Swahili Bible2

15

1KANDI omwoyo wa Ruhanga gwaija hya Azaliya mutabani wa Odedi: 2yarugayo okutangi’ra Asa, yamugambira ati Mumpu’re iwe Asa na Yuda yona na Benyamini: MUKAMA ali nainywe, obumurukuikara nauwe; kandi obumuliba nimumuse’ra alizoka namberemuli; baitu abomulimufuruka, alibasiga inywe. 3Lero omwanya mwingi Isareri akaba atanyina Ruhanga owamazima, hataroho nyakatagara arukwegesa, kandi hataroho biragiro: 4baitu obubahindukire MUKAMA omu muhito gwabu, Ruhanga wa Isareri, bamuse’ra, uwe akazoka namberebali. 5Kandi omu biro ebi hakaba hataroho businge hali ogu ayaturukire, nobuhokuba hali ogu ayatahire, baitu okutuntura kwingi kukaba kuli ha bantu bona abomu nsi ezi. 6Kandi bakacwacwanwa muno, ihanga nirirwana nihanga, norubuga nururwana norubuga: baitu Ruhanga akabatuntuza nemihito yona. 7Baitu inywe mufoke bamani, emikono yanyu etaba yobugara: baitu omulimo gwanyu gulihabwa empera. 8Kandi Asa obuyahulire ebigambo ebi, nokuragura kwa Odedi nabi, yaguma omutima, yaihaho ebinugwa omu nsi yona eya Yuda na Benyamini, nomu mbuga eziyanyagire omu nsi eyensozi eya Eferaimu; kandi yasemeza ekyoto kya MUKAMA, ekikaba kiri omu maiso gekisasi kya MUKAMA. 9Yasoroza Yuda yona na Benyamini, nabo abagonyaga nabo, yabaiha omu Eferaimu na Manase, nomu Simeoni: baitu bakamwehongera baingi abomu Isareri, obubaboine ngu MUKAMA Ruhangawe akabali hamu nauwe. 10Nukwo bayesoroza hamu omu Yerusalemu omu kwezi okwakatano, omu mwaka gwa Asa ogwa ikumi netano. 11Kandi bakasa’ra ebyonzira MUKAMA ha kiro eki, ha minyago eyibalesere, ente rusanju, nentama kasanju. 12Baragana ekiragano okuse’ra MUKAMA, Ruhanga wa baisenkurubo, nomutima gwabu gwona nobwomezi bwabu bwona; 13kandi ngu omuntu wena atarukugonza okuse’ra MUKAMA, Ruhanga wa Isareri, aliitwa, rundi muto rundi mukuru, rundi musaija rundi mukazi. 14Barahi’ra MUKAMA niraka erihango, nokutoka, namakondere, nengwara. 15Na Yuda yona ekasemererwa habwekirahiro: baitu bakarahira nomutima gwabu gwona, baseru’ra kimu nokugonza kwabu; kandi yazoka namberebali: MUKAMA yabaha okuhumura ha mbaju zona. 16Na Maaka nyinomukama akamuihaho aleke okuba nyinomukama, baitu akakora ekisisani ekinugwa, habwa Asera; Asa yatema ekisusanikye, yakicucura, yakyokeza ha kambu Kidironi. 17Baitu ebiikaro ebirahire bitaihwe omu Isareri: baitu omutima gwa Asa gukaba guhikire ebirobye byona. 18Yatahya omu nju ya Ruhanga ebintu ise ebiyasoroire, nebi ebiyasoroire wenka, efeza, nezabu, nebintu. 19Kandi hatabeho obulemu obundi okuhikya omwaka gwa Asa ogwamakumi asatu netano.