Swahili Bible2

20

1KANDI Daudi akairuka Nayosi omu Rama, yaija yagamba omu maiso ga Yonasani ati Nkozire ki? Nokusisa kwange kuraha? Nekibi kyange ki omu maiso ga ‘so, baitu nase’ra obwomezi bwange? 2Yamugambira ati Nikikafuhe; tolifa, dora isenyowe tokora ekigambo nobukyakuba ekikoto nobukyakuba ekike, rundi amazire okukinsuku’ra: kandi isenyowe yakubaire ki okunsereka ekigambo kinu? Tikirikyo. 3Baitu Daudi yayomereza nagamba ati ‘So amanyire kurungi nyowe mboine okuganja mu maiso gawe; buli agambire ati Yonsani aleke okumanya kinu atabihirwa: baitu mazimakwo nka MUKAMA okwali omwomezi, nobwomezi bwawe nkokubuloho, haroho omwanya gwentambu omu hagati gange nokufa. 4Nubwo Yonasani yagambira Daudi ati Kyona obwomezi bwawe ekiburukugonza ndakikora mali habwawe. 5Daudi yagambira Yonasani ati Dora, ijo nikyo kiro kyokwezi okuboneka, kimpikiririre okutabura ha byokulya hamu nomukama: baitu ondekere ngende, nyesereke omu kisaka, okuhikya ekiro ekyakasatu akairirizi. 6‘So obundimubura nubwo oragamba oti Daudi akanyesengereza muno okumulekera airuke agende Beterehemu orubuga rwowabu: baitu oku, haroho ekyonzira ekyomwaka nomwaka habwa bona abekitabukye. 7Obwaragamba ati Kirungi; omuiru wawe aratunga obusinge: baitu obwarabihirwa, nukwo oramanya amalirire okukora akabi. 8Nukwo akole nembabazi omuiru wawe; baitu okaraganiza omuiru wawe akiragano kya MUKAMA: rundi haraba haroho ekibi omuli nyowe, onyite iwe; nikikugasira ki okutwara hali ‘so? 9Yonasani yagamba ati Tikyakubeho: kakuba manyire nti isenyowe amalirire okukuletera akabi, tinkukutebize? 10Nubwo Daudo yagambira Yonasani ati Noha arantebeza rundi ‘so arakugarukamu nekiniga? 11Yonasani yagambira Daudi ati Ija tugende omu kisaka. Barugayo bombi bagenda omu kisaka.

12Yonasani yagambira Daudi ati MUKAMA Ruganda wa Isareri abe kaiso wange; obundikakaguza isenyowe ijo nkobuire bunu, rundi ha kiro kyakasatu, dora, obuharibaho ebirungi hali Daudi, tindikutumira ninkikwoleka? 13MUKAMA akole Yonasani ati nokukiraho, isenyowe obwaligonza okukukora kubi, nanyowe ntarukukikugambira, ninkwohereza, nukwo ogende nobusinge: kandi MUKAMA aikalege naiwe nkokuyaikaraga na isenyowe. 14Kandi naiwe tolinyoleka kwonka embabazi za MUKAMA omu biro byobwomezi bwange ntafa: 15baitu nokukiraho toliihaho embabazi zawe hali enju yange ebiro byona: nangwa, nobuhokuba MUKAMA obwalimaraho abanyanzigwa bona aba Daudi ha maiso gitaka. 16Nukwo Yonasani yaragaine ati ekiragano nenju ya Daudi nagamba ati Kandi MUKAMA alikijunaniza ha mukono gwabanyanzigwa ba Daudi. 17Yonasani yarahiza Daudi obwakabiri habwokugonza okuyamugondeze: baitu akamugonza nkokuyayegondeze obwomezibwe wenka. 18Nubwo Yonasani yamugambira ati Ijo okwezi kuliboneka: iwe olibura, baitu entebe yawe eriba kwonka. 19Kandi obwolikamarayo ebiro bisatu, olisirimuka bwango, noija omu kiikaro nambere wayeserekere omu biro byebigambo ebi, kandi oliikara ha ibale Ezeri. 20Nanyowe ndirasa engobe isatu ha rubaju rwalyo, ninsisana okurasa kintu. 21Kandi dora, ndituma omwojo ningamba nti Genda ose’re engobe. Obundigambira omwojo nti Dora, engobe zikuliha rubaju runu: zikwate oije; baitu obusinge buli namberoli, kunu busaho kabi, nka MUKAMA okwali omwomezi. 22Baitu obundigambira omwojo nti Dora, engobe zikuhinguireho: wegendere; baitu MUKAMA buli akusindikire. 23Nebyebigambo nyowe naiwe ebitubalizeho, dora, MUKAMA ali hagati yange naiwe ebiro byona.

24Nukwo Daudi yayesereka omu kisaka: okwezi obukwabonekere omukama yaika’ra okulya. 25Omukama yaika’ra ha ntebeye nkobundi, nuho ha ntebe eherire ekisika; Yonasani yayeme’ra na Abuneri yaika’ra ha rubaju rwa Saulo: baitu ekiikaro kya Daudi kikaba kiri kwonka. 26Baitu Saulo atagambe ekigambo ha kiro kiri: baitu akatekereza ati Haroho ekimubaireho, rundi tasemire; mazimakwo afokere atasemire. 27Kandi kyahika hakiro kya nyenkya ekyakuratire okwezi okuboneka, nikyo kiro kyakabiri ekiikaro kya Daudi kikyakabiri kwonka: Saulo yagambira Yonasani mubataniwe ati Kiki ekitangire mutabani wa Yese okuija okulya, nobuhokuba ijo nobuhokuba hati? 28Yonasani yagarukamu Saulo ati Daudi akanyesengereza muno okumulekera agende Beterehemu: 29yagamba ati Leka ngende nkwesengerize; baitu bene baitu banyina ekyonzira ha rubaga; na mugenzi wange akandagira okubayo: hati bunu, obundaba mboine mbabazi omu maiso gawe, leka ngende nkwesengerize, ndole bene baitu. Nikyo ataizire hali emeza yomukama. 30Nubwo ekiniga kya Saulo kyayakira Yonasani, yamugambira ati Iwe omwana womukazi omwemi agumangaine, tindukumanya nyowe nti oyegomboize wenka mutabani wa Yese okwekwasa wenka ensoni, nokukwasa nsoni nyoko? 31Baitu okuhikya ebiro byona mutabani wa Yese ebyalima’ra hansi ali mwomezi, iwe toligumaho nobubwakuba obukama bwawe. Nukwo hati bunu tuma omulete namberendi, baitu okufa alifa. 32Yonasani yagarukamu Saulo ise namugambira ati Kiki ekihikirere okumuisa? Akozire ki? 33Saulo yamuhungu’ra icumu okumucumita: nikyo Yonasani yamanyireho ati ise amalirire okuita Daudi. 34Kandi Yonasani yaimuka naruga ha meza nekiniga kingi, tiyalya kantu ha kiro kyokwezi ekyakabiri: baitu akaba abihirwe habwa Dausi, baitu ise akamuhemura. 35Kyahika nyenkya abuire bukiire, Yonasani yaturuka yagenda omu kisaka omu kasumi akayaraganize Daudi, nomwojo omuto ali naiwe. 36Yagambira omwojowe ati Iruka ‘nu, ose’re engobe ezindukurasa. Omwojo obuyairukire yarasa engobe na gimuhinguzaho. 37Kandi omwojo obuyahikire ha kiikaro ekyengobe Yonasani yayami’ra omwojo nagamba ato Engobe tekuhinguraine? 38Yonasani yayami’ra omwojo ati Rahuka, yanguha, otaikaraho. Omwojo wa Yonasani yasoroza engobe yaija hali mukamawe. 39Baitu omwojo atamanye kigambo: Yonasani na Daudi nibo bonka bakimanya. 40Yonasani yaha omwojowe ebyokurwanisabye, namugambira ati Genda, obitweka ha rubuga. 41Omwojo obuyagenzire, Daudi yaimuka yaruga ha rubaju rwobukizi bwobulyo, yagwa hansi ajumair, yainama emirundi esatu: banywegerangana, bali’rangana okuhikya Daudi obuyahinguranize. 42Yonasani yagambira Daudi ati Genda nobusinge, baitu itwembi turahirire ibara lya MUKAMA, ntugamba ngu MUKAMA abe hagati yange naiwe, nahagati yoruzaro rwange noruzaro rwawe, okuhikya ebiro byona. Yaimuka yagenda: Yonsani yataha ha rubuga.