Swahili Bible2

26

1KANDI Abazifu bakaija hali Saulo omu Gibeha, nibagamba ngu tayeserekere omu rusozi rwa Hakira erolerire Yesimoni? 2Nybwo Saulo yaimuka, yasirimuka hali irungu lya Zifu, anyina abasaija ba Isareri abakomerwemu enkumi isatu hamu nauwe, okuse’ra Daudi omu irungu lya Zifu. 3Saulo yatema orukande omu rusozi rwa Hakira, erolerire Yesimoni, omu muhanda. 4Baitu Daudi yaikara omu irungu, yabona Saulo amuhondire omu irungu. Nikyo Daudi yatumira abatasi, yayetegereza Saulo aizire mali. 5Daudi yaimuka, yaija hali ekiikaro nambere Saulo yatemere orukande: Daudi yarora ekiikaro nambere ekiikaro nambere Saulo yatemere orukande: Daudi yarora ekiikaro nambere Saulo yabyamire, na Abuneri mutabani wa Neri, engabwa yiherye: Saulo akaba abyamire omunda yekiikaro kyamagali, nabantu bakaba batemere orukande okumwehinguliriza. 6Daudi yagarukamu nagambira Ahimereki Omuhiti, na Abisai mutabani wa Zeruya, waise Yoabu ato Noha arasirimuka hamu nanyowe hali Saulo omu rukande? Abisaimuka naiwe. 7Nukwo Daudi na Abisai baija omu Bantu ekiro: kandi dora, Saulo akaba agwijagire omunda yekiikaro kyamagali, nicumulye lisimbire omu itaka ha mutwegwe: na Abuneri nabantu bakaba babyamire nibamwehinguliriza. 8Abisai yagambira Daudi ati Ruhanga ahaire munyanzigwa wawe omu mukono gwawe ha kiro kinu: leka ‘nu mucumumite nkwesengerize, nicumu linu hansi omurundi gumu gwonka, timucumite obwakabiri. 9Daudi yagambira Abisai ati Otamuhwerekereza: baitu noha asobora okugo’ra omukonogwe hali ogu MUKAMA ouyasesereho amagita, okutabaho omusango? 10Daudi yagamba ati Nka MUKAMA okwali omwomezi, MUKAMA nuwe alimucumita: rundi ekirokye ekyokufa kirihika; rundi aligenda omu bulemu nagwayo. 11Nikikafuhe nyowe okugora omukono gwange hali ogu MUKAMA ouyasesereho amagita: baitu ihaho nkwesengerize, icumu eriri ha mutwegwe, nekisisi kyamaizi, tugende. 12Daudi yaihaho icumu nekisisi kyamaizi ha mutwe gwa Saulo; bayegendera, omuntu wena atakimanyire, kinu busaho ayasisimukire: baitu bona bakaba bagwijagire; baitu oturo twinge otwa MUKAMA tukaba tubagwireho. 13Nubwo Daudi yagenda nseri, yayeme’ra ha ruguru yorusozi hara; omwanya mwingi gubali hagati: 14Daudi yayami’ra abantu, na Abuneri mutabani wa Neri, nagamba ati Torukwanukura Abuneri?Abuneri ati Toli musaija emanzi? 15kandi araha arukusisana naiwe omu Isareri? Nukwo kiki ekikuhinzire okulinda mukama wawe omukama? Baitu hatahiremuga omu hali abantu okuhwerekereza mukama wawe omukama. 16Kinu ekyokozire tikiri kirungi. Nka MUKAMA okwali omwomezi, muhikirire okufa, baitu timurozire okulinda mukama wanyu, MUKAMA ouyasesereho amagita. Dora ‘ nu, icumu lyomukama nambere liri, nekisisi kyamaizi ekibaire ha mutwegwe. 17Saulo yamanyi’ra iraka lya Daudi, yagamba ati Tiniryo iraka lyawe, mwana wange Daudi? Daudi yagamba ati Niryo iraka lyange mukama wange omukama. 18Yagamba ati mukama wange nahigira ki omuiruwe? Baitu nkozire ki omuiruwe? Baitu nkozire ki? Rundi kibi ki ekiri omu mukono gwange? Nukwo hati bunu nkwesengerize mukama wange ahu’re ebigambo byomuiruwe. 19Rundi MUKAMA obwaraba akuimukirize namberendi, aikirize ekihongwa, baitu abana babantu obubaraba bakikozire, bakyenwe omu maiso ga MUKAMA; baitu banbingire aheru ekiro kinu, ndeke okugumira hali obugwetwa bwa MUKAMA, nibagamba ngu Genda, oko’re abacwezi. 20Naiwe otaikiriza esagama yange okugwa hansi nambere MUKAMA atali: baitu omukama wa Isareri aturukire okuse’ra enkumi, nkabantu okubahiga endahi omu nsozi. 21Nubwo Saulo yagamba ati Nkasisa: garuka mwana wange Daudi; baitu tindikukora kubi obundi, baitu obwomezi bwange bubaire bwomuhendo omu maiso gawe hati: dora, nkozire obutami, kandi mpabire muno. 22Daudi yagarukamu nagamba ati Dora omu ha mu omukama! Leka omu ha basigazi ayambuke alitaba’re. 23MUKAMA nuwe aligaru’ra omuntu wena okuhiki’rakwe nokwesigwakwe: baitu MUKAMA akuhaireyo omu mukono gwange hati, kandi nyowe tinyenzire okugo’ra omukono gwange hali ogu MUKAMA ouyasesereho amagita. 24Kandi dora, nkobwomezi bwawe okubabaire bwomuhendo mwingi omu maiso gange hati, nukwo obwomezi bwange bube bwomuhendo mwingi omu maiso ga MIKAMA, anjunege omu bujune bwona. 25Saulo yagambira Daudi Ohabwe omugisa, mwana wange Daudi: olikora byobumanzi, kandi olisingura mazima. Nukwo Daudi yayegendera na Saulo yagaruka owe.