Swahili Bible2

1

1KANDI Sulemani mutabani wa Daudi akagumibwa omu bukamabwe, kandi MUKAMA Ruhangawe akabali hamu nauwe, yamunyumiza muno muno. 2Kandi Sulemani akabaza na Isareri yona, nengabwa ezenkumi nezebikumi, nabacwi bemisango, nomukuru wena owomu Isareri yona, emitwe eyenju za baisebo. 3Nukwo Sulemani, nekitebe kyona hamu nauwe, bagenda hali ekiikaro ekiraihire ekikaba kiri Gibeoni; baitu nuho hakaba hali ehema ya Ruhanga eyokutangatanganiramu, Musa omuiru wa MUKAMA eyiyakolire omu irungu. 4Baitu esanduko ya Ruhanga Daudi akaba agiihire Kiryasi- yealimu, yagireta omu kiikaro Daudi ekiyagitekanirize: baitu akaba agisimbire ehema Yerusalemu. 5Kandi nekyoto ekyomulinga, Bezaleri mutabai wa Uli, mutabani wa Hura, ekiyakozire, kikaba kiri oku omu maiso gehema ya MUKAMA: kandi Sulemani nekitebe kyona base’ra okugendayo. 6Sulemani yatembayo hali ekyoto kyomulinga omu maiso ga MUKAMA, ekikaba kiri ha hema yokutanganganiramu, yahonga hakyo ebihongwa ebyokeze rukumi. 7Omu kiro eki Ruhanga akabonekera Sulemani, yamugambira ati Seba ekindakuhu. 8Sulemani yagambira Ruhanga ati Okoleka embabazi nyingi hali Daudi isenyowe, kandi onfoire omukama omu kiikarokye. 9Hati bunu, ai MUKAMA Ruhanga, omurago gwawe hali Daudi isenyowe gugumibwe: baitu onfoire omukama okulema abantu abarukuinganaecucu yensi obwingi. 10Hati bunu ompe amagezi nokumanya, nukwo nturuke kandi ntahe omu maiso gabantu banu: baitu noha arukusobora okulema abantu banu abawe abali baingi bati? 11Ruhanga yagambira Sulemani ati Baitu kinu kibaire omu mutima gwawe, kunu tosabire itungo, obuguda, rundi, ekitinisa, nobubwakuba obwomezi bwabo abakunoba, kunu tosabire okumerera emyaka mingi; baitu osabire amagezi nokumanya habwawe wenka, nukwo oleme abantu bange, abanakufoire omukama wabu: 12amagezi nokumanya bikuhairwe; kandi ndikuha itungo, nobuguda, nekitinisa, nkabakama abakubandize okubataratungire, kandi nabalikukuratira tibalitunga ebirukuinganaho. 13Nukwo Sulemani yaruga omu rugendorwe oruyagenzire, hali ekiikaro ekiraihire ekikaba kiri Gibeoni, omu maiso gehema yokutungatanganiramu, yaija Yerusalemu; yalema Isareri. 14Kandi Sulemani akakanyisa egali nabahambarasi kakumi mwenkumi ibiri, abayataire omumbuga zegali, kandi hamu nomukama Yerusalemu. 15Kandi omukama akakanyisa efeza nezabu omu Yerusalemu nkamabale, kandi nemikogoto akagikanyisa nkemisukomoli eri omu kyeya okuziri obwingi. 16Nembarasi Sulemani eziyatungire bakaziiha Misiri; kandi abasubuzi bomukama bazihabwaga amagana, igana limu habwomuhendo gwalyo. 17Kandi baletaga egali ezibaihire Misiri, egali emu habwesekeri zefeza rukaga, nembarasi habwekikumi mwatano: kandi nukwo nabakama bona aba Bahiti, nabakama ba Aramu baziihayoga bati ha bwokusubura kwabo.