Swahili Bible2

22

1KANDI abomu Yerusalemu bakafora Ahaziya mutabaniwe omuto omukama omu kiikarokye: baitu ekihanda kyabasaija abaizire Nabarabu omu rukande bakaita batabani abakuru bona. Nukwo Ahaziya mutabani wa Yehoramu omukama wa Yuda yalemere ati. 2Ahaziya akaba ahikize emyaka ana nebiri hayabandize okulema; yalemera omwaka gumu omu Yerusalemu: ibara lya nyina nuwe Ataliya omuhara wa Omiri. 3Nauwe akagendera omu mihanda yenju ya Ahabu: baitu nyina nuwe akabali omuhanuziwe okumukoza kubi. 4Yakora ekibi omu maiso ga MUKAMA, nkenju ya Ahabu okuyakozire: baitu nibo bakaba bali abahanuzibe hanyuma yokufa kwa ise, okumuhwerekereza. 5Kandi akakuratira amagezi gabu, yagenda na Yehoramu mutabani wa Ahabu omukama wa Isareri okurwana ha Hazaleri, omukama wa Aramu omu Ramosi-gireadi: Abaaramu bahutaza Yoramu. 6Yagaruka okutambirwa Yezereri ebihuta ebibamuherire Rama, obuyarwaine na Hazaleri omukama wa Aramu. Kandi Azaliya mutabani wa Yehoramu mutabani wa Ahabu omu Yezereri, baitu akaba arwaire. 7Lero okuhwereke’ra okwa Ahaziya kukaruga hali Ruhanga, obuyagenzire hali Yoramu: baitu obuyahikire, yaturukira hamu na Yehora hali Yehu mutabani wa Nimusi, MUKAMA ouyataireho okumaraho enju ya Ahabu. 8Kandi kyahika, Yehu obwakaba nacwera emisango enju ya Ahabu, yasanga abakuru ba Yuda, na batabani ba bene babu Ahaziya, nibahereza Ahaziya, yabaita. 9Kandi akase’ra Ahaziya, bamukwata (lero akaba nayesereka omu Samaliya, bamuleta hali Yehu, bamuita: kandi bamuzika, baitu bakagamba ngu Nuwe mwana wa Yehosafati, ayasera’ga MUKAMA nomutimagwe gwona. Kandi abenju ya Ahaziya batabone mani okugumya obukama.

10Kandi Ataliya nyina Ahaziya obuyaboine omwanawe afire, yaimuka yahwerekereza oruzaro rwona orwobukama omu nju ya Yuda. 11Baitu Yehosabeasi omuhara womukama, yatwara Yoasi mutabani wa Ahaziya, yamuiba omu batabani bomukama abaisirwe, yamuta hamu nomuleziwe omu kisika ekyokubyamamu. Nukwo Yehosabeasi omuhara womukama Yehoramu, muka Yehoyada nyakatagara, (baitu akabali munyanya Ahaziya,) yamuserekere ati hali Ataliya, nokuita atamuite. 12Kandi akabali hamu nabo aserekerwe omu nju ya Ruhanga emyaka mukaga: kandi Ataliya akalema ensi.