Swahili Bible2

15

1OMU mwaka gwa Yeroboamu omukama wa Isareri ogwamakumi abiri mu musanju Azaliya mutabani wa Amaziya omukama wa Yuda akabanza okulema. 2Akaba ahikize emyaka ikumi na mukaga hayabandize okulema; yalemera emyaka atano mwebiri omu Yerusaremu: ibara lya nyina nuwe Yekoliya owa Yerusalemu. 3Akakora ekirungi omu maiso ga MUKAMA,nka byona Amaziya ise ebiyakozire okubikaba biri. 4Baitu ebiikaro ebiraihire bitaihweho: abantu bakaikara nibahayo ebyonzira, nibotera emyami’ro omu biikora ebiraihire. 5MUKAKA yatera omukama, yafora owebigenge okuhikya ekiro kyokufakwe yaikara omu nju endi. Kandi Yosamu mutabani womukama nuwe akabali omukuru wenju, nacwa emisango eyabantu bensi. 6Kandi ebingambo ebindi ebya Azaliya na byona ebiykozire, tibihandikirwe omu kitabu kyebyomu businge bwabakama ba Yuda? 7Azaliya yagwijagira nbaisenkuru omu rubuga rwa Daudi: Yosamu mutbaniwe yalema omu kiikarokye.

8Omu mwaka gwa Azaliya omukama wa Yuda ogwamakumi asatu mu munana, Zekaliya mutabani wa Yeroboamu akalemera Isareri omu Samaliya amezi mukaga. 9Akarora ekibi omu maiso ga MUKAMA nka baisenkuru okubakozire: ataruge omu bibi bya Yeroboamu mutabani wa Nebati / ebiyasisize Isareri. 10Kandi Sarumu mutabani wa Yabesi akamwemera, yamuitira omu maiso gabantu, yamuita yalema omu kiikarokye. 11nebigambo ebindi ebya Zekaliya, dora bihandikirwe omu kitabu kyebyomu businge bwabakama ba Isareri. 12Kinu nikyo kigambo kya MUKAMA ekiyagambire Yehu ati Batabani bawe okuhikya obusinge obwakana baliika’ra ha kitebe kya Isareri. Kandi nukwo kyahikire kiti.

13Sarumu mutabani wa Yabesi akabanza okulema omu mwaka gwa Uziya omukama wa Yuda ogwamakumi asatu mu mwenda; yalemera okwezi kumu omu Samaliya. 14Kandi Menahemu mutabani wa Gadi yaruga Tiruza, yagenda Samaliya, yamuita yalema omu kiikarokye. 15Nebigambo ebindi ebya Sarumu nokwemakwe okuyayemere, dora bihandikirwe omu kitabu kyebyomu businge bwabakama ba Isareri. 16Nubwo Menahemu yatema Tifusa na bona abakaba barumu, nemitano yayo okuruga Tiruza: baitu batamukingu’reho, nikyo yagitemire; nabakazi bona abakaba barumu abyinenda akabakambura. 17Omu mwaka gwa Azaliya omukama wa Yuda ogwamakumi asatu mu mwenda Menhemu mutabani wa Gadi akabanza okulema Isareri, yalemera emyaka ikumi omu Samaliya. 18Akakora ekibi omu maiso ga MUKAMA: ataruge ebirobye byona omu bibi bya Yeroboamu mutabani wa Nebati, ebiyasisize Isareri. 19Hakaija okuramagira ensi Puli omukama wa Asura; Menahemu yaha Puli etaranta zefeza rukumi, omukonogwe gube nauwe okugumya obukama omu mukonogwe. 20Menahemu yasoroza erupiya omu Isareri, ha basaija bona abamani abobuguda, omuntu omu sekeri zefeza atano, azihe omukama wa Asura.Nukwo omukama wa Asura yagarukayo enyuma, tiyaikarayo omu nsi. 21Kandi ebigambo ebindi ebya Menahemu, na byona ebiyakozire, tibihandikirwe omu kitabu kyebyomu businge bwabakama ba Isareri? 22Menahemu yagwijagira na caisenkuru; Pekahiya mutabaniw yalema omu kiikarokye.

23Omu mwaka gwa Azaliya omukama wa Yuda ogwamakumi atano Pekahiya mutabani wa Menahemu akabanza okulema Isareri omu Samaliya, yalemera emyaka ebiri. 24Akakora ekibi omu maiso ga MUKAMA: ataruge omu bib bya Yeroboamu mutabani wa Nebati ebiyasisize Isareri. 25Kandi Peka mutabani wa Remaliya engabwaye akamwemera, yamutema omu Samaliya omu kikali kyenju yomukama, na Aragobu na Arye; hamu nauwe hakaba haroho abasaija amakumi atano abomu Bagireadi: yamuita, yalema omu kiikaarokye. 26Nebigambo ebindi ebya Pekahiya na byona ebiyakozire, dora, bihandikirwe omu kitabu kya kyebyomu businge bwabakama ba Isareri.

27Omu mwaka gwa Azaliya omukama wa Yuda ogwamakumi atano mwebiri, Peka mutabani wa Remaliya akabanza okulema Isareri omu Samaliya, yalemera emyaka amakumi abiri. 28Akakora ekibi omu maiso ga MUKAMA: ataruge omu bibi bya Yeroboamu mutabani wa Nebati, ebiyasisize Isareri. 29Omu biro bya Peka omukama wa Isareri Tigurasi-pilese omukama wa Asura akaija, yanyaga lyoni na Aberi-besi-maaka, na Yanoha, na Kadesi, na Hazora, na Gireadi, na Galiraya, ensi yona eya Nafutali; yabasengura yabatwara Asura. 30Kandi Hoseha mutabani wa Remaliy, yamutema yamuita, yalema omu kiikarokye, omu mwaka gwa Yosamu mutabani wa Uziya ogwamakumi abiri. 31Ebigambo ebindi ebya Peka na byona ebiyakozire, dora bihandikirw omu kitabu kyebyomu businge bwabakama ba Isareri.

32Omu mwaka gwa Peka mutabani wa Remaliya omukama wa Isareri ogwakabiri, Yosamu mutabani wa Uziya omukama wa Yuda akabanza okulema. 33Akaba ahaikize emyaka abiri mwetano hayabandize okulema; yalema emwaka ikumi na mukaga omu Yerusalemu: ibar lya nyina nuwe yerusa omuhara wa Zadoki. 34Akakora ebirungi omu maiso ga MUKAMA: yakora nka byona Uziya ise ebiyakozire okubiri. 35Baitu ebiikaro ebiraihire bitaihweho: abantu bakaikara nibahayo ebyonzira nibotera emyemi’ro omu biikaro ebiraihire, Akombeka irembo eryeruguru eryenju ya MUKAMA. 36Ebigambo ebindi ebya Yosamu, na byona ebiyakozire tibihandikirwe omu kitabu kyebyomu businge bwabakama ba Yuda? 37Omu biro ebi MUKAMA akabanza okutuma okurwana na Yuda Rezini omukama wa Aramu,na Peka mutabani wa Remaliya. 38Yosamu yagwijagira na baisenkuru, yazikwa hamu na baisenkuru omu rubuga rwa Daudi isenkuru: ahazi mutabaniwe yalema omu kiikarokye.