Swahili Bible2

7

1Lero Sulemani obuyamazire okusaba, omu’ro gwaruga haiguru, gwayokya ekihongwa ekyokeze nebyonzira; nekitinisa kya MUKAMA kyaijura omu nju. 2Kandi banyakatagara batasobole okutaha omu nju ya MUKAMA, baitu ekitnisa kya MUKAMA kyaijura omu nju ya MUKAMA. 3Nabantu bona aba Isareri bakasunga, omu’ro obugwagwire, nektinisa kya MUKAMA kiri ha nju; bainama amaiso gabu hansi ha mabale agalirwe, baramya basima MUKAMA nibagamba ngu Baitu murungi; baitu okuganyirakwe kwebiro nebiro. 4Nubwo omukama na Bantu bona bahayo ekyonzira omu maiso ga MUKAMA. 5Omukama Sulemani yahayo ekyonzira ekyenimi bukumi bubiri mwenkumi ibiri, nentama kasirira mu bukumi bubiri. Nukwo omukama nabantu bona basoroire bati enju ya Ruhanga. 6Kandi banyakatagara bakeme’ra nkomulimo gwabu okuguli; Nabalevi banyina ebintu ebigamba ebya MUKAMA, Daudi omukama ebiyakozire, okusimaga MUKAMA, baitu okugamaga MUKAMA, baitu okuganyorakwe kwebiro nebiro, Daudi obuyasimaga habwokuhereza kwabyo: na banyakatagara bakatera amakondere omu maiso gabu; naba Isareri bona bakeme’ra. 7Kandi Sulemani akeza ezigati hagati yayo omu maiso genju ya MUKAMA; baitu nuho yahaireyo ebihongwa ebyokeze nebisajwa ebyebihongwa ebyobusinge: baitu ekyoto ekyomulinga Sulemani ekiyakozire kitasobole okubaho ekihongwa ekyokeze, nekihongwa ekyebyokulya nebisajwa. 8Nukwo Sulemani yacumbira ati obugenyi ha kasumi ako okuhikya ebiro musanju, na Isareri yona hamu nauwe, ekitebe kingi muno, okuruga nambere batahira Hamasi nokuhikya akambu ka Misiri. 9Kandi ha kiro ekya munana bacumba obugenyi obwokwohereza: baitu bakalinda okusororwa okwekyoto okuhikya ebiro musanju, nobugenyi okuhikya ebiro musanju. 10Kandi ha kiro ekyamakumi abiri mu bisatu ekyokwezi kwa musanju okohereza abantu, bagende omu hema zabu, basemerirwe kandi bahirirwe emitima yabu habwembabazi MUKAMA eziyayolekere Daudi, na Suelemani, na Isareri abantube. 11Nukwo Sulemani yamazire ati enju ya MUKAMA, nenju eyomukama: na byona Sulemani ebiyatekerize omu mutimagwe okukora omu nju ya MUKAMA, nomu njuye wenka akabihikya nomugisa. 12Kandi MUKAMA yabonekera Sulemani ekiro, yamugambira ati Mpulire okusaba kwawe, kandi nyegomboize nyenka ekiikaro kinu okuba enju eyokuherayo ebyonzira. 13Rundi obundikingaho iguru enjura ereke okugwa, rundi obundiragira enzige okulya ensi, rundi obunditweka orufu omu Bantu bange; 14abantu bange, abarukwetwa ibara lyange, obubalyebundaza bonka, nibasaba, nibase’ra amaiso gange, nibahinduka okuleka emihanda yabu emibi; nubwo ndihu’ra omu iguru, ndiganyira ekibi kyabi, kandi ndikiza ensi yowabu. 15Lero amaiso gange garaigukaga, kandi amatu gange garategeraga, okusaba okurukukorwa omu kiikaro kinu. 16Batu hati bunu nyegomboize enju enu, kandi nyereze, ibara lyange liikaleyoga ebiro byona: namaiso gange nomutima gwange birakarayoga obutosa. 17Kandi ebyawe, obworagenderaga omu maiso gange, nka Daudi ’so okuyagendaga, nakora nkokunakuragire byona, kandi noyerinda ebinataireho nebyobulyo byange; 18nubwo ndigumya ekitebe ekyobukama bwawe, nkokunaragaine na Daudi’so, ningamba nti Tihalikuburaho omusaija owokuba omulemi omu Isareri. 19Baitu obumulihinduka okundugaho, nimufuruka byange ebinataire omu maiso ganyu,. Kandi obumuligenda nimuko’ra abacwezi, nimubaramya: 20nubwo ndibasikura emihama yanyu omu nsi yange eyinabahaire; kandii enju enu, eyinyereze habwibara lyange, kandi ndigifora orufumo nenganikyo omu mahanga gona. 21Nenju enu, enyakurahaire eti, omuntu wena aligihinguraho alihuni’ra, kandi aligamba ati Kiki ekyakoleze MUKAMA kiti hali ensi enu, na hali enju enu? 22Kandi balirukamu ngu Baitu bakafuruka MUKAMA, Ruhanga wabaisenkurubo, eyabaihireyo omu nsi ya Misiri, kandi bakwata abacwezi, babaramya, babako’ra: nikyo yabaletireho akabi ako kona.