Swahili Bible2

8

1KANDI kikahika emyaka amakumi abiri obuyahinguireho, Sulemani eyiyakoliremu enju ya MUKAMA, nenjuye wenka, 2embuga ezi Huramu ziyahaire Sulemani, Sulemani akazombeka, yaikazayo abana ba Isarri. 3Kandi Suelamni akagenda 4Hamasi-zoba, yagisingura. Kandi akombeka Tadimora omu irungu, nembuga zona ezokuhunikamu, eziyayombekere omu Hamasi. 5Kandi akombeka Besi-horoni eyeruguru, na Besi-horoni eya hansi, embuga eziroho muhuruzi, nemisongo’ro, 6namalembo, nebibiha; na Baalasi, nembuga zona ezokuhunikamu Sulemani ezakaba ayinazo, nembuga zona ezegalize, nembuga ezabahambarasibe, na byona Sulemani ebiyagondeze okwombeka habwokwesemeza wenka omu Yerusalemu, nomu Lebanoni, nomu nsi yona eyokulamakwe. 7Baitu abantu bona abasigaireho ha Bahiti, Nabamoli, Nabaperezi, Nabalevi, Nabayebusi, abakaba batali ba Isareri; 8abomu bana babu abasigaireho omu nsi hanyuma yabu, abana ba Isareri ababatarahwerekerize, hali abo Sulemani akasoroza ekihanda kyabairu rubale, nokuhikya hati. 9Baitu ha bana ba Isareri Sulemani atasoroze abairu habwomulimogwe; baitu bakaba bali abasaija bokurwana, nabakuru bengabwaze, nabalemi bagalize nabahambarasibe. 10Kandi abo nibo banyoro abakuru ba Sulemani omukama, bikumi bibiri mwatano, abalemaga abantu. 11Kandi Sulemani akaiha omuhara wa Faraho omu rubuga rwa Daudi, yamutahya omu nju eyiyamwombekire: baitu ekagamba ati Mukazi wange taliikara omu nju ya Daudi omukama wa Isareri, baitu ebiikaro nibyo birukwera, nambere esanduko ya MUKAMA etahire. 12Nubwo Sulemani yahayo ebihongwa ebyokeze hali MUKAMA ha Kyoto kya MUKAMA, ekiyayombekere omu maiso gekisasi, 13nkomulimo gwa bukyabukya okugukaba guli, nahonga nkekiragiro kya Musa okukiri, ha sabiti, kandi ha kwezi okuboneka, kandi ha bugenyi obwataireho, emirundi esatu omwaka gwona, ha bugenyi obwemigati etatumbisibwe, naha bugenyi obwesabiti musanju na ha bugenyi obwenkande. 14Kandi nkekiragiro kya Daudi ise okukikaba kiri, akataho embu za banyakatagara ezokuhereza kwabu, Nabalevi akabata ha mulimo gwabu ogu baragirwe, okukugizaga nkuherezaga omu maiso ga banyakatagara, nkomulimo gwa banyakatagara, nkomulimo gwa bukyabukya okugukaba guli: kandi mabakumirizi nkembuzabu okuzikaba ziri ha malembo gona: baitu nukwo Daudi omusaija wa Ruhanga yaragire ati. 15Kandi bataruge omu kiragiro kyomukama hali banyakatagara Nabalevi obwekigambo kyona, rundi obwekigambo kyona, rundi obwebintu ebyayahuirwe. 16Kandi omulimo gwona ogwa Sulemani gukaba gutekanibwe okuruga ha kiro ekyokutaho emiganda yenju ya MUKAMA, kandi nokuhikya obwerihwa. Nukwo enju ya MUKAMA yahikirizibwe eti. 17Kandi Sulemani akagenda Ezi-oni-gebere, na Erosi, ha musa gwenyanja omu nsi ya Edomu. 18Kandi Huramu akamutwekera ebyombo habwomukono gwa-bairube, nabairu abakaba bamanyire enyanja; baija hamu nabairu ba Sulemani hali Ofiri, baihayo eteranta zezabu bikumi bina mwatano, bazireta hali omukama Sulemani.