Swahili Bible2

34

1YOSIYA akaba ahikize emyaka munana habandize okulema; yalemera Yerusalemu emyaka asatu mu gumu. 2Akakora ekirungi omu maiso ga MUKAMA, yagendera omu mihanda ya Daudi isenkuru, atahunguke okugenda ha mukono ogwobulyo nobuhokuba ha mukono gwemoso. 3Baitu omu mwaka gwobusingebwe ogwa munana obwakaba akiri muto, akatandika okuse’ra Ruhanga wa Daudi isenkuru: kandi omu mwaka gwa ikumi nebiri akatandika okusemeza Yuda na Yerusalemu hali ebiikaro eibiraihire, na Aserimu, bebisisani ebisaruirwe, nebisisani ebyagere. 4Kandi bakasesa ebyoto bya Baalimu omu maisoge; nebisisani ebyagere, yabicwacwana yabifora ecucu, yagisesa ha bituro byabo abakaba nibabisa’ra ebyonzira. 5Yayokeza amagufa ga banyakatagara ha byoto byabu, yasemeza Yuda na Yerusalemu. 6Kandi nukwo yakozire ati omu mbuga za Manase na Eferaimu na Simeoni, nokuhikya Nafutali, omu bikamburu byazo ha mbaju zona. 7Kandi akasesa ebyoto, yasasangura Aserimu nebisisani ebisaruirwe, yatemera kimu ebisisani byona ebiizoka okuhikya ensi yona eya Isareri, yagarukayo Yerusalemu.

8Kandi omu mwaka gwobusingebwe ogwa ikumi na munana, obuyamazire okusemeza ensi, nenju, yatuma Safani mutabani wa Azaliya, na Maaseya omulemi worubuga, na Yoha mutabani wa Yoahazi omuijukya, okusemeza enju ya MUKAMA Ruhangawe. 9Baija hali Hirikiya nyakatagara omukuru, bahayo erupiya ezaleserwe omu nju ya Ruhanga, Abalevi abakumirizi benyigi ezibasoroize omu mukono gwa Manase na Eferaimu, na Yuda yona na Benyamini, nabomu Yerusalemu. 10Bazihayo omu mukono gwabakozi abakaba nibaro’ra enju ya MUKAMA; kandi abakozi abakozire omu nju ya MUKAMA bazihayo okusemeza nokwombeka enju; 11ababaizi nabombeki nibo bazihairwe, habwokuruga amabale agabaizirwe, nemiti eyokuteraniza, nokukora emiraba yenju abakama ba Yuda ezabasesere. 12Kandi abasaija bakakora omulimo nokwesigwa: nabarolezi babu bakaba bali Yahasi na Obadiya, Abalevi abomu bana ba Merali; na Zekaliya na Mesuramu, abomu bana Babakohasi, okugirole’ra: nabandi abomu Balevi abakaba nibetegereza okutera ebintu ebigamba. 13Kandi bakarole’ra nebetweki, nibekambisa bona abakozire omulimo ogwemiringo yona ogwokuhereza: kandi ha Balevi hakaba haroho abahandiki nabaduma nabakumirizi. 14Kandi obubaturukize erupiya ezaleserwe omu nju ya MUKAMA, Hirikiya nyakatagara yazora ekitabu ekyebiragiro bya MUKAMA ebyahairwe habwomukono gwa Musa. 15Hirikiya yagarukamu nagambira Safani omuhandiki ati Nzoire ekitabu kyebiragiro omu nju ya MUKAMA. Hirikiya yaha Safani ekitabu. 16Safani yatwekera omukama ebigambo nagamba ati Byona ebyaragirwe abairu bawe nibabikora. 17Kandi baihire erupiya ezasangirwe omu nju ya MUKAMA, kandi bazihaireyo omu mukono gwabarolerezi, nomu mukono gwabakozi. 18Safani omuhandiki yatebeza omukama ati Hirikiya nyatakatagara empaire ekitabu. Safani yasomamu omu maiso gomukama. 19Kandi kyahika omukama obuyahulire ebigambo byebiragiro, yatemura ebyokujwarabye, 20omukama yaragira Hirikiya na Ahikamu mutabani wa Safani, na Abudoni mutabani wa Safani, na Abudoni mutabani wa Mika,na Safani omuhandiki, na Asaya omuhereza womukama, nagamba ati 21Mugende mukaguze hali MUKAMA habwange na habwabo abasigaireho omu Isareri na Yuda, ebyebigambo byekitabu ekyazoirwe: baitu kingi ekiniga kya MUKAMA ekituseserweho, baitu baisenkuru itwe baterinde ebigambo bya MUKAMA, okukora byona ebyahandikirwe omu kitabu kinu. 22Nukwo Hirikiya, nabo omukama abayaragire, bagenda hali Hulida nabi-mukazi muka Sarumu mutabani wa Tokihasi, mutabani wa Hasira omujweki; (lero akaba aikaire omu Yerusalemu omu kicweka ekyakabiri); bamugambira ebigambo ebi. 23Yabagambira ati Nukwo MUKAMA ayabatumire namberendi muti 24Nukwo MUKAMA agambire ati Dora, ndireta akabi ha kiikaro kinu, na ha bantu banu, emikyeno yona eyahandikirwe omu kitabu ekibasomere omu maiso gomukama wa Yuda: 25baitu bakafuruka nyowe, nibote’ra emyami’ro abacwezi, bayereme okumbihiza nemirimo yona eyengaro zabu; nikyo ekiniga kyange kisesekire ha kiikaro kinu, kunu tikirirazibwa. 26Baitu omukama wa Yuda, ayabatumire okukaguza hali MUKAMA, nukwo agambire MUKAMA Ruhanga wa Isareri ati Ebyebigambo ebiwahulire, 27baitu omutima gwawe gukaba nugworoba, kandi wayebundaza omu maiso ga Ruhanga, obuwahulire ebigambobye ha kiikaro kinu, kandi ha bantu abamu, kandi wayebundaza omu maiso gange, kandi watemura, ebyokujwara byawe, kandi wa’ra omu maiso gange: nanyowe nkuhulire, agambire MUKAMA. 28Dora, ndikusoroleza hali baswenkuru, kandi olisorozebwa ha kina kyawe nobusinge, kunu amaiso gawe tigalibona akabai kona akandireta ha kiikaro kinu na ha bantu bamu. Baletera omukama ebigambo.

29Omukama yatuma yasoroza hamu abakuru bona aba Yuda na Yerusalemu. 30Omukama yatemba omu nju ya MUKAMA, nabasaija bona aba Yuda nabomu Yerusalemu,na banyakatagara, Nabalevi, nabantu bona, abakuru nabato: yasoma omu matu gabu ebigambo byona ebyekitabu ekyebiragano ekyakozirwe omu nju ya MUKAMA. 31Omukama yayeme’ra omu kiikarokye, yaragana ekiragano omu maiso ga MUKAMA, nokwerindaga ebiragirobye, nebi ebiyamanyisize, nebi ebiyataireho, nomutimagwe gwona, nobwomezibwe bwona, okukora ebigambo ebyekiragano ebyahandikirwe omu kitabu eki. 32Yahambiriza bona abazokere omu Yerusalemu nomu Benyamini okukigumiraho. Kandi abomu Yerusalemu bakora nkekiragano kya Ruhanga okukiri, Ruhanga wa baisenkurubo. 33Kandi Yosiya akaihaho ebinugwa byona omu nsi zona ezikaba ziri zabana ba Isareri, yahambiriza bona abasangirwe omu Isareri okukora, nukwo kuko’ra MUKAMA Ruhanga wabu. Omu birobye byona bataleke okukuratira MUKAMA, Ruhanga wa baisenkurubo.