Swahili Bible2

27

1Yosamu akaba ahikize emyaka abiri netano hayabandize okulema: yalemera Yerusalemu emyaka ikumi na mukaga: ibara lya nyina nuwe Yerusalemu omuhara wa Zadoki. 2Akakora ekirungi omu maiso ga MUKAMA, nka byona Uziya ise ebiyakozire okubikaba biri: baitu atatahe omu yekaru ya MUKAMA. Nabantu bakaba nibakyakora ebyobubi. 3Akombeka irembo eryeruguru eryenju ya MUKAMA, kandi ha muhuruzi ya Oferi akombeka muno. 4Kandi akombeka embuga omu nsi yensozi eya Yuda, nomu bibira akombeka embuga omu nsi yensozi eya Yuda, nomu bibira akombeka enkomero nebigo. 5Kandi akarwana nomukama wabana ba Amoni, yabasingura. Kandi abana ba Amoni omu mwaka ogu bakamuha etaranta zefeza kikumi, nebirengo byengano kakumi, nebya sayiri kakumi. Nukwo abana ba Amoni bamuhaire bati, nomu mwaka ogwakabiri, nomu mwaka ogwakasatu. 6Nukwo Yosamu yafoka wamani, baitu akatekereza emihandaye omu maiso ga MUKAMA Ruhangawe. 7Kandi engeso ezindi eza Yosamu nobulemubwe bwona, nemihandaye, dora, bihandikirwe omu kitabu ekyabakama ba Isareri na Yuda. 8Akaba ahikize emyaka abiri netano hayabandize okulema, yalemera Yerusalemu emyaka ikumu na mukaga. 9Yosamu yagwijagira na baisenkuru, bamuzika omu rubuga rwa Daudi: Ahazi mutabaniwe yalema omu kiikarokye.