Swahili Bible2

28

1KIKAHIKA omu biro biri Abafirisiti bakasoreleza amahe gabu obulemu, okurwana na Isareri. Akisi yagambira Daudi ati Wetegereze mali oti iwe oliramaga nanyowe omu ihe, iwe nabasaija bawe. 2Daudi yagambira Akisi ati Nukwo olimanya omuiru wawe ekyalikora. Akisi yagambira Daudi ati Nikyo ndikufo’ra omulinzi womutwe gwange ebiro byona. 3Kandi Samuiri akaba afire, Abaisareri bona bakaba bamuteririre empamo, bamuzika omu Rama, nuho omu rubugarwe wenka. Kandi Saulo akaba abingire abo ababandwa emizimu nabarongo omu nsi. 4Abafirisiti bakesoroza hamu, baija batema orukande omu Sunemu: Saulo yasoroza hamu Isareri yona, batema orukande omu Giriboa. 5Saulo obuyaboine ihe Lyabafirisiti yatina, omutimagwe gwatukumira muno. 6Nubwo Saulo yakaguza hali MUKAMA, MUKAMA atamugarukemu nobuhokuba omu biroto, nobuhokuba omu Ulimu, nobuhokuba omu banabi. 7Saulo yagambira abairube ati Munserure omukazi arukubandwa omuzimu, nyowe ngende nambererali, andagu’re. Abairube bamugambira ngu Dora, haroho omukazi Endora abandwa omuzimu. 8Saulo yayefora, yajwara ebyokujwara ebindi, yagenda uwe nabasaija babiri hamu nauwe, baija hali omukazi ekiro: yagamba ati Ondagu’re nkwesengerize omu muzimu, ondetere ogu wena oundakugambira ibaralye. 9Omukazi yamugambira ato Dora, omanyire Saulo ekiyakozir, okuyacwire abo abarukubandwa emizimu nabarogo omu nsi: habwa ki okutegera omutego obwomezi bwange, okunyisa? 10Saulo yamurahi’ra MUKAMA nagamba ati Nka MUKAMA okwali omwomez, tolibaho omusango na kamu ha bwekigambo kinu. 11Omukazi yagamba ati Ondetere oha? Yagamba ati Ondetere Samuiri. 12Omukazi obuyaboine Samuiri yayami’ra iraka erihango: omukazi yagambira Saulo ati Kiki ombiha, baitu niwe Saulo. 13Omukama yamugambira ati Otatina: baitu oboine ki? Omukazi yagambira Saulo ati Nindora omucwezi naruga omu itaka. 14Yamugambira ati Okusisana nasisana ata? Yagamba ati Omusaija omugurusi naija; aswekerwe orugoye. Saulo yayetegereza nuwe Samuiri, yainamya amaisoge hansi, naramya. 15Samuiri yagambira Saulo ati Ontuntulize ki okunyimukya? Saulo yagarukamu ati Nintuntura muno; baitu Abafirisiti nibandwanisa, kandi Ruhanga andugireho, kunu takyangarukamu, nobuhokuba omu banabi, nobuhokuba omu biroto: nikyo nkwetire omanyise ekindakora. 16Samuiri yagamba ati Nukwo, kiki ekirukukaguliza nyowe, MUKAMA obwakurugirehom, kandi afokere omunyanzigwa wawe? 17MUKAMA akozire wenka nkokuyagambire omuli nyowe: kandi MUKAMA akwakire obukama omu mukono gwawe, abuhaire mutahi wawe, nuwe Daudi. 18Baitu otahu’re iraka lya MUKAMA, otahikirize ekinigakye ekingi hali Amaleki, nikyo MUKAMA akukolire ekigambo kinu ekiro kinu. 19Kansi MUKAMA alihayo Isareri hamu naiwe omu mukono Gwabafirisiti: ijo iwe na batabani bawe muliba na nyowe: MUKAMA alihayo nihe lya Isareri omu mukono Gwa bafirisiti. 20Ahonaho Saulo yagwa hansi ajumaire, yatina muno habwebigambo bya Samuiri: amani gamuhwamu; baitu akaba atalire kantu nyamusana nobuhokuba ekiro. 21Omukazi yaija hali Saulo, yabona atuntuire muno, yamugambira ati Dora, omuzana wawe ahulirege iraka lyawe, kandi ntaire obwomezi bwange omu mukono gwange, mpulire ebigambo byawe ebyongambire. 22Nukwo hati bunu, nkwesengerize, naiwe ohu;re iraka eryomuzana wawe, leka nteho akacweka kebyokulya omu maiso gawe; olye otunge amani, obworagenda omu muhanda gwawe. 23Yayanga nangamba ati Tindukwenda okulya. Baitu abairube hamu nomukazi ogu bamuhambiriza; yahu’ra ha kitabu. 24Omukazi akabanyina enyana eyebisajwa omu nju; yayanguha yagiita; yatwara ensano, yagibumba, yayokya emigati etatumbisibwe: 25yagireta omu maiso ga Saulo, nomu maiso gabairube; balya. Nubwo baimuka barugayo ekiro eki.