Swahili Bible2

1

1KANDI moabu akemera isareri hanyuma yokufa kwa Ahabu. 2Kandi Ahaziya yagwa omu muhabo ogwekisiskakye ekyeruguru ekikaba kiri omu Samaliya, yarwara: yatuma abakwenda, yabagambira ati Mugende mukaguze ahali Baali-zebubu, omucwezi wa Ekeroni rundi ndikira endwara enu. 3Baitu maraika wa MUKAMA yagambira Eriya Omutisibi ati Imuka otembe oitirane abakwenda bomukama wa samaliya, obagambire oti Habwokutabaho Ruhanga omu Isareri, nikyo murukugendera okukaguza ahali Baali-zebubu omucwezi wa Ekeroni? 4Nukwo hati bunu, nukwo MUKAMA agambire ati Tolisirimuka ha kitabu nambere otembere, baitu mazimakwo olifa. Eriya yagenda. 5Abakwenda bagaruka namberali, yabagambira ati Mugarukire ki? 6Bamugambira ngu haizire omuntu okututangatangana, Yatugambira ati Mugende mugaruke hali omukama ayabatumire, mumugambire muti Nukwo agambire MUKAMA ati Habwokutabaho Ruhanga omu Isareri, nikyo otumire okukaguza ahali Baali-zebubu omucwezi wa Ekeroni? Habweki tolisirimuka okuruga ha Kitabu nambere otembere, 7baitu mazimakwo alifa. Yabagambira ati Akasisana ata omusaija ogu ayarugureyo okubatangatangana, yabatebeza ebigambo binu? 8bamugarukamu ngu Akabali omusaija webyoya, ayetegere omundaye omweko gworuhu. Yagamba ati Nuwe Eriya Omutisibi. 9Omukama yamutumira engabwa yamakumi atano hamu nabasaijabe atano. Yatemba namberakabali: kandi dora akaba aikaire ha rusozi eruguru. Yamugambira ati Iwe omusaija wa Ruhanga, Omukama agambire ati Sirimuka. 10Eriya yagarukamu yagambira engabwa yamakumi atano ati Obundaba ndi omusaija wa Ruhanga, om’ro guruge omu Iguru, gukwokye iwe nabasaija bawe atano. / Omu’ro gwaruga omu iguru gwamwokya nabasaijabe atano. 11Yagaruka yamutumira engabwa endi eyamakumi atano hamu nabasaijabe atano. Yagarukamu yamugambira ati Iwe omusaija wa Ruhanga nukwo omukama agambire ati Sirimuka bwango. 12Eriya yagarukamu yabagambira ati Obundaba ndi omusaija wa Ruhanga, omu’ro guruge omu iguru, gukwokye nabasaija bawe atano. Omu’ro gwa Ruhanga gwaruga omu iguru gwamwokya nabasaijabe atano. 13Yagaruka yatuma engabwa eyamakumi atano obwakasatu hamu nabasaijabe atano. Engabwa eyamakumi atano eyakasatu yatemba yateza amaju omu maiso ga Eriya, yamwesengereza yamugambira ati Iwe omusaija wa Ruhanga nkwesengerize obwomezi bwange nobwomezi bwabanu abairu bawe amakumi atano bube bwomuhendo omu maiso gawe. 14Dora, omu’ro gukaruga omu iguru gwayolya engabwa ibiri ezamakumi atano hamu nabantu babu atano atano; baitu hati bunu obwomezi bwange bube bwomuhendo omu maiso gawe. 15Maraika wa MUKAMA yagambira Eriya ati Sirimuka nauwe: otamutina. Yaimuka yasirimuka hamu nauwe hali omukama. 16Yamugambira ati Nukwo agambire MUKAMA ati Baitu okatuma abakwenda okukaguza hali Baali-zebubu omucwezi wa Ekeroroni, habwokutabaho Ruhanga omu Isareri owokukaguza ekigambokye, nikyo wakolire oti? Habwa kinu tolisirimuka okuruga ha kitabu nambere otembere, baitu mazimakwo olifa. 17Nukwo yafire ati nkekigambo kya MUKAMA OKUKIKABA KIRI Eriya ekiyagambire. Kandi Yehoramu yabanza okulema omu kiikarokye omu mwaka gwa Yehoramu mutabani wa Yehosafati omukama wa Yuda ogwakabiri; baitu akaba atanyina mwana. 18Kandi ebigambo bye Ahaziya ebyasigaireho ebiyakozire, tibihandikirwe omu kitabu kyebyomubusinge bwabakama ba Isareri?