zengano omu nsahuye. Yagamba ati Bihe abantu balye. 43Omuherezawe yagamba ati Kiki, binu ndabita omu maiso gabasaija kikumi? Baitu yagamba ati Bihe abantu, balye; baitu nukwo agambire MUKAMA ati Baralya kandi barasigaho. Nukwo yabita omu maiso gabu. 44Balya kandi basigaho, nkekigambo kya MUKAMA okukikaba kiri.