Swahili Bible2

19

1KANDI Yehosafati omukama wa Yuda yagarukayo omu njuye nobusinge omu Yerusalemu. 2Yehu mutabani wa Hanani omurozi yarugayo okumutangi’ra, yagambira omukama Yehosafati ati Kikuhikirire okukonyera ababi, nokugonza abo abarukunoba MUKAMA? habwekigambo eki ekiniga kikuhikireho okuruga ha MUKAMA. 3Baitu hazokere ebirungi omuliwe, baitu akaihaho Aserosi omu nsi, kandi wagumya omutima gwawe okuse’ra Ruhanga.

4Yehosafati yaikara Yerusalemu: yagenda okubungira abantu okuruga Beeri-seba nokuhikya ensi yensozi eya Eferaimu, yabaga’ra hali MUKAMA, Ruhanga wa baisenkurubo. 5Kandi akataho abacwi bemisango omu nsi omu mbuga zona eziroho muhuruzi eza Yuda, orubuga norubuga, 6yagambira abacwi bemisango habwabantu, baitu habwa MUKAMA; kandi ali hamu nainywe obumucwa emisango. 7Nukwo hati bunu okutina MUKAMA kubaikaleho; mwerinde mukikole: baitu tiharoho okutahiki’ra hali MUKAMA Ruhanga waitu, nobukwakuba okulya enguzi. 8Kandi nomu Yerusalemu Yehosafati akakoma ha Balevi na banyakatagara na ha mitwe yenju zabaisebo eza Isareri, yabataho habwokucwaga emisango omu bya MUKAMA, kandi habwokuramuraga empaka. Bagarukayo Yerusalemu. 9Yabaragira nagamba ati Nukwo murakoraga muti nimutima MUKAMA, omu kwesigwa, kandi nomutima oguhikire. 10Kandi empaka zona obuziraijaga namberemuli okuruga hali bene banyu abarukuikara omu mbuga zabu, okubaganiza, esagama nesagama, rundi ebiragiro netere’rwa, rundi ebyatairweho nebyobulyo, murabahaburaga, batasisira MUKAMA, nukwo ekiniga kireke okuhika halinywe na ha bene banyu: mukolege muti, kandi timuliba na musango. 11Kandi dora, Amaliya nyakatagara omukuru nuwe ali mukuru wanyu omu bigambo byona ebya MUKAMA; na Zebadiya mutabani wa Isameri, omulemi wenju ya Yuda, omu bigambo byona ebyomukama: Nabalevi baliba bakuru namberemuli. Mukolege hataroho kutina, kandi MUKAMA akonyerege abarungi.