Swahili Bible2

8

1KANDI kikahika Samuiri obuyagurusire, yataho batabanibe okucwa emisango ya Isareri. 2Kandi ibara eryomuzi gaijo nuwe Yoweri; ibara eryowakabiri nuwe Abiya: bacweraga emisango Beeriseba. 3Batabanibe batagende omu mihandaye, baitu bakahaba habwempera, bahabwa ebyendubatira, kandi bahabisa emisango.

4Nubwo abakuru bona ba Isareri bayesoroza hamu, baija 5hali Samuiri omu Rama: bamugambira ngu Dora, iwe ogurusire, kandi batabani bawe tibarukugenda omu mihanda yawe: nukwo hati bunu otutereho omukama okucwaga emisango yaitu, nkamahanga gona okugali. 6Baitu ekigambo ekikikabihiza Samuiri obubagambire ngu Otuhe omukama atucwerege imisango. Samuiri yasaba MUKAMA. 7MUKAMA yagambira Samuiri ati Hu’ra iraka lyabantu omu byona ebibakugambira: baitu tibangire iwe, bangire nyowe, ndeke okuba omukama wabu okubalema. 8Nkengeso zona ezibakozire okuruga ha kiro kiri obunabaihireyo omu Misiri nokuhikya hati, obubanyangire nibako’ra abacwezi, nukwo barukukora naiwe. 9Nukwo hati bunu hu’ra iraka lyaby: baitu orabagambi’ra mali, kandi oliboleka omulingo gwomukama alibalema.

10Kandi Samuiri yatebeza ebigambo byona ebya MUKAMA hali abantu abamusabire omukama. 11Yagamba ati Gunu guliba omulingo ogwomukama alibalema: alitwara ha batabani banyu nabetereho habwegalize, nokuba abasaijabe abahambarasi; kandi barairukaga omu maiso gegalize: 12kandi alibateraho okuba engabwa ezokulema enkumi, nengabwa ezokulema enkumi, nengabwa ezokulema atano; abandi alibalimisa itakalye, nokugesa amagesage, nokukora ebintubye ebyokurwana, nebintu ebyegalize. 13Nabaisiki banyu alibatwara okuba abataba ebiboya, nokucumba, nokwokya emigati. 14Kandi alitwara emisiri yanyu, nemisiri yanyu eyemizeituni, erukukira oburungi, aligiha abandumabe nabairube. 15Kandi alitwara ekicweka kyaikumi ekyembibo zanyu, nekyengonjo zanyu ezemizabibu, nagiha abadumabe nabairube. 16Kandi alitwara ha bairu banyu nabazana banyu, nabasigazi banyu abarukukira oburungi, nenkaina zanyu, nabakoza emirimoye. 17Kandi alitwara ekicweka kya ikumi ha Magana ganyu: nainywe muliba abairube. 18Kandi mulyamuza omu kiro eki habwomukama wanyu oumwayegomboize; kunu MUKAMA talibagarukamu omu kiro kiri. 19Baitu abantu bayanga okuhu’ra iraka lya Samuiri; bagamba ngu Nangwa; baitu togonza MUKAMA atuleme; 20nukwo naitwe tusisane nkamahanga gona; kandi omukama waitu atucwerege emisango yaitu, kandi atwebemberege naturwanisa obulemu. 21Samuiri yahu’ra ebigambo byona ebyabantu, yabigarukamu omu matu ga MUKAMA. 22MUKAMA yagambira Samuiri ati Hu’ra iraka lyabu, obatereho omukama. Kandi Samuiri yagambira abasaija ba Isareri ati Mutahe omuntu wean ha rubuga rwowabu.