Swahili Bible2

11

1KANDI Ataliya nyina Ahaziya obuyaboine omwanawe afire, yaimuka yahwerekereza oruzaro rwona orwomukama. 2Baitu yehoseba omuhara womukama yoramu, munyanya Ahaziya, yatwara Yoasi mutabani wa Ahaziya, yamuiba omu batabani bomukama abaisirwe, uwe nomuleziwe, yabata omu kisika kyokubyamamu; bamusereka hali Ataliya, kandi ataitwe. 3yaikaraga nauwe aserekerwe omu nju ya MUKAMA emyaka mukaga: Ataliya yalema omu nsi.

4Kandi omu mwaka ogwomusanju, yehoyada yatuma Yaleta engabwa ezebikumi ezaha bakali, nezaha / bamogora, yabaleta namberali omu nju ya MUKAMA, yaragana nabo ekiragano, yabarahiza ekirahiro omu nju ya MUKAMA, yaboleka omwana womukama. 5Yabaragira nagamba ati Kinu nikyo mulikora: ekicweka kyanyu ekyakasatu abataha ha sabiti muliba abalinzi benju yomukama; 6nekicweka ekyakasatu muliba ha irembo Suru; nekicweka ekyakasatu muliba ha irembo enyuma yabamogora: nukwo mulirinda muti enju, nimutanga abandi. 7Nebihanda byanyu ebibiri, bona abaturuka ha sabiti mulirinda muti enju ya MUKAMA nimwehinguliriza omukama. 8Kandi mulyehinguliriza omukama, omuntu wena akwasire ebyokurwanisabye omu ngaroze; omuntu wena atalitaha omu nyi’ri aitwe: nainywe Muikalege nomukama obwaturuka kandi obwataha. 9kandi engabwa ezebikumi bakora byona nka Yehoyada nyakatagara okuyaragire: batwara omuntu wena abasaijabe, abo abakaba bali bokutahamu ha sabitit, baija ha Yehoyada nyakatagara. 10Nyakatagara yahayo hali engabwa zebikumi amacumu nengabu ebikaba biri omu nju ya MUKAMA. 11Abalinzi bayeme’ra omuntu wena akwasire ebyokurwanisabye omu ngaroze, okuruga ha rubaju rwenju orwobulyo nokuhika ha rubaju rwenju orwemoso, haihi nekyoto nenju, nibehinguliriza omukama. 12Nubwo yaturukya omwana womukama, yamutaho ekondo, yamuha ebyobwakaiso; bamufora omukama, bamusesaho amagita; batera enkwakwa nibagamba ngu Omukama ahangirize. 13Kandi Ataliya obuyahulire obwogo bwabalinzi nabantu, yaija hali abantu ha nju ya MUKAMA 14yarora kandi dora, omukama akaba ayemerire ha rututi nkengeso okuzikaba zirii, nengabwa namakondere haihi nomukama; nabantu bona abensi basemererwa nibatera amakondere. Nubwo Ataliya yatemura engoyeze, yayami’ra ati Bemi bwemi. 15yehoyada nyakatagara yaragira engabwa zebikumi ezikaba nizirema ihe, yabagambira ati Mumuturukye hagati yenyi’ri; wena amukuratira mumuite na busitama: baitu nyakatagara akagamba ati Aleke okuitirwa omu nju ya MUKAMA. 16Nukwo bamuhigiza; yagenda omu muhanda nambere embarasi zitahira omu nju yomukama: kandi nuho yaitirwe.

17Yehoyada yaraganiza ekiragano na MUKAMA nomukama nabantu, babe abantu ba MUKAMA; kandi hali omukama nabantu. 18Abantu bona abensi bagenda hali enju ya baali bagisesa; ebyotobye nebisisanibye bakabicwacwanira kimu, baitira Matani nyakatagara wa Baali omu maiso gebyoto. Kandi nyakatagara yataho abakuru ha nju ya MUKAMA. 19yatwara engabwa ezebikumi, Nabakali, nabalinzi, nabalinzi, nabantu bona abensi; basirimura omukama nibamuiha omu nju ya MUKAMA, baija omu muhanda ogwirembo lyabalinzi hali enju yomukama. Yaika’ra ha kitebe kyabakama. 20Nukwo abantu bona abensi basemererwa, norubuga rwaculera: kandi baitu Ataliya na busitama nju yomukama. 21Yehoasi akaba ahikize emyaka musanju hayabandize okulema.