Swahili Bible2

23

1KANDI bakatebeza Daudi nibagamba ngu Dora, Abafirisiti nibarwanisa Keryira, nibanyanga embuga zokuhu’raho. 2Nikyo Daudi yakaguliza hali MUKAMA nagamba ati Ngende nteme Abafirisiti abo? MUKAMA yagambira Daudi ati Genda oteme Abafirisiti, ojune Keyira. 3Abasaija ba Daudi bamugambira ngu Dora, ntutina hamu omu Yuda: titulikiraho okutina obutuligenda Keyira okurwanisa amahe Gabafirisiti? 4Daudi yagaruka okukaguza hali MUKAMA. MUKAMA yamugarukamu nagamba ati Linuka osirimukire Keyira; baitu ndihayo Abafirisiti omu mukono gwawe. 5Daudi nabasaijabe bagenda Keyira, barwana Nabafirisiti, babanyaga entezabu, babaita nokuita kwingi. Nukwo Daudi yajunire ati abomu Keyira.

6Kandi kyahika, Abyasara mutabani wa Ahimereki obuyairukire Keyira hali Daudi, yasirimuka anyina efodi omu mukonogwe. 7Kyagambirwa Saulo ngu Daudi aizire Keyira. Saulo yagamba ati Ruhanga amuhaireyo omu mukono gwange; baitu akingirwe omunda, habwokutaha ha rubuga oruroho enyigi nebihongozo. 8Saulo yayeta abantu bona okurwana okusirimukira Keyira, okugota Daudi nabasaijabe. 9Kandi Daudi akamanya Saulo okuyamucwerire amagezi; yagambira Abyasara nyakatagara ati Leta hanu efodi. 10Nubwo Daudi yagamba ati Ai MUKAMA Ruhanga wa Isareri omuiru wawe akahu’ra mali ngu S aulo nagonza okuija Keyira, okuhwerekereza orubuga habwange. 11Abasaija ba Keyira balimpayo omu mukonogwe nandiki? Saulo alisirimuka, nkomuiru wawe okuyahulire? Ai MUKAMA Ruhanga wa Isareri, omanyise omuiru wawe nkwesengerize. MUKAMA yagamba ati Alisirimuka. 12Daudi yagamba ati Abasaija ba Keyira balituhayo nyowe nabasaija bange omu mukono gwa Saulo? MUKAMA yagamba ati Balikuhayo. 13Nubwo Daudi nabasaijabe, abakaba bali nkorukaga, baimuka barugayo omu Keyira, bagendagenda nambere basoboraga hona. Kyagambirwa Saulo ngu Daudi acwire omu Keyira; yaleka okugendayo.

14Daudi yaikara omu irungu nomu nkomero, yaikara omu nsi yensozi omu irungu lya Zifu. Saulo yamuse’raga bukyabukya, baitu Ruhanga atamuheyo omu mukonogwe. 15Daudi yamanya Saulo okuyaturukire okuse’ra obwomezibwe: Daudi yaikara omu irungu lya Zifu omu kibira. 16Kandi Yonasani mutabani wa Saulo yaimuka, yagenda hali Daudi omu kibira, yamugumiza omukonogwe hali Ruhanga. 17Yamugambira ati Otatina: baitu omukono gwa Saulo isenyowe tigulikuzora; naiwe oliba omukama wa Isareri, nyowe ndikukuratira ha bukuru; nakyo Saulo isenyowe akimanyire. 18Abo bombi bakaragana ekiragano omu maiso ga MUKAMA: Daudi yaikara omu kibira, na Yonasani yagenda ha njuye. 19Kandi Abazifu bakaija Gibeha hali Saulo, nibagamba ngu Daudi tayeserekere namberetuli omu nkomero zomu kibira, omu rusozi rwa Hakira, oruli ha rubaju rwa Yesimoni orwabukizi bwobulyo? 20Nukwo, ai mukama, sirimuka, nkomutima gwawe okugurukugonza okusirimuka; kandi okumuhayo omu mukono gwomukama kuliba kwaitu. 21Saulo yagamba ati Muhabwe omugisa hali MUAKAM; baitu munkwatirwe embabazi. 22Mugende, mbesengerize, mwoyongere okumanya ekigambo, mumanye murole nambere ekiikaro kiri, kandi amuboineyo noha: baitu nibangambira okwagira amagezi maingi. 23Nokwo murole, mwetegereze amesereko gona nambere ayesereka, mugaruke nambertendi namazima, kandi kirihika obwalibali omu nsi, ndimuzora omu nkumi zona eza Yuda. 24Baimuka bagenda Zifu omu maiso ga Saulo: baitu Daudi nabasaijabe bakaba bali omu irungu lya Maoni, omu Araba ha rubaju rwa Yesimoni orwobukizi bwobulyo. 25Saulo nabasaijabe bagenda okumuse’ra. Batebeza Daudi: nikyo yasirimukire hali omwandara, yaikara omu irungu lya Moani. Saulo obuyahulire eki yahondera Daudi omu irungu lya Moani. 26Saulo yayehinguliriza orusozi ha rubaju runu, na Daudi nabasaijabe ha rubaju ruli: Daudi yarahuka okugenda habwokutina Saulo; baitu Saulo nabasaijabe bakehinguliriza Daudi nabasaijabe embaju zona okubakwata. 27Kandi hakaija omukwenda hali Saulo, nagamba ati Rahuka oije; baitu Abafirisiti nibanyaga ensi. Nukwo Saulo yagaruka ensi. 28Nukwo Saulo yagaruka yaleka okuhondera Daudi, yaramagira Abafirisiti: nikyo barukire ekiikaro eki ibara lyakyo Sera- hamalekosi. 29Daudi yarugayo yagenda yaikara omu mabale ga Eni-gedi.