Swahili Bible2

6

1KANDI esanduko ya MUKAMA ekaikara omu nsi Yabafirisiti amezi musanju. 2Abafirisiti bayeta banyakatagara nembandwa nibagamba ngu Turakora tuta nesanduko ya MUKAMA? Tweleka okuturagi’rayo omu kiikaro kyayo. 3Bagamba ngu Obumuraga’rayo esanduko ya Ruhanga wa Isareri, mutagitweka etarumu kantu; baitu mumutwekere mali ekihongwa ekyekibi: nubwo mulikizibwa, kandi mulmanya ekirukutanga omukonogwe okutabaihwaho. 4Nubwo bagamba ngu Kiriba kintu ki ekihongwa ekyekibi ekitulimutwekera? Bagamba ngu Ebizimba byezabu bitano, nembeba zezabu itano, nkomuhendo gwabanyoro Bafirisiti okuguli: baitu omuhito ogumu gukaba gubaloho inywena na ha banyoro bowanyu. 5Nukwo mulikora ebisisani byebizimba byanyu, nebisisani byembeba zanyu ezirukusisa ensi; kandi mulimutaho ekitinisa Ruhanga wa Isareri: rundi alibaihaho omukonogwe na ha bacwezi bany, na ha nsi yowanyu. 6Nimugumizamu ki emituma yanyu, nka Abamisiri na Faraho okubagumize emituma yabu? Okuyakozire ebyamahano omulibo, bataleke abantu, 7barugayo? Nukwo hati bunu mutwale mwetekanirize egali empyaka, nente ibiri ezirukukamwa, ezitakahimbaga ekikoligo, mubohe ente ha gali, mutahye omuka enyana zazo: 8Mutwale esanduko ya MUKAMA, mugite ha gali; kandi mute ebikwato byezabu ebimurukumutwekera okuba ekihongwa ekyekibi, omu kabati ha rubaju rwayo; mugisindikirize egende. 9Kandi murole, obweraba netemba omu muhanda gwomutano gwayo okugenda Besi-semesi, nubwo turamanya ngu Nuwe atakozire ekibi kinu ekingi: baitu obukiraba kitalikyo, nukwo turamanya ngu tiguli mukonogwe gwatusalize; nubwo butandwa butugwerire. 10Nukwo abasaija bakozire bati; batwara ente ibiri ezirukukamwa, baisibika ha gali, bakingira omuka enyana zazo: 11bataho na kabati akarumu ya MUKAMA, na kabati akarumu embeba zezabu nebisisani byebizimba byazo. 12Ente zakwata omuhanda oguterekerire ogurukugenda Besi- se,esi; zagenda omu ngudo enkoto, nigenda nijuga, itahabe omu muhanda nobuhokuba ha rubaju rwobulyo, nobuhokuba ha rubaju rwemoso; abanyoro Babafirisiti baikuratira okuhikya omutano gwa Besi- semesi. 13Kandi abomu Besi-semesi bakaba nibagesa omwaka gwengano omu kihanga: baimukya amaiso gabu, barora esanduko, basemererwa okubagiboine. 14Kandi egali ekataha omu musiri gwa Yosuha Omubesi-semesi, yayeme’raho, ahali ibale ekirito: baysa omuti gwegali, bahayo ente ekihongwa ekyokoze hali MUKAMA. 15Abalevi baihayo esanduko ya MUKAMA, nanabati akakaba kali hanu nayo, akarumu ebikwato byezabu, babita ha ibale erikoto; abasaija ba Besi-semesi bahonga ebihonwa ebyokeze, kandi bahayo ebyonzira ha kiro kiri hali MUKAMA. 16Kandi abanyoro abatano Abafirisiti obubakiboine, bagarukayo Ekeroni ha kiro eki. 17Kandi nibyo bizimba ebyezabu Abafirisiti ebibatwekere okuba ekihonwa ekyekibi kimu, ekya Gaza kimu, ekya Asikeroni kimu, ekya Gasi kimu, ekya Ekeroni kimu; 18nembeba zezabu, nkomuhendo okuguli ogwemuga zona Ezabafirisiti ezikaba ziri zabanyoro abatan, ezembuga eziroho muhuzuzi nezebika ezensi kwonka: okuhikya ibale erikoto, nambere bataireho esanduko ya MUKAMA, kandi liroho na hati hona mu musiri gwa Yosuha Omubesi-semesi. 19Kandi akaita ha Bantu ba Besi-mesesi, baitu bakalinguza omu sanduko eya MUKAMA, akaita ha Bantu abasaija ensanju, nabasaija bukumi butano: abantu ba’ra, baitu MUKAMA akaita abantu nokuita kwingi. 20Nabasaija ba Besi-semesi bagamba ngu Noha asobora okweme’ra omu maiso ga MUKAMA, Ruhanga onu arukwera? Kandi obwaliruga halitwe aligenda hali oha? 21Batuma abakwenda hali abomu Kiryasi- yealimu, nibagamba ngu Abafirisiti bagaruire esanduko eya MUKAMA; Musirimuke muije, mugitaba’re