Swahili Bible2

22

1NIKYO Daudi yarugireyo, yairukira obungira bwa Aduramu: bene babu na bona abenju ya ise obubahulire bagendayo namberali. 2Nomuntu wean akabali nobujune, nomuntu wena akabali namabanja, nomuntu wena asalirwe omu mutima, bakesoroza namberali; yafoka nkengabwa namberebali: kandi hakaba haroho namberali abasaija nkebikumi bina. 3Daudi yarugayo yagenda Mizipe owa Moabu: yagambira omukama wa Moabu ati Nkwesengerize, ikiriza isenyowe na nyina nyowe barugeyo, baije baikalege namberoli okuhikya obundimanya Ruhanga ebyalinko’ra. 4Yobaletra omu maiso gomukama wa Moabu: baikaraga nauwe ebiro byona Daudi obwakabali omu buingira. 5Nabi Gadi yagambira Daudi ati Otaikara omu buingira; rugayo ogende omu nsi ya Yuda. Nubwo Daudi yarugayo yaija omu kibira kya Heresi. 6Kandi Saulo akahu’ra ati Daudi azokere, nabasaija abakaba bali nauwe: Saulo akaba aikalire omu Gibeha, ha muti oguli omu Rama, nicumu liri omu mukonogwe, nabairube bona bemerire namberali. 7Saulo yagambira abairube abamwemerireho ati Muhu’re ‘nu inywe Ababenyamini; mutabani ogu owa Yese alibaha inywena emisiri nengonjo zemizabibu, alibafora engabwa zenkumi nengabwa zebikumi? 8Baitu inywena mugambiraine ensita namberendi, kunu busaho muntu ansukulire ekiragano mutabani wange ekiyaraganize na mutabani wa Yese, kunu busaho nomu omulinywe asalirwe habwange, nobwakuba antebize mutabani wange okwanyimukirize omuiru wange, okungweraga nkokukiri hati? 9Kandi Doegi Omwedomu ayalemaga abairu ba Saulo, yagarukamu yagamba ati Nkarora mutabani wa Yese naija Nobu, hali Ahimereki mutabani wa Ahitubu. 10Yakaguza hali MUKAMA habwe, yamuha ebyokulya, yamuha busitama ya Goliasi Omufirisiti. 11Nubwo omukama yatuma okweta Ahimereki nyakatagara mutabani wa Ahitubu, na bona abonju ya ise, banyakatagara abakaba bali Nobu: baija bona hali omukama. 12Saulo yagamba ati Hu’ra ‘nu, iwe mutabani wa Ahitubu. Yagarukamu ati Dora nyowe, mukama wange. 13Saulo yamugambira ati Mubaire ki nimungambirana ensita iwe na mutabani wa Yese, baitu okamuha ebyokulya, na busitama, kandi okamukaguliriza hali Ruhanga, uwe anyimuki’re okungwera nkokukiri hati? 14Ahimereki ya garukamu omukama nagamba ati Kandi noha mu bairu bawe bona arukuingana Daudi obwesigwa? Kandi omuko womukama, kandi womu rukurato rwawe, kandi wekitinisa omu nju yawe? 15Nyowe mbandize hati okumukaguliriza hali Ruhanga? Nikikafuhe: omukama aleke okwomereza omuiruwe ekigambo nekimu, nobubakuba bona abenju ya isenyowe: baitu omuiru wawe tamanyire ha kigambo kinu na kake. 16Omukama yagamba ati Okufa orafa, Ahimereki, iwe na bona abenju ya ‘so. 17Omukama yagambira abalinzi abakaba bamwemerireho ati Muhinduke muite banyakatagara ba MUKAMA; baitu nomukono gwabu guli na Daudi, kandi bakamanya akairuka, kunu batakintebeze. Baitu abairu bomukama bayanga okugo’ra omukono gwabu okugwa ha banyakatagara ba MUKAMA. 18Omukama yamugambira Doegi ati Hinduka iwe, ogwere banyakatagara. Doegi Omwedomu yahinduka yagwera banyakatagara. Ha kiro kiri akaita abantu kinana mu batano abajwaraga efodi yekitani. 19Na Nobu, orubuga rwa banyakatagara, yarutema nobwogi bwa busitama, abasaija nabakazi, abana nabarukwonka, nente nenkaina nentama, nobwogi bwa busitama. 20Kandi omu womu batabani ba Ahimereki mutabani wa Ahitubu, ibaralye nuwe w Abyasara, yacwa yairukira hali Daudi. 21Abyasara yatebeza Daudi ati Saulo akaita banyakatagara ba MUKAMA. 22Daudi yagambira Abyasara ati Nkamanya ha kiro kiri, Doegi Omwedomu obwakabaliyo nti Mazimakwo alitebeza Saulo: nyowe nkaisa bona abenju ya ‘so. 23Ikara namberendi, otatina; baitu ogu arukuse’ra obwomezi bwange, nuwe arukuse’ra obwomezi bwawe: baitu hamu nanyowe oralindwaga.