Swahili Bible2

31

1KANDI Abafirisit bakarwanisa Isareri: abasaija ba Isareri bairuka omu maiso Gabafirisiti, bagwa baisirwe omu rusozi Giriboa. 2Abafirisit bahondera muno Saulo na batabanibe; Abafirisiti baitu Yonasani na Abinadabu na Malikisuha, batabani ba Saulo. 3Okurwana kwaba kwingi hali Saulo, abarasa nobuta bamuhika haihi; yatuntuzibwa muno abarasa nobuta. 4Saulo yagambira omukwasi webyokurwanisabye ati Somora busitama yawe, oncumite nayo; abo abatasazirwe bataije okucumita nokunswaza Baitu omukwasi webyokurwanisabye yayanga; baitu akatina muno. Nikyo Saulo yakwatira busitamaye, yagigwaho. 5Omukwasi webyokurwanisabye obuyaboine Saulo afire, nauwe yagwa ati ha busitamaye, yafera hamu nauwe. 6Nukwo Saulo yafire ati, na batabanibe bonsatu, nomukwasi webyokurwanisabye, nabasaijabe bona, ha kiro ekimu ahamu. 7Nabasaija ba Isareri abakaba balinseri yekihanga, nabo abakaba bali nseri ya Yorudani, obubaruka, na Saulo na batabanibe bafire, bacwa omu mbuga bairuka; Abafirisiti baija bazitahamu. 8Kandi kyahika nyenkya, Abafirisiti obubaizire okujujura abaisirwe, basanga Saulo na batabanibe basatu bagwire omu rusozi Giriboa. 9Bacwaho omutwegwe, bamujujura ebyokurwanisabye, batuma omu nsi Yabafirisiti embaju zona okutwara ekigambo omu nju yebisisani byabu, na hali abantu. 10Nebyokurwanisabye babita omu nju ya Asitarosi: nababamba omutumbigwe ha muhuruzi ya Besi-sani. 11Kandi abomu Yabesi-gireadi obubahulire ebya Saulo Abafirisiti ebibamukozire, 12abasaija bona emanzi baimuka, bagenda ekiro, baiha omutumbi gwa Saulo nemitumbi ya batabanibe ha muhuruzi ya Besi-sani; baija Yabesi bagyokeza oku. 13Batwara amagufa gabu, bagazika hansi yomuti gwomu Yabesi basiba enjara ebiro musanju.