Swahili Bible2

14

1OMU gwa Yoasi mutabani wa Yehoahazi omukama wa Isareri ogwakabiri Amaziya mutabani wa Yoasi omukama wa Yuda akabanza okulema. 2Akaba ahikize emyaka amakumi abiri mwetano ha yabandize okulema; yalemera emyaka amakumi abiri mu mwenda omu Yerusalemu: ibara lya nyina nuwe Yehoyadini owa Yerusalemu. 3Akakora ebirungi mumaiso ga MUKAMA, baitu tikuli nka Daudi isenkuru: akakora byona nka Yoasi ise okuyakozire. 4Baitu ebiikaro ebiiraihire bitaihweho: abantu bakaikara nibahayo ebyonzira nibotera emyami’ro omu biikaro ebirahaire. 5Kandi kyahika, obukama obubwagumirwe omu mukonogwe, yayita abairube abaisire omukama ise: 6baitu abana babaisi atabaite: nkebi okubiri ebihandikirwe omu kitabu kyebiragiro bya Musa, nka MUKAMA okuyaragire nagamba ati Baisebo tibaliitwa habwabaisebo; baitu omuntu wena alifa habwekibikye wenka. 7Akaita ha Bedomu omu Kihanga Kyekisura kakumi, yanyaga Sera omu bulemu, yagyeta ibara lyayo Yokiseri nokuhikya hati.

8Nubwo Amaziya yatuma abakwenda hali Yehoasi, mutabani wa Yehoahazi mutabani wa Yehu omukama wa Isareri, nagamba ati Ija turorangane ha maiso. 9Yehoasi omukama wa Isareri yatuma hali Amaziya omukama wa Yuda, nagamba ati Itojo eryomu Lebanoni likatumira omukogoto ogwomu Lebanoni, nirigamba ngu Muhe omuhara wawe mutabani wange amuswere: hahinguraho enyamaiswa ekaberi omu Lebanoni, yalibata hansi itojo. 10Mazimakwo okatema Edomu, nomutima gwawe gukunyumize: nukwo wenyumize oikale omuka, kiki okwetaba omwebi ebitali byawe okweretera akabi, nokugwa, iwe na Yuda hamu naiwe? 11Baitu Amaziya yayanga okuhu’ra. Nukwo Yehoasi omukama wa Isareri yaramaga; uwe na Amaziya omukama wa Yuda barorangana ha maiso omu Besi-semesi, eya Yuda. 12Yuda yabigwa omu maiso ga Isareri; bairuka omuntu wena omu hemaye. 13Yehoasi omukama wa Isareri yatwara Amaziya omukama wa Yuda, mutabani wa Yehoasi mutabani wa Ahaziya, omu Besi-semesi, yaija Yerusalemu, yasesa hansi mu huruzi ya Yerusalemu okuruga ha irembo lya Efuraimu okuhikya irembo erya karugu, 14ikono bikumi bina. Yanyaga ezabu yona nefeza yona, nebintu byona ebyasangirwe omu nju ya MUKAMA, nomubikwato byomu nju yom ukama Kandi nabantu abayamukwatirize, yagarukayo Samaliya. 15Kandi ebigambo ebindi ebya Yehoasi ebiyakozire, namanige, kandi okuyarwaine na Amaziya omukama wa Yuda, tibihandikirwe omu kitabu kyebyomu businge bwabakama ba Isareri? 16Yehoasi yagwijagira na baisenkuru, yazikwa omu Samaliya hamu nabakama ba Isareri: yeroboamu mutabaniwe yalema omu kiikarokye.

17Kandi amaziya mutabani wa Yoasi omukama wa Yuda yayomera hanyuma yakufa kwa yehoasi mutabani wa yehoahazi omukama wa Isareri emyaka ikumi netano. 18Kandi ebigambo ebindi ebya Amaziya tibihandikirwe omu kitabu kyebomu businge bwabakama ba yuda? 19Kandi bakamwemera omu yerusalemu; yairukira Lakisi: baitu batuma okumukuratira Lakisi, bamuitirayo. 20Bamuletera ha mbarasi: yazikwa yerusalemu hamu na baisenkuru omu rubuga rwa Daudi. 21Nabantu bona aba Yuda batwara azaliya, akaba ahikize emyaka ikumi na mukaga, bamufora omukama omu kiikaro kya Amaziya ise. 22Akombeka erasi, yagiga’ra hali Yuda, omukama obuyamazire okugwijagira hamu nabaisenkuru.

23Omu mwaka gwa Amaziya mutabani wa Yoasi omukama wa Yuda ogwa ikumi na itano, Yeroboamu mutabani wa Yoasi omukama wa Isareri akabanza okulema omu samaliya, Yalemera emyaka ana na gumu. 24Akakora ekibi omu maiso ga MUKAMA: ataruge omu bibi byona ebya yeroboamu mutabani wa nebeti ebiyasisze Isareri. 25Akaga’raho omutano gwa Isareri okuruga nambere hatahirwa hamasi okuhikya enyanja eya Araba, nkekigambo kya MUKAMA Ruhanga wa Isareri okukikaba kiri, ekiyagambire habwomukono gwomuiruwe yona, mutabani wa Amitai, nabi, akabali wa gasihefere. 26Baitu MUKAMA akarora omuhito gwa Isareri ngu mwingi muno: baitu hakaba hataroho abohrwe nobwakuba arekerwe, kunu hatabeho mujuni wa Isareri. 27Kandi MUKAMA atagambe aliragaza ibara lya Isareri hansi yiguru: baitu akabajuna habwomukono gwa Yeroboamu mutabani wa Yoasi. 28Kandi ebigambo ebindi ebya Yeroboamu na byona ebiyakozire, namanige, okuyarwaine, kandi okuyagaruire Damasiko na hamasi ezikaba ziri za Yuda, habwa Isareri, tibihandikirwe omu kitabu kyebyomu businge bwabakama ba Isareri? 29yeroboamu yagwijagira na baisenkuru, abakama ba Isareri; zekaliya mutabaniwe yalema omu kiikarokye.