Swahili Bible2

30

1KANDI kikahika, Daudi nabasaijabe obubatahire Zikiregi ha kiro kyakasatu, Abamaleki bakaba baramagire ensi eyobukizi Bwobulyo na Zikiragi, bakaba batemere Zikiragi, bakyokeze nomu’ro; 2kandi bakaba banyagire abakazi na bona abakaba bali omu, abato nabakuru: bataite nomu, baitu bakabanyaga, bagenda. 3Kandi Daudi nabasaijabe obubaizire ha rubuga, dora, rukaba rwokeze nomu’ro’ nabakazi babu, nabatabani babu, nabatabani babu, nabaisiki babu banyangirwe. 4Daudi nabantu abakaba bali nauwe baimukya amaraka gabu ba’ra, okuhikya amani obugababizire oku’ra. 5Na bakazi ba Daudi ababiri bakanyagwa, Ahinoamu Omuyezereri, na Abigairi muka Nabali Omukarameri. 6Daudi yatuntura muno; baitu abantu bakaba nibagamba okumutera amabale, baitu omutima gwabantu bona gukaba gusalirwe, omuntu wena habwa batabanibe nabaisikibe: baitu Daudi yayegumya omu MUKAMA Ruhangawe. 7Daudi yagambira Abyasara nyakatagara, mutabani wa Ahimereki ati Nkwesengerize, ondetere hanu efodi. Abyasara yaleta efodi hali Daudi. 8Daudi yakaguza hali MUKAMA ati Obundaba nimpondera igana eri, ndabakwata? Yamugarukamu ati Hondera: baitu mazimakwo orabakwata kunu tolirema okunagisa byona. 9Nikyo Daudi yagendera nabasaija rukaga abakaba bali nauwe, baija hali ekyambu Besora, nambere abo abasigaireyo enyuma baikaireho. 10Baitu Daudi yahondera, uwe nabasaija bikumi bina: baitu bikumi bibiri bakaikara enyuma, abakaba baruhire, nokusobora batasobole okwambuka ekyambu Besora: 11kandi bakasanga Omumisiri omu kisaka bamuleta hali Daudi, bamuha ebyokulya, yalya; bamuha amaizi okunywa: 12kandi bamuha ekicweka kyekitonge kyamatini nemigimba yemizabibu ebiri; kandi obuyalireho, omwoyo gwamugarukamu: baitu akaba atalire kantu nobukwakuba okunywa ha maizi, ebiro bisatu nyamusana nekiro. 13Daudi yamugambira ati Iwe oliwoha? Kandi orugire nkaha? Yagamba ati Ndi musigazi womu Misiri, omuiru Womumaleki; mukama wange yansiga, baitu ebiro bisatu nkarwara. 14Tukaramagira ensi eherire Abakareti ha bukizi Bwobulyo, nensi eya Yuda, nensi ya Kalebu ha bukizi Bwobulyo; kandi twayokya Ziriragi nomu’ro. 15Daudi yamugambira ati Iwe olintwara hali igana linu? Yagamba ati Ondahi’re omu ibara lya Ruhanga oti Tolinyita, kunu tolimpayo omu mukono gwa mukama wange, kandi ndikutwara hali igana liri. 16Obuyamutwaireyo dora, bakaba balikalire hansi yona, nibalya nibanywa, nubalya obugenyi, habweminyago nyingi eyibaihireyo omu nsi Yabafirisit, nomu nsi ya Yuda. 17Daudi yabatema okuruga ha kairirizi okuhikya orwebagyo orwa ijo: hatakire muntu rundi abasigazi bikumi bina, abatembere engamira nibairuka. 18Daudi yanasiga byona Abamaleki ebibanyagire: Daudi yajuna bakazibe ababiri. 19Bataburweho kantu, nobukyakuba ekike, nobukyakuba ekikoto, nobubakuba abana abojo nabaisiki, nobwekuba eminyago, nobukyakuba ekintu kyona ekikaba banyagire: Daudi yanagisa byona. 20Daudi yatwara amagana gona agembuzi nagente, bazigendesa omu maiso gente ezindi, nibagamba ngui Niyo minyago ya Daudi. 21Daudi yaija hali abasaija bikumi bibiri abaruhire bati, nokusora batasobole okukuratira Daudi, kandi nibo basigaire ha kyambu Besora: barugayo okuitirana Daudi, nokuitirana abantu abakaba bali nauwe: kandi Daudi obuyairire haihi nabantu abo, yabaramukya. 22Nabasaija ababi bona nabasaija abatarukugasa abomuli abo abagenzire na Daudi, bagamba ngu Baitu batagende naitwe, titulibaha ha minyago eyitunagisize, rundi omuntu wena mukaziwe nabanabe, babatwale bagende. 23Nubwo Daudi yagamba ati Timukole muti bagenzi bange, nebi MUKAMA ebyatuhaire, baitu nuwe atulinzire, kandi ahaireyo omu mukono gwaitu igana eryaizire okurwana naitwe. 24Kandi noha arahu’ra inywe omu kigambo kinu? Baitu nkomugabo okuguli ogwogu arukusirimuka omu bulemu, nukwo omugabo guliba guti ogwogu arukuikara nalinda ebintu: barainganiangana emigabo. 25Kandi kyaba kiti okuruga aho yakifora ekitairweho nekiragiro hali Isareri, na hati hona. 26Kandi Daudi obuyaizire Zikiragi, yatwekera abakuru ba Yuda ha minyago, nizo enganjanize, nagamba ati Dora ekiramukyo kyanyu omu mnyago yabanyanzigwa ba MUKAMA; 27hali abo abakaba bali Beseri, na hali abo abakaba bali omu Ramosi habukizi Bwobulyo, na hali abo abakaba bali omu 28Yatiri; na hali abo abakaba bali omu Aroere, na hali abo abakaba bali omu Sifumosi, na hali abo abakaba bali omu 29Sitemoa; na hali abo abakaba bali omu Rakali, na hali abo abakaba bali omu mbuga zabayerameri, na hali abo abakaba bali omu mbuga Zabakeni; 30na hali abo abakaba bali omu Horuma, na hali abo abakaba bali omu Korasani, na hali abo 31abakaba bali omu Asaki; naburoni, na hali ebiikaro byona nambere Daudi wenka nabasaijabe batahaga ira.