Swahili Bible2

16

1OMU mwaka ogwobusinge bwa Asa ogwamakumi asatu mu mukaga, Baasa omukama wa Isareri yaramagira Yuda, yayombeka Rama, atangire kimu abantu bona baleke okuturuka nokutaha hali Asa omukama wa Yuda 2Nubwo Asa yaiha efeza nezabu omu bikwato ebyenju ya MUKAMA nebyenju yomukama, yatuma hali Benihadadi omukama wa Aramu, ayaikaire Damasiko, nagamba ati 3Haroho ekiragano nanyowe naiwe, nkokukikaba kiri na insenyowe na ‘so: dora nkutwekire efeza nezabu; genda, ocwe ekiragano kyawe na Baasa omukama wa Isareri, andugeho. 4Beni-hadadi yahu’ra omukama Asa, yatuma engabwa zamahege okuramagira embuga za Isareri; batema Iyoni na Dani, na Aberi-maimu, nembuga zona ezokuhunikamu eza Nafutali. 5Kandi kyahika, Baasa obuyakihulire, yaleka okwombeka Rama, yasiga omulimogwe. 6Nubwo Asa omukama yasoroza Yuda yona; baihayo amabale ga Rama, nemiti yayo, Baasa ebiyayombekere; yabyombekesa Geba na Mizipa. 7Kandi omu kasumi ako Hanani omurozi akaija hali Asa omukama wa Yuda, yamugambira ati Baitu okesiga omukama wa Aramu, kunu otesige MUKAMA Ruhanga wawe, nikyo ihe eryomukama wa Aramu likizire omukono gwawe. 8Abanyesyopia Nabarubi bakaba bataliihe eringi muno, negali nabahambarasi baingi muno? baitu iwe habwokwesiga MUKAMA, nikyo yabaherireyo omu mukono gwawe. 9Baitu amaiso ga MUKAMA nigagendegenda hona omu nsi yona, ayeyoleke wamani habwabo omutima gwabu oguli guhikire namberali. Numwo okozire ebyobudomadoma; baitu okuruga hati oliba nobulemu. 10Nubwo Asa yabihi’rwa omurozi ogu, yamuta omu nju yenkomo: baitu akamukwatirwa ekiniga habwekigambo eki. Kandi dora, akerenge’ra abantu abamu omu kasumi ako. 11Kandi dora, engeso za Asa, ezokubanza nezahanyuma, dora zihandikirwe omu kitabu kyabakama aba Yuda na Isareri. 12Kandi omu mwaka gwobusingebwe ogwamakumi asatu mu mwenda Asa akarwara omu bigerebye; endwaraye ekaberi nyingi mono: baitu omu ndwaraye atase’re MUKAMA, baitu abafumo. 13Asa yagwijagira na baisenkuru, yafera omu mwaka ogwobusingebwe ogwamakumi ana mu gumu. 14Bamuzika omu biturobye wenka, ebiyayetemire wenka omu rubuga rwa Daudi, bamubya ha kitabu ekyaijuire ebiboya ebirungi, nemibazi eyemiringo nyingi ebirukutekanizibwa namagezi gabasi bemibazi: kandi bakamwote’ra emyamii’ro nyingi muno.