Swahili Bible2

7

1ABASAIJA ba Kiryasi-yealimubaija, bataba’rayo esanduko ya MUKAMA, bagitahya omu nju ya Abinadabu omu rusozi, basororamu Eryeza mutabaniwe okulinda esanduko ya MUKAMA.

2Kyahika okuruga ha kiro eki esanduko obuyatahire Kiryasiyealimu, akasumi kaba kaingi; baitu kahikya emyaka amakumi abiri: enju yona ya Isareri yatera empamo habwa MUKAMA. 3Samuiri yagambira enju yona ya Isareri ati Obumuligaruka hali MUKAMA nomutima gwanyu gwona, nukwo muiheho na emberemuli abacwezi babanyaihanga na Asitarosi, mwetekanize emitima yanyu hali MUKAMA, mumuko’re uwe wenka: nuwe alibajuna omu mukono Gwabafirisiti. 4Nubwo abana ba Isareri baihaho namberebali Baalimu na Asitarosi, bako’ra MUKAMA wenka.

5Samuiri yagamba ati Musoroleze Mizipa Isareri yona, nyowe ndibasabira hali MUKAMA. 6Bayesoreleza Mpima, bataha amaizi bagasesa omu maiso ga MUKAMA, basiba ha kiro kiri nibagamba ngu Tusisire MUKAMA, basiba ha kiro kiri nibagamba ngu Tusisire MUKAMA. Kandi Samuiri okucwera Mizipa emisango eyabana ba Isareri. 7Kandi Abafirisiti obubahulire ngu Abana ba Isareri nibesoroleza Mizipa, abanyoro Babafirisiti baramagira Isareri. Abana ba Isareri obubahulire batina Abafirisiti. 8Abana ba Isareri bagambira Samuiri ngu Otaleka okukunga MUKAMA Ruhanga waitu habwaitu, atujune omu mukono Gwabafirisiti. 9Samuiri yatwara entama erukwonka, yagihonga ekyokeze ekihikire hali MUKAMA habwa Isareri; MUKAMA yamugarukamu. 10Samuiri obwakaba nahonga ekihongwa ekyokeze, Abafirisiti bai’ra haihi okurwanisa Isareri: baitu MUKAMA yahindisa iguru niraka erihango ha kiro kiri hali Abafirisiti, yababuranganiza; banagwa hansi omu maiso ga Isareri. 11Abasaija ba Isareri baruga Mizipa, babinga Abafirisit, batera okuhikya haihi na Besi-kara. 12Nubwo Samuiri yatwara ibale, yalimukya hagati ya Mizipa na Seni, baliruka ibara lyayo Ebenezere nibagamba ngu Okuhikya hati MUKAMA atukonyire. 13Nukwo Abafirisiti baculire bati, batagaruke okuija omu mitano ya Isareri; omukono gwa MUKAMA gukaba gubaloho Abafirisiti ebiro byona ebya Samuiri. 14Nembuga Abafirisiti ezibanyagire Isareri zaga’rwa Isareri, okuruga Ekeroni nokuhikya Gasi; nomutano gwayo Isareri akagujuma omu mukono Gwabafirisiti. Kandi hakaba haroho businge na Isareri Nabamoli. 15Kandi Samuiri yacwaga emisango ya Isareri ebiro byona ebyobwomezibwe. 16Kandi omwaka nomwaka yagendaga nayehinguliriza Beseri, na Girigali, na Mizipa; yacwaga emisango ya Isareri omu biikaro biri byona. 17Nokugaruka yagaruka Rama, baitu nuho hali enjuye; kandi nuho yacweraga Isareri emisango: kandi akombekerayo ekyoto hali MUKAMA.