Swahili Bible2

11

1KANDI Rehoboamu obuyaizire Yerusalemu, yasoroza enju ya Yuda neya Benyamini, abasaija abakomerwemu kasirira mu bukumi munana, abakaba bali barwani, okurwanisa Isareri, okuga’ra obukama hali Rehoboamu. 2Baitu ekigambo kya MUKAMA kikaija hali Semaya omusaija wa Ruhanga ngu 3Gambira Rehoboamu mutabani wa Sulemani omukama wa Yuda. Na Isareri yona omu Yuda nomu Benyamini oti 4Nukwo agambire MUKAMA ati Mutaliramaga, kunu mutalirwanisa bene banyu: inwena mugaruke omuntu wena omu njuye; baitu ekigambo kinu kireserwe nyowe Nukwo bahu’ra ebigambo nbya MUKAMA, bagaruka nibaleka okuramagira Yeroboamu. 5KANDI Rehobaomu akaikara Yerusalemu, yayombeka embuga ezokwerinda omu Yuda. 6Kandi akombeka Beterehemu, na Etamu, 7na Tekoa, na Besi-zura, na 8Soko, na Aduramu, na Gasi, na 9Malesa, na Zifu, na Adoraimu,, 10na Lakisi, na Azeka, na Zora, na Aiyaroni, na Heburoni, eziri omu Yuda nomu Benyamini, 11embuga eziroho muhuruzi. Nenkomero akazombekeraho muhuruzi, yata engabwa omulizo, nebyokulya ebyayahuirwe, namagita namarwa. 12Kandi omumbuga zona rumu rumu yata engabu namacumu, yazifora zamani maingi muno, kandi aba Yuda naba Benyamini bakaba bali be. 13Kandi banyakatagara Nabalevi abakaba bali omu Isareri yona bakesoroza namberali, nibaruga ha mitano yabu bona. 14Baitu Abalevi bakaleka amalisizo gabu nobutaka bwabu, baija Yuda na Yerusalemu: baitu Yeroboamu na batabanibe bakabinga, baleke okukora omulimo gwa bunyakatagara hali MUKAMA: 15kandi yayeteraho banyakatagara habwebiikaro ebiraihire, kandi habwembuzi eziyakozire. 16Kandi hanyuma yabo, abomu nganda zona eza Isareri, bona abataireho emitima yabu okuse’ra MUKAMA Ruhanga wa Isareri, bakaija Yerusalemu okusa’ra ebyonzira MUKAMA, Ruhanga wabaisenkurubo. 17Nukwo bagumya obukama bwa Yuda, bafora Rehoboamu mutabani wa Ssulemani wamani okuhikya emyaka esatu: baitu emyaka esatu bayegendera omu muhanda gwa Daudi na Sulemani. 18Kandi Rehobaomu akaswera mukazi, Maharasi omuhara wa Yerimosi mutabani wa Daudi, na Abihairi omuhara wa 19Eryabu mutabani wa Yese kandi uwe akamuza’ra abana abojo; Yeyusi na Semaliya, na Semaliya, na Zahamu. 20Hanyuma yogu yaswera Maaka omuhara wa Abusalomu; uwe akamuza’ra Abiya, na Atai, na Ziza, na Seromisi. 21Kandi Rehoboamu akagonza Maaka omuhara wa Abusalomu okukira bakazibe bona nabazanabe: (baitu akaswera bakazi ikumi na munana, nabazana nkaga, yazara abana abojo abiri mu munana nabana abaisiki nkaga). 22Kandi Rehoboamu akataho Abiya mutabani wa Maaka okuba omukuru, omubito omu bene babu; baitu akatekereza okufora omukama. 23Kandi akakora ebyamagezi, yabaganira batabanibe bona ensi yona eya Yuda na Benyamini, hali orubuga rwona oruroho muhuruzi: yabaha ebyokulya bingi muno. Yabaseru’ra bakazi baingi.