Swahili Bible2

10

1KANDI Rehoboamu akagenda Sekemu: baitu Abaisareri boba bakaba baizire Sekemu okumufora omukama. 2Kandi kikahika, Yeroboamu mutabani wa Nebati obuyakihurire, (baitu akabali omu Misiri, nambere yagenzire okuiruka omukama Sulemani,) Yeroboamu yaruga omu Misiri nagaruka. 3Batumayo bamweta; Yereboamu nekitebe kyona kya Isareri bakaija, bagambira Rehoboamu ngu 4’So akafora ekikoligo kyaitu kyobujune: nukwo hati bunu iwe okehye okuhereza okwobujune okwa ’so, nekikoligo ekirukulemara ekiyatutaireho, kandi turako’raga iwe. 5Yagambira ati Mugende mwose ebiro bisatu, nukwo muligaruka namberendi. Abantu bagenda. 6Omukama Rehoboam yahanura nabasaija abagurusi, abaye’raga omu maiso ga Sulemani ise obwakaba akiri omwomezi, nagamba ati Murampa amagezi ki okugarukamu abantu banu? 7Bamugambira ngu Obworaba noyenda okugi’ra embabazi abantu banu, nobasemeza, nobagambira ebigambo ebirungi, bo barabaga abairu bawe ebiro byona. 8Baitu akaleka amagezi agabagurusi agabamuhaire, yahanura nabasigazi abanyakuzire nabo, kandi abayeme’raga omu maisoge. 9Yabagambira ati Inywe murampa amagezi ki tubagarukemu abantu banu abangambire ngu Okehye ekikoligo ’ so ekiyamutaireho? 10Kandi abasigazi abayakuzire nabo bamugambira ngu Nukwo oligambira abantu banu abakugambire ngu ’So akafora ekikoligo kyaitu kyobujune, baitu iwe okikehye namberetuli; nukwo olibagambira oti Orukumu rwange oruke nurukira obukoto ekibero kya isenyowe. 11Kandi nka isenyowe okuyabataireho ekikoligo ekirukulemera, nyowe ndongeraho ekikoligo kyanyu: isenyowe ndibatera nomumya. 12Nukwo Yeroboamu nabantu bona baija hali Rehoboamu nabantu bona baija hali Rehoboamu okuyaragire nagamba ati Muliija namberendi ha kiro kyakasatu. 13Omukama yabagarukamu nekiniga; omukama Rehoboamu yaleka amagezi agabagurusi, 14yabagambira nkamagezi agabasigazi okugali, nagamba ati isenyowe akafora ekikoligo kyanyu kyobujune, baitu nyowe ndabateraga nomumya. 15Nukwo omukama yayangire ati okuhu’ra abantu; baitu kikaba kiri kigambo ekyaleserwe Ruhanga, MUKAMA agumye ekigambokye, ekiyagambire omu mukono gwa Ahiya Omusiro hali Yeroboamu mutabani wa Nebati 16Kandi Abaisareri bona obubaboine omukama tabahulire, abantu bagarukamu omukama nibagamba ngu Itwe tunyina omugabo ki omu Daudi? Kunu titunyina obugwetwa omu mutabani wa Yese: omuntu wena agaruke omu hema zanyu ai Isareri hati bunu orole’re enju yawe wenka, Daudi. Nukwo Abaisarer bona bagarukayo omu hema zabu. 17Baitu ebyabana ba Isareri abaikaraga omu mbuga za Yuda, Rehoboamu yalemaga bo. 18Nubwo omukama Rehoboamu yatuma Hadoramu akabali omukuru okusoroza abantu; kandi Abaisareri bona bamutera amabale, yafa. Nomukama Rehoboamu yayanguha okugya omu galiye, okuirukira Yerusalemu. 19Nukwo Isareri yayemire ati enju ya Daudi, nokuhikya hati.