Swahili Bible2

4

1KANDI ekigambo kya Samuiri kyaijaga hali Isareri yona. Kandi Isareri yaramagira Abafirisiti okurwana, yatema enkande ha Ebenezeri: Nabafirisiti batema enkande omu Afeki. 2Kandi Abafirisiti bayesimba enyi’ri okurwana na Isareri: obubateraine okurwana, Isareri yabingwa omu maiso Gabafirisiti: baita ha ihe eriri aho abantu nkenkumi ina. 3Kandi abantu obubatahire omu nkande abakuru ba Isareri bagamba ngu Habwa ki MUKAMA okututema hati omumaiso Gabafirisiti? Tuihe omu Siro esanduko eyekiragano kya MUKAMA, tukirete hanu etahe omulitwe, etujune omu mikono yabanyanzigwa baitu. 4Abantu batuma Siro, baihayo esanduko eyakiragano kya MUKAMA wamahe, arukuikara hagati yabakerubi: na batabani ababiri ba Eri, Hofuni na Finehansi, bakaba bali aho hamu nesanduko eyekiragano kya Ruhanga. 5Kandi esanduko eyekiragano kya MUKAMA obuyaizire omu nkande, Abaisareri bona bakatokera haiguru muno muno, nokugarukamu itaka lyona lyagarukamu. 6Abafirisiti obubahulire iraka eryokutoka kwabu, bagamba ng Iraka eryokutoka kunu makuru ki omu rukande Rwabaheburaniya? Bamanya ngu esanduko ya MUKAMA izire omu rukande. 7Abafirisiti bakatina, baitu bakagamba ngu Ruganga aizire omu rukande. Bagamba ngu Zituboine! Baitu tihakabaga kigambo kiti omu biro byaira. 8Zituboine! Araha aratujuna omu mikono ya baruhanga banu abamani? Nibo baruhanga abatemere Abamisiri nemihito yona yomu irungi. 9Mube namani, mukole nkabasaija mali, inywe Abafirisiti, muleke okufoka abairu rubale hali Abaheburaniya, nkokubabaire namberemuli: mukole nkabasaija mali, murwane. 10Abafirisiti barwana, Isareri ya bingwa, bairukira ehema zabu omuomu: habaho okuitwa kwingi; baitu bakagwa ha Isareri abasaija abagenda nebigere abantu bukumi busatu. 11Esanduko ya Ruhanga ekanyagwa; batabani ba Eri ababiri, Hofuni na Finehasi, bakaitwa. 12Kandi omusaija Omubenyamini yaruga omu ije, yairuka yaija Siro izoba eri, ebyokujwarabye bitemukire, nitaka liri ha mutwegwe. 13Obuyatahire, dora, Eri akaba aikalire ha ntebeye ha muhanda rubaju narora: baitu omutimagwe gukatukumira habwesanduko ya Ruhanga.Omusaija ogu obuyatahire ha rubuga nakitebeza, bona aborubuga ba’ra. 14Eri obuyahulire iraka eryoku’ra, yagamba ati Iraka eryokutoka kunu, makuru ki? Omusaija yayanguha yaija yatebeza Eri. 15Kandi Eri akaba ahikize emyaka kyenda mu munana; amaisoge gakaba gagaire atasobole okurora. 16Omusaija yagambira Eri ati Ninyowe ndugire omu ihe, ncwire hati omu ihe. Yagamba ati Makuru gayo mwana wange? 17Ogu ayabikire ebigambo yagarukamu nagamba ati Isareri abingirwe omu maiso Ga bafirisiti, abantu baisirwe baingi, nabatabani bawe ababiri, Hofuni na Finehasi bafire, kandi esanduko ya Ruhanga enyagirwe. 18Kandi kyahika, obuyagambire ha sanduko ya Ruhanga, yagwa bugazi nentebeye ha rubaju rwirembo, engoto yacweka, yakaba: baitu akabali mugurusi, kandi muhango. Kandi akacwa emisango ya Isareri emyaka amakumi ana. 19Kandi mukomwanawe, nuwenda, amalize okuzara: obuyahulire ebigambo ngu Esanduko ya Ruhanga enyagirwe, na isezara naiba bombi bafire,yainama yazara; baitu akarumwa. 20Kandi obwakaba naija okukaba abakazi abamwererireho bamugambira ngu Leka okutina; baitu ozaire omwojo. Baitu atagarukemu, kunu atakiteho mutima. 21Kandi yaruka omwana ibara Ikabodi nagamba ati Ekitinisa kirugire ha Isareri; baitu esanduko ya Ruhanga ekanyagwa, kandi habwa isezara na iba. 22Kandi yagamba ati Ekitinisa kirugire ha Isareri; baitu esanduko ya Ruhanga enyagirwe.