Swahili Bible2

24

1KANDI kyahika, Saulo obuyagarukire alekere okuhondera Abafirisiti, yagambirwa ngu Dora, Daudi ali omu irungu lya Eni-gedi. 2Saulo yatwara abasaija enkumi isatu abakomerwe omu Isareri yona, yagenda okuse’ra Daudi nabasaijabe, omu mabale gembuzi ezekisaka. 3Yaija hali amasibiko gentama omu muhanda, nambere obuingira bukaba buli; Saulo yatahamu okusweka ebigerebye. Kandi Daudi nabasaijabe bakaba baikalire enyuma omu buingira. 4Abasaija ba Daudi bamugambira ngu Dora, ekiro MUKAMA ekiyakugambireho ati Dora, ndihayo omunyanzigwa wawe omu mukono gwawe, naiwe olimukora nkokukirisemera omu maiso gawe. Nubwo Daudi yaimuka yasara ha mukungiro gworugoye rwa Saulo omu nsita. 5Kyahika hanyuma omutima gwa Daudi gwamucumita, baitu akasara ha rugoye rwa Saulo. 6Yagambira abasaijabe ati MUKAMA antange, ndeke okukora mukama wange ekigambo kinu, ayaseserweho amagita MUKAMA, okumugoro’ra omukono gwange, baitu nuwogu ayaseserweho amagita MUAKAMA. 7Nukwo Daudi yatangire ati abasaijabe nebigambo binu, tiyabaikiriza okuimuki’ra Saulo. Saulo yaimuka yaruga omu buingira, yayegendera. 8Na Dausi yaimuka enyumaye, yaturuka omu buingira, yayami’ra Saulo ati Mukama wange omukama. Saulo obuyarozire enyumaye, Daudi yainamya amaisoge hansi, naramya. 9Daudi yagambira Saulo ati Kiki ekikuhuliza ebigambo byabantu obubagamba ngu Dora, Daudi nase’ra okukukora kubi? 10Dora, ekiro kinu amaiso gawe gaboine MUKAMA okwakuhaire hati bunu omu mukono gwange omu buingira: nabandi bandagira okukuita: baitu eriso lyange likuganyire; nagamba nti Tingo’re mukono gwange hali mukama wange; baitu akaseswaho amagita MUKAMA. 11Kandi tata, dora, ego, dora omukungiro gworugoye rwawe guli omu mukono gwange; baitu obunsazireho omukugiro gworugoye rwawe, kunu tinkuisire, wetegereze orole tiharoho kabi nobukwakuba okusisa omu mukonogwange, kunu tinkusisire, baitu iwe nohiga obwomezi bwange okubuihaho. 12MUKAMA atucwere omusango gwaitu nyowe naiwe, MUKAMA ampo’re enzigu namberoli: baitu omukono gwange tigulikubaho. 13Nkorufumo orwabaira okurugamba ruti Omu mubi haruga obubi: baitu omukono gwange tigulikubaho. 14Noha omukama wa Isareri owaramagire? Noha oworukuhiga? Mbwa efire, nkukuni. 15Nikwo MUKAMA aramule, atucwere omusango nyowe naiwe, arole, anjune omu mukono gwawe. 16Kandi kyahika Daudi obuyamazire okugambira Saulo ebigambo ebi, Saulo yagamba ati Niryo iraka lyawe omwana wange Daudi? Saulo yaimukya irakalye na’ra. 17Yagambira Daudi ati Iwe nokira nyowe okuhiki’ra: baitu iwe onkokozire ebirungi, baitu nyowe nkukozire kubi. 18Kandi oyolekere ekiro kinu okwonkozire kurungi: baitu MUKAMA obwampairege omukono gwawe tonyisirege. 19Baitu omuntu obwazora omunyanzigwawe alimulekera ayegendere? Nukwo MUKAMA akusasule ebirungi habweki ekyonkozire ekiro kinu. 20Kandi dora, hati manyire mazima iwe oliba omukama, kandi obukama bwa Isareri buligumibwa omu mukono gwawe. 21Nukwo ondahi’re hati bunu habwa MUKAMA oti tolicwa oruzaro rwange hanyuma yange, kunu tolihwerekereza ibara lyange omu nju ya isenyowe. 22Daudi yarahi’ra Saulo. Saulo yataha omuka; baitu Daudi nabasaijabe bakatemba omu kiikaro kyamabale.