Swahili Bible2

17

1OMU mwaka gwa Ahazi omukama wa Yuds ogwa ikumi nebiri Hoseha muatabani wa Era akabanza okulema Isareri omu Samaliya, yalemera emyaka mwenda. 2Akakora ekibi omu maiso ga MUKAMA, kyonka atasisane nkabakama ba Isareri abamubandize. 3Salimanese omukama wa Asura akaija okurwana nauwe; kandi Hoseha yafora omuiruwe, yamuletera ebisembo. 4Omukama wa Asura yasanga okwema omu Hoseha; baitu akaba atumire abakwenda hali So omukama wa Misiri, kunu atatwekere ekisembo omukama wa Asura nkokuyakoraga omwaka nomwaka: nikyo omukama wa Asura yamubohera omu nju yenkomo. 5Nubwo omukama wa Asura yatemba omu nsi yona, yagenda hali Samaliya, yagigotera emyaka esatu. 6Omu mwaka gwa Hoseha ogwomwenda omukama wa Asura yanyaga Samaliya, yasengura Isareri, yabatwara Asura, yabata omu Hara nomu Hobora ha kyambu / Gozani, nomu mbuga Zabamedi. 7Kandi kyahika, baitu abana ba Isareri bakasisira MUKAMA Ruhanga wabu, ayabaihire omu nsi ya Misiri okuruga omu mukono gwa Faraho omukama wa Misiri, kandi bakatina abacwezi abandi, bagendera omu biragiro byamahanga, 8MUKAMA abayabingire omu maiso gabana ba Isareri, ebyabakama ba Isareri ebibataireho. 9Nabana ba Isareri bakakora omu nsita ebigambo ebitali birungi, nibasisira MUKAMA Ruhanga wabu, bayeyombekera ebiikaro ebiraihire omu mbuga zabu zona, okuruga ha rukomero rwabalinzi nokuhikya ha rubugs oruroho muhuruzi. 10Kandi bayesimbira amabale agaraihire na Asera ha rusozi rwona oruraihire, nomunda yomuti gwona omubisi: 11kandi nuho bayotire emyami’ro omu biikaro byona ebiraihire, nkamahanga okugakozire MUKAMA agayaihireho omu maiso gabu; bakora ebigambo ebibi okwemera MUKAMA okumubihiza; 12bako’ra ebisisani MUKAMA ebyakaba abagambireho ati Mutalikora ekigambo kinu. 13Baitu MUKAMA akagambi’ra Isareri na Yuda, habwomukono gwa nabi wena, nomurozi wena nagamba ati Muhinduke muleke engeso zanyu embi mukwatege ebinaragire baisenkuruinywe, kandi ebinabatwekire habwomukono gwabairu bange abanabi. 14Baitu bakanga okuhu’ra, baitu, nkengoto yabaidenkurubo, abataraikirize MUKAMA Ruhanga wabu. 15Kandi bakanga ebiyataireho nekiraganokye ekiyaraganize baisenkurubo nebi ebiyabamanyisize; bakuratira ebitarumu, bafoka abatarumu, bakuratira amahanga agkaba abatererire baleka okukora nkabo. 16Kandi bafuruka ebiragiro byona ebya MUKAMA Ruhanga wabu, bayeko’ra ebisisani ebyagere, enimi ibiri, kandi bakaro Asera, baramya amahe gona aga haiguru, bako’ra Baali. 17Kandi barabya batabani babu nabaisiki babu omu mu’ro, bakora ebyokubandwa nebyoburogo, bayegura okukora ekibi omu maiso ga MUKAMA okwerema okumubihiza. 18Nikyo MUKAMA yabihirirwe muno Isareri, yabaiha omu maisoge: hatassigaleho rundi orugands rwa yuda rwonka. 19Kandi na Yuda atakwate ebiragiro bya MUKAMA Ruhanga wabu, baitu bakagendera omu ngeso za Isareri ezibakozire. 20MUKAMA yayanga oruzaro rwona orwa Isareri, yababonabonesa, yabahayo omu mukono gwabanyagi okuhikya obuyababingire omu maisoge. 21baitu akacwa Isareri ha nju ya Daudi; bafora Yoroboamu mutabani wa Nebati omukama: kandi Yeroboamu yabinga Isareri baleke okukuratira MUKAMA, 22Yabasisisa ekibi ekikoto.Abana ba Isareri bagendera omu bibi byona by Yeroboamu ebiyakozire; 23batabirugemu; okuhikya MUKAMA obuyaihire Isareri omu maisoge, nkokuyagambire habwomukono gwabairube bona abanabi. Nukwo Isareri yaihirwe ati omu nsi yowabu, yatwarwa Asura nokuhikya hati.

24Omukama wa Asura yaiha abantu Baburoni na Kusasi na Ava na Hamasi na Sefavaimu, yabata omu mbuga za samaliya omu kiikaro kyabana ba Isareri: balya Samaliya, baikara omu mbuga zayo. 25Kandi kyahika obubabandize okuikarayo batatine MUKAMA: nikyo MUKAMA yatumire entale omulibo ezabaisire abamu. 26Nikyo bagambire omukama wa Asura nibagamba ngu Amahanga agawaihireho wagata omu mbug za Samaliya, tibaukumanya omulingo gomucwezi wensi: nikyo atumire entale omulibo, kandi dora nizibaita, baitu tibarukumanya omulingo gwomucwezi wensi. 27Nubwo omukama wa Asura yaragira nagamba ati Twarayo, omu hali banyakatagara abamwaihireyo; bagende baikaleyo, abegese omulingo gwomucwezi wensi. 28Nukwo omuhali banyakatagara ababaihire omu Samaliya yaija yaikara Beseri, yabegesa okukibahikirire okutina MUKAMA. 29Baitu abihsnga lyona bakakora abacwezi babu bonka, babata omu nju zebiikaro ebiraihire Abasamaliya ezibakozire, abihanga lyona omu mbuga zabu ezibaikairemu. 30Nabasaija ba baburoni bakakora Sukosi- benosi, nabasaija ba Kusi bakora Neregali, nabasaija ba Hamasi bakora Asima, 31Nabaavi bakora Nibuhazi na Tarataki, Nabasefavi bayokya abana babu omu mu’ro hali Adurameleki na Anameleki, abacwezi ba Sefavaimu. 32Nukwo batina MUKAMA, nebeko’ra omulibo bonka banyakatagara bebiikaro ebiraihire, abahayoga habwabu ebynzira omu nju zebikaro ebiraihire. 33Bakatina MUKAMA nibako’ra abacwezi babu bonka, nkengeso zamahanga okuziri agabaihirwemu. 34Okuhikya hati nibakora nkengeso ezaire okuziri: tibarukutina MUKAMA, kunu tibakora nkebyatairweho byabu okubiri, nobubyakuba ebyaragirwe, nobubyakuba ebiragiro, nobubyakuba ebyayegesibwe, MUKAMA ebiyaragire abana ba Yakobo ouyarukire ibaralye Isareri; 35MUKAMA abayaraganize ekiragano, nabatere’ra nagamba ati mutalibainamira, nobukwakuba okubako’ra, nobukwakuba okubas’ra ebyonzira: 36baitu MUKAMA ayabaihireyo omu nsi ya Misir namani maingi nomukono ogugoroire, nuwe muratinaga, kandi nuwe murainamiraga, kandi nuwe murasa’raga ebyonzira: 37nebyatairweho nebyaragirwe nebiragiro nebyayegesibwe ebiyabahandikire, murabyerindaga okubikora ebiro byona; kunu mutalitina abacwez: 38nekiragano ekinaragaine nainywe mutalikyebwa; kunu mutalitina abacwezi: 39baitu MUKAMA Ruhanga wanyu nuwe muratinaga; kandi nuwe arabajunaga omu mukono gwabanyanzigwa banyu bona. 40Baitu batahu’re baitu bakakora nkengeso zabu ezaira okuzikaba ziri. 41nukwo amahanga ago batina MUKAMA, nibako’ra ebisisani byabu ebisaruirwe; nabana babu, nkabaisenkurubo okubakozire nukwo nabo bakora bati nokuhikya hati.