Swahili Bible2

13

1OMU mwaka gwomukama Yeroboamu ogwa ikumi na munana Abiya akatandika okulema Yuda. 2Akalemera Yerusalemu emyaka isatu: kandi ibara lya nyina nuwe Mikaya omuhara wa Uryeri owa Gibeha. Kandi hakabaho obulemu na Abiya na Yeroboamu. 3Abiya yateraniza obulemu anyina ihe eryabasaija bobumanzi obwokurwana, abasaija abakomerwe busirira bunu: Yeroboamu yasimba enyi’ri okurwana nauwe anyina abasaija abakaba bali abasaija bamani abobumanzi. 4Abiya yayeme’ra ha rusozi Zemaraimu, oruli omu nsi yensozi eya Eferaimu, yagamba ati Muhu’re nyowe, iwe Yeroboamu na Isareri yona; 5tikibahikirire okumanya ngu MUKAMA Ruhanga wa Isareri akaha Daudi obukama bwa Isareri okuhikya ebiro byona, uwe na batabanibe habwekiragano ekyekisura? 6Baitu Yeroboamu mutabani wa Nebati, omuiru wa Sulemani mutabani wa Daudi yaimuka, yayemera mukamawe. 7Kandi bayesoroza namberali abantu abatarukugasa, abana ba Beryali, bayegumya okurwana na Rehoboamu mutabani wa Sulemani, Rehoboamu obwakaba akiri muto nomutimagwe gutakagumire, kunu atasobole okubatanga. 8Kandi hati bunu nimutekereza okutunga obukama bwa MUKAMA omu mukono gwabatabani ba Daudi; kandi muli kitebe kingi, kandi hamu nainywe haroho enimi zezabu Yeroboamu eziyabakolire okuba abacwezi. 9Inywe mutabinge banyakatagara ba MUKAMA,batabani ba Aroni, Nabalevi, kandi timwokolire inywenka banyakatagara nkengeso ezabantu abensi ezindi okuziri? nukwo omuntu wena anyakuija okwehonga wenka nenimi ento nentama empaya musanju, nuwe asobora okuba nyakatagara hali abo abatali baruhanga. 10Baitu itwe, MUKAMA nuwe Ruhanga waitu, kunu titumufurukire; kandi tunyina banyakatagara abarukuhereza hali MUKAMA, batabani ba Aroni, kandi Nabalevi omu mulimo gwabu; 11kandi nibokya hali MUKAMA bukyabukya na kairirizi kona ebihongwa ebyokeze nemyami’ro erukuboya: nemigati eyokwoleka nibagiterekereza ha meza esemi’re; nekidondo kyetabaza ekyezabu hamu netabaza zakyo, okwaka akairirizi kona: baitu inywe mukamufuruka. 12Kandi dora, Ruhanga ali naitwe atwebembire, na banyakatagarabe banyina amakondere agarukuraha okugarahya okurwana nainywe. Inywe abana ba Isareri, muleke okurwana ba Isareri, muleke okurwana na MUKAMA, Ruhanga wabaisenkuru inywe, Ruhanga wabaisenkuru inywe; baitu timwabe nomugisa. 13Baitu Yeroboamu yabaturukya enyuma abokubagwera: nukwo bo bakaba bali omu maiso ga Yuda, nabokubagwera bakaba bali enyuma yabu. 14Kandi aba Yuda obubarozire enyuma, dora, obulemu bukaba buli omu maiso nenyuma yabu: bakunga MUKAMA, na banyakatagara batera amakondere. 15Nubwo abasaija ba Yuda batoka: kandi abasaija ba obubatokere, kyahika Ruhanga yatema Yeroboamu na Isareri yona omu maiso ga Abiya na Yuda. 16Abana ba Isareri bairuka omu maiso ga Yuda: Ruhanga yabahayo omu mukono gwabu. 17Kandi Abiya nabatube bakabaita nokuita kwingi: nukwo bagwa baisirwe ha Isareri abasaija abakomerwemu busisira butano. 18Nukwo abana ba Isareri basinguirwe bati omu kasumi ako, nabana ba Yuda basingura, baitu bakesiga MUKAMA, Ruhanga wa baisenkurubo. 19Abiya yahondera Yeroboamu, yamunyaga embuga, Beseri hamu nembuga zayo, na Yesana hamu nembuga zayo, na Efuroni hmau nembuga zayo. 20Kunu Yeroboamu atagarukire okutunga amani omu biro bya Abiya: MUKAMA yamutera yafa. 21Baitu Abiya akafoka wamani, yaswera bakazi ikumi nabana, yazara batabani amakumi abiri mu babiri, nabahara ikumi nomukaga. 22Nengeso ezindi eza Abiya, nebiyakoraga, nebigambobye bikahandikwa omu kitabu ekya nabi Ido.