Swahili Bible2

26

1KANDI abantu bona aba Yuda bakwata Uziya, akaba ahikize emyaka ikumi na mukaga, bamufora omukama omu kiikaro kya Amaziya ise. 2Akombeka Erosi, yagigaru’ra Yuda, hanyuma yomukama okugwijagira na baisenkuru. 3Uziya akaba ahikize emyaka ikumi na mukaga hayabandize okulema; yalemera Yerusalemu emyaka etano nebiri: nibaralya nyina nuwe Yekiriya owa Yerusalemu. 4Kandi akakora ekirungi omu maiso ga MUKAMA, nka byona okubiri Amaziya ise ebiyakozire. 5Akekamba okuse’ra Ruhanga omu biro bya Zekaliya, akaba nayetegereza habwokwolekwa okwa Ruhanga: kandi obuyase’raga MUKAMA, Ruhanga yamuhaga omugisa. 6Yaramaga yarwana Nabafirisiti, yasesa muhuruzi yarwana Nabafirisiti yesesa muhuruzi wa Gasi, na muhuruzi ya Yabune, na muhuruzi ya Asidodi; kandi yayombeka embuga omu nsi ya Asidodi, nomu Bafirisiti. 7Ruhanga akamukonyera okurwana Nabafirisiti, Nabarabu abaikaraga omu Guru-baali, Nabameuni. 8Kandi Abamoli bakaha Uziya ebisembo: ibaralye lyaranganwa nokuhikya nambere batahire Misiri; baitu akafoka wamani maingi. 9Kandi Uziya akombeka enkomero omu Yerusalemu ha irembo eryabakarugu, kandi ha irembo eryakarugu, kandi ha irembo eryekihanga, kandi nambere muhuruzi eyegemera, yaziteraho ebigo. 10Kandi akombeka enkomero omu irungu, yalima amaziba maingi; baitu akabanyina ebisoro bingi; kandi nomu kyeya nomu irambi: kandi akabanyina abalimi nabarukusa’ra emizabibu omu nsozi nomu misiri erukwana; baitu akagonza omulimo gwokulima. 11Kandi Uziya akabanyina ihe lyabasaija bokurwana, abaramagaga ebihanda, nkomuhendo ogwokubarwa kwabu, okugukaba guli obubabazirwe Yehyeri omuhandiki na Maaseya omuduma, habwomukono gwa Hananiya, omu hali engabwa ezomukama. 12Omuhendo oguhikire ogwemitwe yenju zabaisebo, abasaija bamani nobumanzi, gukaba guli enkumi ibiri mu rukaga. 13Kandi hansi yomukono gwabu hakaba haroho ihe eryayegesibwe, busirira busatu mu kasanju mu bitano, abarwanaga nobusobozi bwamani, okukonyera omukama ahali omunyanzigwa. 14Kandi Uziya akabategekera abo bona abomu ihe, engabu, namacumu, nenkofira ezokurwana, nebizibaho ebyebyoma, namata, nobubale obwokususa. 15Kandi akakora ebintu omu Yerusalemu ebyacwererirwe abantu abamagezi, bibege ha nkomero na ha muhuruzi ha ruguru, okurasa engobe namabale amakoto nabyo. Kandi ibaralye likaranganwa hara; baitu akakonyerwa mahano, okuhikya obuyagumireho.

16Kandi obuyagumireho,omutimagwe gwanyumizibwa, nokukora akakora ebyobubi, ya sisira MUKAMA Ruhangawe; baitu akataha omu yekaru ya MUKAMA okwote’ra emyami;ro ha kyoto ekyemyami’ro. 17Kandi Azaliya nyakatagara yatahamu namukuratira, kandi hamu nauwe banyakatagara ba MUKAMA kinana, abakaba bali basaija bobumanzi: 18batanga Uziya omukama nibamugambira ngu Tiguli mulimo gwae Uziya okwote’ra MUKAMA emyami’ro, baitu gwa banyakatagara batabani ba Aroni, abasoroirwe habwokwotera emyami’ro: ruga harukwera; baitu osisire; kunu tikirikuletera ekitinisa okuruga ha MUKAMA Ruhanga. 19Uziya yabihirwa; akabanyina ekiswa omu ngaroze okwotera emyami’ro nakyo; kandi obwakaba abihirirwe banyakatagara, ebigenge byasesa ha busobwe omu maiso ga banyakatagara omu nju ya MUKAMA, ha rubaju rwekyoto ekyemyami’ro. 20Kandi Azaliya, nyakatagara omukuru na banyakatagara bona bamurole’ra, kandi dora, akabali omugenge ha busobwe, bamucumiriza bwango okumuihayo; kandi uwe wenka akarahuka okuturuka, baitu MUKAMA akamutera. 21Kandi Uziya omukama yaba omugenge okuhikya ekiro kyokufakwe yaikara omu nju eyabaganizibwe, baitu akaihwa ha nju ya MUKAKA: Yosamu mutabaniwe yalema enju yomukama, nacwa emisango eyabantu bensi. 22Kandi engeso ezindi eza Uziya, ezokubanza nezahanyuma, Isaya nabi, mutabani wa Amozi akazihandika. 23Nukwo Uziya yagwijagira na baisenkuru: bamuzika hamu nabaisenkuru omu kibanja ekyokuzikamu ekikaba kiri kyabakama: baitu bakagamba ngu Mugenge: kandi Yosamu mutabaniwe yalema omu kiikarokye.