Swahili Bible2

12

1KANDI kikahika, obukama bwa Rehoboamu obuwagumireho, nauwe yafoka wamani, yafuruka ebiragiro bya MUKAMA, na Isareri yona hamu nauwe. 2Kandi kikahika omu mwaka gwomukama Rehoboamu ogwakatano, Sisaki omu kama wa Misiri akaramagira Yerusalemu, baitu bakaba basisire MUKAMA, 3negali rukumi mu bibiri, nabahambarasi bukumi mukaga: kandi abantu abaizire nauwe okuruga omu Misiri bakaba batarukukubarwa omuhendo; Abarubi, Abasuki, 4Nabanyesyopiya. Yanyaga embuga eziroho muhuruzi ezikaba ziri za Yuda, 5yaija Yerusalemu. Kandi Semaya nabi akaija hali Rehoboamu, na hali abakuru ba Yuda abakaba besoroize omu Yerusalemu habwa Sisaki, yagambira ati Nukwo agambire MUKAMA ati Mukanfuruka, nikyo nyowe mbalekire omu mukono gwa Sisaki. 6Nubwo abakuru ba Isareri nomukama bayebundaza bonka; nibagamba ngu MUKAMA nuwe ahikirire. 7Kandi MUKAMA obuyaboine Bebundaize bonka; tindibahwerekereza: baitu ndi bajuna kake, kandi ekiniga kya nge tikiriseswa ha Yerusalemu habwomukono gwa Sisaki. 8Kimu kyonka baliba bairube; nukwo bamanye okuko’ra nyowe, nokuko’ra abakama abensi. 9Nukwo Sisaki omukama wea Misiri yaramagira Yerusalemu, yaihayo ebintu ebyokumuhendo ebyenju ya MUKAMA, nebintu ebyomuhendo ebyomu nju yomukama; yabiihayo byona: kandi yaihayo engabu ezezabu Sulemani eziyakozire. 10Kandi omukama Rehoboamu yakora omu kiikaro kyabyo engabu ezemiringa, yabyahuza emikono yengabwa zabaduma, abalindaga enju eyomukama. 11Kandi kikahika ebiro byona omukama obuyatahaga omu nju ya MUKAMA, abaduma baijaga bazihimbire, kandi baziga’raga omu kisika ekyabaduma. 12Kandi obuyayebundaize wenka, ekiniga kya MUKAMA kyahinduka okumurugaho, aleke okumuhwerekerereza kimu: kandi nomu Yuda hakazokamu ebirungi. 13Nukwo omukama Rehoboamu yayegumya omu Yerusalemu, yalema: baitu Rehoboamu akaba ahikize emyaka amakumi ana mu guma hayabandize okulema, yalemera Yerusalemu emyaka ikumi na musanju, orubuga MUKAMA oruyayegomboize omu nganda zona eza Isareri, okuikazayo ibaralye: kandi ibara lya nyina nuwe Naama Omwamoni. 14Kandi akakora ekibi, baitu atagumye omutimagwe okuse’ra MUKAMA. 15Lero engeso za Rehaboamu, ezokubanza nezahanyuma tizihandikirwe omu bigambo bya Semaya nabi, nebya Ido omurozi, nkobubahandikire amabara haroho obulemu butosa butosa na Rehoboamu na Yeroboamu. 16Kandi Rehoboamu yagwijagira nabaisenkuru, yazikwa omu rubuga rwa Daudi: Abiya mutabaniwe yalema omu kiikarokye.