Swahili Bible2

9

1KANDI omukama- mukazi owa Seba obuyahulire okuranganwa kwa Sulemani, yaija okulenge Suleman nebikaguzi bwa ebirukulema omu Yerusalemu, nabantu baingi muno, nengamira ezahimbire ebiboya, nezabu nyingi muno, nobubale obwomuhendo: kandi obuyaizire hali Sulemani, yabaza nauwe byona ebikaba biri omu mutimagwe. 2Sulemani yamusobo’ra byona ebiyakaguize: busaho kigambo ekyaserekerwe Sulemani ekyataramutebize. 3Kandi omukama- mukazi owa Seba obuyaboine amagezi gona aga Sulemani, nenju eyiyayombekere, nebyokulya ebyahamezaye, 4nokuika’ra kwabairube, nokuhereza kwabaherezabe, nebyokujwara byabu; namatemberoge agayetemberahoga okugenda omu nju ya MUKAMA; hatasigale mwoyo omuluwe. 5Yagambira omukama ati Nikyo kyamananu ekinahulire omu nsi yange nyenka ha ngeso zawe, namagezi gawe. 6Baitu ntaikirize ebigambo byabu okuhikya obunaizire, namaiso gange gakirora: kandi dora, batantebezeho nekicweka ekyamagezi gawe amakuru: nokira okuranganwa okunahulire. 7Abasaija bawe bayina omugisa, nabairu bawe banu bayina omugisa, abarukweme’ra obutosa omu maiso gawe, nibahu’ra amagezi gawe. 8MUKAMA Ruhanga wawe asimwe, ayakusemerirweho okukutaho ha kitebekye, obe omukama habwa MUKAMA Ruhanga wawe: baitu Ruhanga wawe: baitu Ruhanga wawe akagonza Isareri, okubagumya okuhikya ebiro byona, nikyo yakufolire omukama okubalema, okucwaga emisango nokukoraga ebyobulyo. 9Kandi akamuha omukama etaranta zezabu kikumi mwabiri, nibiboya bingi muno nobubale obwomuhendo: kunu hatabeho ebiboya ebirukuingana biti omukama-mukazi owa Seba ebiyahaire omukama Sulemani. 10Kandi nabairu ba Huramu, nabairu ba Sulemani, abaihire ezabu Ofiri, bakaleta emiti aligumu nobubale obwomuhendo. 11Omukama yakora entindo omu miti aligumu habwenju ya MUKAMA na habwenju yomukama, nenanga nendongo habwabazini: tihakabonwaga eyokuingana eri omu nsi ya Yuda. 12Kandi omukama Sulemani akamuha omukama-mukazi owa Seba byona ekiyasabire, okutabaramu ebi ebiyalesere hali omukama. Nukwo yahinduka, yagenda omu nsiye wenka, uwe nabairube. 13Kandi ezabu ayaizire hali Sulemani omwaka gumu, obulemezi bwayo bukaba buli etaranta zezabu rukaga mu nkaga 14mu mukaga; okutabaramu egi abasubuzi nabaguzi eyibaletaga: nabakama bona aba Arabu nabalemi abensi baletaga ezabu nefeza hali Sulemani. 15Kandi iomukama Sulemani akakora obugabu bwezabu eheserwe bikumi bibiri: sekeri rukaga ezezabu eheserwe zikakora akagabu kamu. 16Kandi yakora engabu ezezabu eheserwe bikumi bisatu; sekere bisatu ezezabu zikakora engabu emu: omukama yazita omu nju yekibira kya Lebanoni. 17Kandi omukama akakora ekitebe kyomukama ekihango ekyamasanga, yakisweka nezabu esemire. 18Ekitebe eki kikaba kinyina amatembero mukaga, nakatebe akebigere akezabu, kandi ebi bikateranizibwa nekitebe, kandi hakaba haroho emokono embaju zombie ha kiikaro ekyokuika’raho, nentale ibiri zemerire ha mikono rubaju. 19Nentale ikumi naibiri zikeme’raho ha rubaju orumu, na ha rubaju orundi ha matembero mukaga: hatakorwe ekindi ekirukusisana nakyo omu bukama bwona nabumu. 20Nembonekyo zona ezokunyweramu ezomukama Sulemani zikaba ziri za zabu, nebintu byona ebyomu nju yekibira kya Lebanoni bikaba biri byezabu esemezibwe: efeza ekaba etali yomuhendo omu biro bya Sulemani. 21Baitu omukama akabanyina amoto agagendaga Tarasisi hamu nabairu ba Huramu: omurundi gumu emyaka esatu amato ga Tarasisis gaijaga nigaleta ezabu, nefeza, namasanga, nenkerebe, nenyonyi ezekitinisa. 22Nukwo omukama Sulemani yakizire ati abakama bona abomu nsi obuguda namagezi. 23Kandi abakama bona abomu nsi bakase’ra okurora Sulemani, okuhu’ra amagezige Ruhanga agayataire omu mutimagwe. 24Kandi bakaleta omuntu wena ekisembo kye ebintu byefeza, nebintu byezabu, nebyokujwara, nebyokurwanisa, nebiboya, nembarasi, nenyumba, ebyacwibwaga omwaka nomwaka. 25Kandi Sulemani akabanyina amasibiko enkumi ina habwembarasi negali, nabahambarasi kakumi mwenkumi ibiri, abayataire omu mbuga ezwgali, kandi hamu nomukama Yerusalemu. 26Kandi akalema abakama bona okuruga ha Kyambu nokuhikya ensi Yabafirisiti, nokuhikya ha mutano gwa Misiri. 27Kandi omukama akafora efeza okuba nkamabale omu Yerusalemu, nemikogoto akagifora okuba nkemisukomoli eri omu kyeya, habwobwingi. 28Kandi bakaihira Sulemani embarasi omu Misiri, nomu nsi zona. 29Kandi ebigambo ebindi ebya Sulemani ebiyakoizire, ebyokubanza nebyahanyuma, tibihandikirwe omu bigambo bya Nasani nabi, nomu kuragura kwa Ahiya Omusiro, nomu kwolekwa kwa Ido omurozi, ebiyaboine ha Yeroboamu mutabani wa Nebati? 30Kandi Sulemani akalemera Isareri yona emyaka amakumi ana omu Yerusalemu. 31Sulemani yagwijagira na baisenkuru, yazikwa omu rubuga rwa Daudi ise: kandi Rehoboamu mutabaniwe yalema omu kiikarokye.