Swahili Bible2

35

1KANDI Yosiya akalya Okuhingurwaho hali MUKAMA omu Yerusalemu: baitu Okuhingurwaho ha kiro kya ikumi na bina ekyokwezi okwokubanza. 2Yataho banyakatagara omu mulimo gwabu ogubaragirwe, yayekambisa okuhereza omu nju ya MUKAMA. 3Yagambira Abalevi abayegesaga Isareri yona, abakaba basoroirwe hali MUKAMA, ati Mute esandukok erukwera omu nju Sulemani mutabani wa Daudi omukama wa Isareri eyiyayombekere; torigaruka okujwahya amabega ganyu: hati bunu muhereze MUKAMA Ruhanga wanyu, nabantube Isareri. 4Kandi mwetekanize inywenka nkenju za baisinywe okuziri, kandi nkembu zanyu okuziri, nkekihandiko kya Sulemani mutabaniwe okubiri. 5Kandi mweme’re omu kiikaro ekirukwera nkemyanya eyenju zabaisebo bene banyu abana nabantu, kandi habeho hali omuntu wena omugabo ogwenju yabaisebo Ebyabalevi. 6Kandi muite Okuhingurwaho, mweyeze inywenka, mutekanirize bene banyu, okukora nkekiragambo kya MUKAMA okukiri ha habwomukono gwa Musa. 7Kandi Yosiya akaha abana babantu, ha igana, ebyana byentama nebyana byembuzi, ebi byona byehingurwaho, hali bona abakaba baloho, omuhendo gwazo bukumi busatu, nente enkmi isatu: ezi zikaruga omu bintu byomukama. 8Nabakurube bakaha habwekihongwa ekyokugonza hali abantu, ha banyakatagara na ha Balevi. Hirikiya na Zekaliya na Yehyeri, abalemi abenju ya Ruhanga, bakaha banyakatagara habwebuhongwa bya Kuhingurwaho embuzi ekumi ibiri mu rukaga, nente bisatu. 9Na Konaniya na Semaya na Netaneri, benebabu, na Hasabiya na Yeyeri na Yozabadi, abakuru Babalevi, bakaha Abalevi habwebihongwa bya Kuhingurwaho embuzi enkumi itano, nente bitano. 10Nukwo omulimo gwatekanizibwe guti, banyakatagara bayemera omu kiikaro kyabu, Nabalevi nkembu xabu okuzikaba ziri, nkekiragiro kyomukama okukikaba kiri. 11Kandi bakaita Okuhingurwaho, banyakatagara bamisa esagama, eyabahairwe omukono gwabu, Nabalevi bakazibaga. 12Kandi baihaho ebihongwa ebyokeze, babihe nkebicweka ebynju zabaisebo abana babantu, okuhongera MUKAMA, nkokukyahandikirwe omu kitabu kya Musa. Kandi nukwobakozire bati nente. 13Kandi bayokya Okuhingurwaho nomu’ro nkekiragiro okukiri: nebihongwa ebirukwera bakabicumba omu binaga nomu sufuliya nomu nyungu, babitwekera bwango abana babantu bona. 14Kandi hanyuma bayetekaniriza bonka, na banyakatagara; baitu banyakatagara batabani ba Aroni bakatalibana okuhonga ebingwa ebyokeze nebisajwa okuiza obuire: nikyo Abalevi bayetekanirize bonka, na banyakatagara abana ba Aroni. 15Kandi abazini abana ba Asafu bakaba bali omu kiikaro kyabu, nkekiragiro ekya Daudi, na Asafu, na Hemani, na Yedusuni omurozi womukama okukikaba kiri; nabakumirizi bakaba bali ha malembo gona: batatwarwe kigambo okuihwa ha mulimo gwabu, baitu bene babu Abalevi bakabatekaniriza. 16Nukkwo, okuhereza kwona okwa MUKAMA kukatekanizibwa ekiro kimu kyonka, okulya Okuhingurwaho, nokuhongwa ebyokeze ha kyoto kya MUKAMA nkekiragiro ekyomukama Yosiya okukikaba kiri. 17Kandi abana ba Isareri abakaba abaloho bakalya Okuhingurwaho omu kasumi ako, nobugenyi obwemigati etatumbisibwe ebiro musanju. 18Kandi hatabeho Okuhingurwaho okuingana oku okwalirwe omu Isareri okuruga ha biro bya Samuiri nabi; kunu abakama bona ba Isareri batalye Okuhingurwaho okwaingaine noku Yosiya okuyalire, na banyakatagara, Nabalevi, na Yuda yona naba Isareri abakaba baloho, nabomu Yerusalemu. 19Omu mwaka gwobusinge bwa Yosiya ogwa okumi na munana nubwo Okuhingurwaho oku kwalirwe obu. 20Hanyuma yebi byona, Yosiya obuyamazire okutekaniza yekaru, Neko omukama wa Misiri akaramaga okurwanisa Kakemisi haihi na Furati: kandi Yosiya yamuramagira. 21Baitu yamutumira abakwenda nagamba ati Nyowe ninjunana ki naitwe, omukama wa Yuda? Tinkuramagire hati, baitu enju eyindukurwana nayo; kandi Ruhanga andagire okurahuka: leka okwetaba na Ruhanga, anyakuli nanyowe, aleke okukuhwerekeza. 22Baitu Yosiya yayanga okuhindura amaisoge okumurugaho, baitu yayefora okundi, arwane nauwe, tiyahu’ra ebigambo bya Neko, ebyarugireha kanwa ka Ruhanga, yaija okurwana omu kihanga kya Megido. 23Kandi abarasi bobuta bakarasa omukama Yosiya; omukama yagambira abairube ati Munyiheho; baitu mputaire muno. 24Nukwo abairube bamuiha omu gali, bamuta omu gali eyakabiri eyakaba anyinayo, bamuleta Yerusalemu; yafa, yazikwa omu gasani ya baisenkuru. Na Yuda yona na Yerusalemu bakaliri’ra Yosiya. 25Na Yeremiya yate’ra Yosiya empamo: nabasaija bona abazini nabakazi abazini bakabaza ha Yosiya omu mpamo zabu, nobuhikya hati; kandi bazifora nkekiragiro omu Isareri: kandi dora, zihandikirwe omu mpamo. 26Kandi ebigambo ebindi ebya Yosiya, nengesoze enungi, nkebi ebyahandikirwe 27omu biragiro bya MUKAMA, nebigambobye ebyokubanza nebyahanyuma, dora, bihandikirwe omu kitabu kyabakama ba Isareri na Yuda.