Swahili Bible2

19

1KANDI kyahika, omukama Hezekiya obuyakihulire, yatemura ebyokujwarwbye yajwra ebitengo, yagenda omu nju ya MUKAMA. 2Yatuma Eryakimmu ayalemaga ekikali, na Sebuna omuhandiki, nabakuru ba banyakatagara bajwaire ebitengo, hali Isaya nabi mutabani wa Amozi. 3Bamugambira ngu Nukwo agambire Hezekiya ati Ekiro kinu kiba kiro kyobujune, nekyokuhanwa, nekyekijumo: baitu abana bahikire okuzarwa kunu tiharoho amani gokubazara. 4Rundi MUKAMA Ruhanga wawe arahu’ra ebigambo bya Rabusake, mukamawe omukama wa Aura owatumire okujuma Ruhanga omwomezi, rundi alihana ebigambo MUKAMA Ruhanga wawe ebiyahulire: nukwo oimukye okusaba kwawe 5Habwekicweka ekisigaireho. Abairu bomukama Hezekiya baija hali Isaya. 6Isaya yabagambira mukama wanyu muti nukwo agambire MUKAMA ati Otatina ebigambo ebyohulire, abairu bomukama wa asura ebibanjumire. 7Dora, ndita o mwoyo omuluwe / alihu’ra okuranganwa, aligarukayo omu nsiye wenka; kandi ndimunaga na busitama omu nsiye wenka. 8rabusake yagarukayo, yasanga omukama wa asura narwanisa Libuna: baitu akahu’ra arugireyo rakisi. 9Kandi obuyahulire ha Tiruhaka omukama wa Esyopiya ngu Dora, arugireyo okukurwanisa; yagaruka okutuma abakwenda hali hezekiya, 10nagamba ati nukwo mulibaza na hezekiya omukama wa Yuda, muti Otaikiriza Ruhanga wawe oworukwesiga okukubihabiha ati Yerusalemu terihebwayo omu mukono gwokama wa Asura. 11Dora, ohulira abakama ba Asura ebibakozire ensi zona, obubazihwerekerize kimu; kandi iwe olijunwa? 12abacwezi ababamahanga barabajunire, abo baisenkuru nyowe ababahwerekerize, Gozani na Harani na Rezefu nabana ba edeni abakaba bali omu terasara? 13Alinkaha omukama wa hamasi, nomukama wa Arapadi, nomukama worubuga rwa Sefavaimu, owa hena nowa Iva? 14Hezekiya yahabwa ebaruha omu mukono gwabakwenda yagisoma: Hezekiya yatemba hali enju ya MUKAMA, yagyanju’ra omu maiso ga MUKAMA. 15Hezekiya yasaba MUKAMA, Ruhanga wa Isareri anyakuikalire ha bakerubi, niwe Ruhanga, niwe wenka owobukama bwona obwa hansi; niwe wakozire iguru nensi. 16Inamya okutu kwawe ai MUKAMA ohu’re; iguka amaiso gawe ai MUKAMA ohu’re; ohu’re ebigambo ebya Senakeribu, ayatumire okujuma Ruhanga omwomezi. 17Ai bambi MUKAMA, mazimakwo abakama ba Aramu bahwerekerize amahanga nensi zago, 18banagire abacwezi babu omu mu’ro; baitu tibali baruhanga, rundi omulimo gwengaro zabantu, emiti namabale; nikyo babihwerekerize. 19Nukwo hati bunu, ai MUKAMA Ruhanga waitu, otujune nkwesengerize, omu mukokogwe, obukama bwona obwensi bumanye niwe MUKAMA Ruhanga, niwe wenka. 20Nubwo Isaya mutabani wa Amozi yatumira Hezekiya nagamba ati Nukwo agambire MUKAMA Ruhanga wa Isareri ati Habwokunsaba ahali Senakeribu omukama wa Asura nkuhulire. 21Kinu nikyo kigambo MUKAMA ekyamugambirebo ngu Omuhara wa sayui ahikirire akugayire akusekerize; omuhara wa Yerusalemu akusikinyirize omutwe. 22Nuwoha owogayisize, kandi owowjumire? Kandi nuwoha owonyumirize iraka lyawe, kandi owoimukize amaiso gawe haiguru? Nuwe Arukwera wa Isareri. 23Omu bakwenda bawe ojumire Mukama, kandi ogambire oti Nigana lyegali zange nukwo ntembere okuraiha kwensozi omu nda mali eya lebanoni; kandi nditema emikogoto yayo eraihire nemisambya yayo emirungi: kandi ndihika ha rusozi rwayo harukukira okuraiha, ekibira ekyomusirigwe ogwomweru. 24Nkalima nanywa amaizi agomu ihanga, kandi namara gekigere kyange ndyomya ebyambu byona bya Misiri. 25Torahulire ninyowe nakikozire ira muno, nakikora okuruga kara? Hati bunu nyowe nkihikirize iwe okuba omuhwerekereza wembuga eziroho enkomera, obifole emitumo yebikamburu. 26Nikyo abantu bamubabulirwe amani, bakafube’ra nibaburangana; bakasisana nkobunyansi bwomu kisaka, nkomukubi omubisi, nkobunyansi obwa ha nju eruguru, kandi nkomusiri gwoburo butakarukire. 27Baitu ‘manyire okuika’ra kwawe, nokuturuka kwawe, nokutaha kwawe nokubihirwa kwawe namberendi. 28Habwokubihirwa kwawe namberendi, kandi habwemyehembo nikyo nditera akoma kange omu nyindo yawe, nekyoma kyange ekyembarasi omu minwa yawe, ndikuga’rayo omu muhanda oguwaleserwemu. 29Kandi niko kaliba akokuro’raho namberiwoli: omwaka gunu mulirya eki ekirukumera kyonka, nomu mwaka ogwakabiri eki ekirikirugamu; numu mwaka ogwakasatu mulisiga muligesa, mulibyara engonjo zemizabibu, mulirya ebyana byazo. 30Kandi abarukukira abomu nju ya Yuda abalisisgaraho baligaruka okuhamba emihama hansi nokwana ebyana haiguru. 31Baitu omu yerusalemu halirugayo ekicweka, nomu rusozi Sayuni halirugayo abalikira: ihali lya MUKAMA niryo lirirkora eki. 32Nikyo MUKAMA agambire ebyomukama wa Asura ati Talitaha omu rubuga runu, kunu taliija omu maiso gayo nengabu, kunu talirutumira omutumo omu maiso. 33Omuhanda ogwamulesere nugwo gulimuga’rayo, kandi talitaha omu rubuga runu, agambire MUKAMA. 34baitu ndirinda orubuga runu okurujuna habwange nyenka, na habwa daudi / omuiru wange.

35Kandi kyahika ekiro kiri, maraika wa MUKAMA yarugayo yagenda yatera omu rukande rwa Abasura kasirira mubukumi buna mwenkumi itano: kandi abantu obubaimukire nyenkya kara, dora abo bona bakaba bali emitumbi yabafu. 36Nukwo senakeribu omukama wa asura yarugaho, yagenda yagarukayo yataha Nineve. 37Kandi kyahika obwakaba naramiza omu nju ya Nisiroki omucweziwe, Adurameleki na Sarezere bamutema na busitama: bairuka bagenda omu nsi ya Ararati. Esa-hadoni mutabaniwe yalema omu kiikarokye.