Swahili Bible2

21

1MANASE akaba ahikize emyaka ikumi nebiri hayabandize okulema; yalemera emyaka amakumi atano mwetano omu yeruzaremu: ibara lya Nyina nuwe hefuziba. 2akakora ekibi omu maiso ga MUKAMA, nakuratira ebinugwa byabamahanga, MUKAMA abayabingire omu maiso gabana ba Isareri. 3Baitu akagaruka okwombeka ebiikaro ebiraihire Hezekiya ise ebiyahwerekerize; yaimukiza Baali ebyoto, yakora Asera nka Ahabu omukama wa Isareri okuyakozire, yaramya ihe lyona erya haiguru, yabiko;ra. 4Kandi akombeleka ebyoto omu nju ya MUKAMA, MUKAMA eyiyagambireho ati / Omu Yerusalemu nuho ndita ibara lyange. 5Kandi akombeka ebyoto ihe lyona erya haiguru onu zigati ibiri ezenju ya MUKAMA 6Kandi yarabya mutabaniwe omu mu’ro, yakora ebyokuragura, yabandwa, yakora nabo abakaba nibabandwa emizimu nabarogo: akakora ekibi kingi omu maiso ga MUKAMA okumweremera okumubihiza. 7Yataho ekisisani ekisaruirwe ekya Asera ekiyakozire omu nju, MUKAMA eyiyagambireho hali daudi na Sulemani mutabaniwe ati Omu nju enu nomu yerusalemu eyinakomere omu nganda zona eza Isareri nuho ndataga ibara lyange ebiro byona: 8kunu tindigaruka okuhabisa ebigere bya Isareri okuruga omu nsi eyina haire baisenkuru; kimu kyonka obubarayerindaga okukora byona ebinabaragire, kandi nkebiragiro byona okubiri omuiru wange Musa ebiyagambire. 9Baitu batahu’re: kandi Manase akababihabiha okukora ekibi okukira amahanga, MUKAMA agayahwerekerize omu maiso gabana ba Isareri. 10Kandi MUKAMA akagamba omu bairube banabi nagamba ati 11Baitu Manase omukama wa yuda akozire ebinugwa ebi byona, kandi akozire kibi okukira byona Abamoli ebibakozire abamubandize, kandi asisize Yuda nebisisanibye: 12nikyo MUKAMA Ruhanga wa Isareri agambire ati Dora ndireta akabi ha yerusalemu na yuda amatu gombi agabo abakihu’ra galisalirwa. 13Kandi ndigo’ra ha Yerusalemu omuguha nkogwa samaliya, nekirulenga nkekyenju ya Ahabu: kandi ndiragaza Yeruzalemu nkomuntu okwaragaza esahaninagiragaza nagijumika. 14Kandi ndinaga abobugwetwa bwange abasigaireho, ndibahayo omu mukono gwabanyanzigwa babu; kandi balifoka omuhiigo neminyago hali abanyanzigwa babu bona; 15baitu bakozire ekibi omu maiso gange niberema okumbihiza, okuruga ekiro baisenkuru obubarugire omu Misiri nokuhikya hati. 16Kandi Manase akasesa esamaga etaloho musango nyingi muno, okuhikya obuyaijuize yerusalemu okuruga ha mpero nokuhikya ha mpero: okwongera ha kibikye ekiyasisize yuda obuyakozire ekibi omu maiso ga MUKAMA. 17Kandi ebigambo ebindi ebya Manase na byona ebiyakozire nekibikye ekiyakozire, tibihandikirwe omu kitabu kyebyomu businge bwabakama ba Yuda? 18Manase yagwijagira nabaisenkurube, yazikwa omu rugonjo orwenjuye wenka. Omu rugonjo rwa Uza: kandi amoni mutabaniwe yalema omu kiikarokye. 19Amoni akaba ahikize emyaka amakumi abiri mwebiri hayabadize okulema; yalemera emyaka ebiri omu Yerusalemu: ibara lya nyina nuwe Mesulemesi omuhara wa Haruzi owa Yotiba. 20Yakora ekibi omu maiso ga MUKAMA, nka Manase ise okuyakozire. 21Kandi yagendera omu muhanda gwona ise oguyagendiremu, yako’ra ebisisani ise ebiyako’raga, yabiramya: 22yafuraka MUKAMA, Ruhanga wa baisenkuru, tiyagendera omu muhanda gwa MUKAMA. 23Abairu ba Amoni bamwemera, baitira omukama omu njuye wenka. 24Baitu abantu abensi bakaita bona abakaba bayemire omukama Amon; abantu abensi bafora Yosiya mutabaniwe omukama kiikarokye. 25Kandi ebigambo ebindi ebya Amoni ebiyakozire tibihandikirwe omu kitabu kyebyomu businge bwabakama ba Yuda? 26Yazikwa omu kitorokye omu rugonjo rwa Uza: Yosiya mutabaniwe yalema omu kiikarokye.