Swahili Bible2

9

1KANDI hakaba haroho omusaija wa Benyamini, ibaralye nuwe Kisi, mutabani wa Abyeri, mutabani wa Zerora, mutabani wa Bekorasi, mutabani wa Afiya, mutabani Womubenyamini, omusaija wamani emanzi. 2Kandi akabanyina mutabani, ibaralye nuwe Saulo, omusigazi kandi omurungi: kandi hatabe omu bana ba Isareri omuntu omurungi ha Maiso okukira uwe: okuruga ha mabegage akakira okuraiha abantu bona. 3Kandi enkaina eza Kisi, ise Saulo, zikabura. Kisi yagambira Saulo mutabaniwe ati Twara ‘nu hamu naiwe omu ha bairu, oimuke, ogende ose’re enkaina. 4Yaraba omu nsi yensozi eya Eferaimu, yaraba omu nsi ya Salisa, baitu batazibone: kandi baraba omu nsi ya Saalimu, kandi noku bataiboneyo: yaraba omu nsi Yababenyamini, baitu bataiboneyo. 5Obubahikire ensi ya Zufu, Saulo yagambira omuherezawe owakabanyinauwe ati Ija tugarukeyo; rundi isenyowe aleke okutuntu’ra enkaina, natekereza itwe. 6Yamugambira ato Dora ‘nu, ha rubuga runu haroho omusaija wa Ruhanga, kandi aba musaija wekitinisa; byona ebyagamba nibihika mali: tugendeyo hati bunu; rundi arasobora okutumanyisa orugendo rwaitu nambere turukugenda. 7Nubwo Saulo yagambira muherezawe ati Baitu, dora, obuturagenda turamuletara ki? 8Omuhereza yagarukamu Saulo yagamba ati Dora, nyina omu ngarozange ekicweka kyakana ekyesekeri yefeza: nikyo ndaha omusaija wa Ruhanga atumanyise orugendo rwaitu. 9(Omubiro byaira omu Isareri omuntu obuyagendaga okukaguza hali Ruhanga, nukwo yagamba ati Ija tugende hali omurozi, baitu anyakwetwa hati Nabi ira yayetwaga Murozi.). 10Saulo yagambira omuherezawe ati Ogambire kurungi; ija tugende. Nukwo bagenda hali orubuga, nambere omusaija wa Ruhanga akabali. 11Obubatembere akasozi akarukutaha ha rubuga, basanga abaisiki nibaturuka okuleta amaizi, babagambira ngu Omurozi aroho hanu? 12Babagarukamu nibagamba ngu Aloho; dora, aliyo omu maiso gawe: nukwo orahuke, baitu hati nubwo atahire ha rubuga; baitu hati abantu banyina ekyonzira ha kiikaro ekiraihire: 13obumurakataha ha rubuga, muramusanga ahonaho, atakatembere ekiikaro ekiraihire okulya: baitu abantu tibarukwenda okulyaho okuhikya obwaraija, baitu nuwe asabira omugisa ekyonzira; hanyuma abarukwenda okulyaho okuhikya obwaraija, baitu nuwe asabire omugisa ekyonzira; hanyma abarukwetwa nibo balya. Nukwo hati bunu mutembeyo; baitu ha kasumi kanu muramusangayo. 14Batembayo hali orubuga; kandi obubatahire omu rubuga, dora, Samuiri yarugayo okutemba hali ekiikaro ekiraihire, yabaitirana. 15Kandi MUKAMA akaba asukulire Samuiri, ekiro kimu Saulo atakaizire, nagamba ati. 16Ijo nkakasumi, kandi olimusesaho amagita okuba omukuru okulema abantu bange Isareri, kandi alijuna abantu bange omu mikono Yabafirisiti: baitu oku’ra kwabu kumpikire. 17Kandi samuiri obuyaboine Saulo, MUKAMA yamugarukamu anti Dora, omusaija ounakugambire! Nuwogu aliba nobusobozi ha Bantu bange. 18Kandi Saulo ya’ra haihi na Samuiri omu irembo, yagamba ati Ongambire, nkwesengererize, nambere enju yomurozi eri. 19Samuiri yagarukamu Saulo nagamba ati Ninyowe murozi; onyebembere notemba hali ekiikaro ekiraihire baitu muralya nanyowe hati: nyenkya ndakwohereza, kandi ndakumanyisa byona ebiri omu mutima gwange. 20Kandi nebyenkaina zawe ezabuzire ebiro bisatu; oleke okuzitaho omutima; baitu izokere. Kandi ebyamuhendo byona ebyomu Isareri biri habwoha? Tibiri habwawe, nenju yona eya so? 21Saulo ygarukamu nagamba ati Nyowe tindi Mubenyamini womu ruganda rwa Isareri orurukukira obuke? Nekitabu kyowaitu tikirukukira obuke ebitabu tikirukukira obuke ebitabu byona ebyomu ruganda rwa Benyamini? nukwo kiki ekikugambisa kiti namberendi? 22Samuiri yatwara Saulo nomuherezawe, yabatahya omu kisaka kyabagenyi, yabaikazaho omu kiikaro ekirukukira ekitinisa hamu nabo abaserwe, kandi abo bakaba bali Bantu nkamakumi asatu. 23Samuiri yagambira omucumbi ati Leta omwanya ogunkuhaire, ogunkugambire nti Gwahule ha rubaju rwawe. 24Omucumbi yahimba ekirumbu nenyama abaireho, yakita omu maiso ga Saulo. Samuiri yagamba ati Dora, enyama eyinyahuire! Gite omu maiso gawe olye; baitu okuhikya akasumi akatairweho nyowe ngikwahulire, ningamba nti Baitu nyesere abantu okulya. Nukwo Saulo yalya na Samuiri ha kiro kiri. 25Kandi obubarugireyo ha kiikaro ekiraihire nibasirimuka omu rubuga, yabaza na Saulo ha nju eruguru. 26Kandi baimuka nyenkya kara; kandi kyahika, obuire obubukaba nubusa okukya, Samuiri yayeta Saulo ali ha nju eruguru, nagamba ati Imuka, nkwohereze. Saulo yaimuka, baturuka bombi, uwe na Samuiri, barugayo. 27Kandi obubakaba nibasirimuka nambere orubuga rugarukira, Samuiri yagambira Saulo ati Ragira omuhereza ahinguleho omu maiso gaitu (kandi yahinguraho), baitu iwe yeme’raho hati bunu, nyowe nkuhulize ekigambo kya Ruhanga.