Swahili Bible2

12

1OMU mwaka gwa Yehu ogwa musanju Yehoasi akabanza okulema; yalemera yerusalemu emyaka amakumi ana: ibara lya nyina nuwe Zibiya owa Beeri-seba. 2Kandi Yehoasi akakora ekirungi omu maiso ga MUKAMA ebirobye byona yehoyada nyakatagara obuyamwegesaga. 3Baitu ebiikaro ebiraihire bitaihweho: abantu bakaba nibakihayo ebyonzira nibote’ra emyami’ro omu biikaro ebiraihire. 4Kandi yehoasi akagambira abanyakatagara ati erupiya zona ezomubintu ebirukwera ebirukuletwa omu nnju ya MUKAMA, erupiya eziragirwa, nerupiya zabantu nkomuntu wena okwacwerwa, nerupiya zona omuntu wena ezatekereza omu mutimagwe okuleta omunju ya MUKAMA, 5banyakatagara bazitwale nambere bali,omuntu wena hali omutahiwe: kandi balisemeza okuseka okwenju, nambere okuseseka kuzoka hona. 6Baitu kikahika omu mwaka gwa Yehoasi ogwamakumi abiri mwesatu banyakatagara bakaba batakasemize okuseseka okwenju. 7Nubwo omukama Yehosi yayeta Yehoyada nyakatagara, na banyakatagara abandi, yabagambira ati kiki ekyabatangire okusemeza okuseseka okwenju? Nukwo hati bunu muleke okusoroza erupiya hali abahi banyu, baitu muziheyo habwokuseseka okwenju. 8Banyakatagara baikiriza okutagaruka okusoroza erupiya omu bantu, nobukwakuba okusemeza okuseseka okwenju. 9Baitu Yehoyada nyakatagara yakwata esanduko, yafumura akaburu omu kifundikira kyayo, yagita ha rubaju rwekyoto, ha rubaju orwobulyo nkomuntu obwataha omu nju ya MUKAMA: na banyakatagara abalindiga oruigi batamuga erupiya zona ezaleserwe omunju ya MUKAMA. 10Kandi kyahika, obubaboine erupiya ziri nyingi omu sanduko, omuhandiki womukama na nyakatagara omukuru wabu baija, baboha omu nsahu nibabara erupiya ezibasangire omu nju ya MUKAMA. 11Kandi bahangayo erupiya ezirengerwa omu ngaro zabo abakozire omulimo, abarole’raga enju ya MUKAMA:bo bagihera ababaizi nabombeki abakozire omulimo ha nju ya MUKAMA, 12na hali abamabale nababaizire amabale, nokugura emiti namabale agabaizirwe okusemeza. 13Baitu batako’re enju ya MUKAMA empwahwa zefeza, namakansi zentambi, nebibindi, namakondere, nobubyakuba ebibindi byezabu, nobubyakuba ebibindi byefeza, omu rupiya ezaleserwe omu nju ya MUKAMA: 14baitu ezi bakaziha abo abakozire omulimo,abasemize nazo enju ya MUKAMA. 15Kandi batabale omuhendo nabasaija ababahaire erupiya omu ngaro zabu okuha abo abakozire omulimo: baitu bakakora nobwesigwa.

16Erupiya ezebihongwa ebyemisango, nerupiya ezibihongwa byebibi, zitaletwe omu nju ya MUKAMA: zikaba ziri za banyakatagara.

17Kandi Hazaeri omukama wa Aramu akatemba yarwana na Gasi yarunyaga: Hazaeri yagumya amaisoge okutemba Yerusalemu. 18Kandi Yehoasi omukama wa Yuda yatwara ebintu byona ebirukwera Yehosafati na Yehoramu na Ahaziya baisenkuru abakama ba Yuda ebibasoire, nebintubye wenka ebyasoroirwe, nezabu yona eyasangirwe omu bikwato ebyenju ya MUKAMA, nebyenju ya mukama, yabikwekera Hazaeri omukama wa Aramu: yaruga ha Yerusalemu. 19Nebigambo ebindi ebya Yoasi na byona ebiyakozire, tibihandikirwe omu kitabu kyebyomu businge bwa bakama ba Yuda? 20Kandi abairube bakaimuka okwema.batema Yoasi ha nju ya Miro,omu muhanda ogurukusirimuka Sira. 21Baitu Yozaka mutabani wa Simeasi na Yehozabadi mutabani wa Somere abairube bakamutema, yafa; bamuzika hamu nabaisenkuru omu rubuga rwa Daudi: Amaziya mutabaniwe yalema omu kiikarokye.