Swahili Bible2

3

1KANDI Yehoramu mutabani wa ahabu akabanza okulema Isareri omu Samaliya, omu mwaka gwa Yehosafati omukama wa Yuda ogwa ikumi na munana, yalemera emyaka ikumi nebiri. 2Akakora ekibi omu maiso ga MUKAMA, baitu ataingane obubi ibale eriraihire erya baali ise eriyakozire. 3baitu akehikya ha bibi bya yeroboamu mutabani wa nebati, ebiyasisize Isarei; atabirugemu.

4Lero Mesa omukama wa moabu akabanyina entama nyingi; yahayoga hali omukama wa Isareri ebyoya byentama akasirira, kandi nebyentama empaya akasirira. 5kandi kyahika Ahabu obuyafire, Omukama wa Moabu yayemera omukama wa Isareri. 6Omukama Yehoramu akaturuka omu samaliya omu Kasumi ako yasoroza Isareri yona. 7Yagenda yatumira Yehosafati omukama wa Yuda nagamba ati Omukama wa Moabu anyemire: oligenda nanyowe okuramagira moabu? Yagamba ati ndiramaga: nyowe ndinkaiwe okwoli, baitu bange nkabantu bawe, embarasi zange nkembarasi zawe. 8Yagamba ati Tutitwarwa omuhanda ki? Yagarukamu ati Omuhanda ogwirungu erya Edomu. 9Nukwo omukama wa Isareri yagenda nomukama wa Yuda, nomukama wa edomu: bayehinguliriza orugendo orwebiro musanju: kandi hatabeho Amazi habwihe, nobuhokuba habwebisoro ebyabahonderaga. 10Omukama wa Isareri yagamba ati Zituboine! Baitu MUKAMA asoroise abakama banu abasatu abaheyo omu mukono gwa Moabu. 11Baitu Yehosafati yagamba ati Hanu tiharoho nabi wa MUKAMA, tukaguze ahali MUKAMA omuluwe? Omu hali abairu bamukama wa Isareri yagarukamu yagamba ati Erisa mutabani wa Safati ali hanu, ayaiti’raga amaizi omu ngaro za Eriya. 12Yehosafati yagamba ati Ekigambo kya MUKAMA kiri nauwe. Nukwo omukama wa Isareri na Yehosafati nomukama wa Edomu basirimuka namberali. 13Erisa yagambira omukama wa Isareri ati Nyowe ninjunana ki naiwe? Wegendera hali banabi ba ‘so na hali banabi ba nyoko. Omukama wa Isareri yagamba ati nangwa: baitu MUKAMA asoroize abakama banu abasatu okubahayo omu mukono gwa Moabu. 14Erisa yagamba ati Nka MUKAMA wamahe okwali omwomezi, oundukweme’ra omu maisoge, mazimakwo, kuba ntatinire amaiso ga yehosafati omukama wa Yuda, mba ntarukukutunu’ra nobukwakuba okukurora. 15Baitu hati bunu mundetere omutezi wenanga. Kandi kyahika omutezi wenaga obuyatire, omukono gwa MUKAMA gwamuhikaho. 16Yagamba ati nukwo agambire MUKAMA ati Mulime omu kihanga kinu emikura mingi. 17baitu nukwo agambire mukama ati Timulibona omuyaga, kunu timulibona njura, baitu ekihanga ekikiriijura amaizi: nainywe mulinywa, inywe nente zanyu nebisoro byanyu. 18kandi kinu kigambo kike omu maiso ga MUKAMA: alihayo na Bamoabu omu mukono gwanyu. 19Kandi mulitema orubuga rwona oruroho omuhuruzi, norubuga rwona orusemire, kandi mulitema omuti gwona omurungi muliigara ensoro zona ezamaizi, kandi mulisisa namabale ekibanja kyona ekisemire ekyobutaka. 20Kandi kyahika obuire obubwakire, omu kasumi kokuhayo ekisembo, dora, amaizi gakaija nigaleta edomu, ensi yaijura amaizi. 21kandi Abamoabu bona obubahulire ngu abakama baizire okurwana nabo,bayesoroza ahamu, bona abasoboire okujwara ebyokurwanisa nokukiraho, bayeme’ra ha mutano. 22Baimuka nyenkya omu rukyakya, izoba lyajwa ha maizi, Abamoabu, barora amaizi omu maiso gabu nigatukura nkesagama: 23bagamba ngu Erisagama: mazimakwo abakama bahwerekerire, baisire omuntu wena mutahiwe: muije ‘nu Moabu tunyage. 24Obubaizire omu rukande rwa Isareri, Abaisareri baimuka, batema Abamoabu, bairuka omu maiso gabu: kandi bayeyongerayo omu maiso nibatema Abamoabu. 25Kandi basesa embuga; Kandi ha Kibanja kyona ekisemire banaga omuntu wena ibalerye, bakiijuza kandi baiga’ra ensoro zona ezamaizi, batema emiti yona emirungi: okuhikya omu Kiru-haresesi honka bakasiga amabale garwo; baitu abarukwesusa bagendagenda bagitera. 26Kandi omukama wa moabu obuyaboine obulemu bu,ulemere, yatwara hamu nauwe abasaija rusanju abasomora busitama, ahagule ahike hali omukama wa Edomu: baitu batasobole. 27Nubwo yakwata omwanawe omukuru ayakulemere omu kiikarokye, yamuhayo ha muhuruzi okuba ekihogwa ekyokeze. Kandi ha Isareri: bamurugaho, bagarukayo omu nsi yowabu.