Swahili Bible2

2

1KANDI Hana akasaba yagamba ati

Omutima gwange nuguhaisaniza omu MUKAMA,

Ihembe lyange linyumizibwe omu MUKAMA:

Akanwa kangye kasamilire ha banyanzigwa bange;

Baitu nkyanganukire okujuna kwawe.

2Busabo ondi arukwera nka MUKAMA;

Baitu busaho ondi, rundi iwe wenka:

Kunu busaho mwandera ogundi okusisana na Ruhanga waitu.

3Leka okubaza emyehembo oti;

Ebyokwekuza bitaruga omu kanwa kawe:

Baitu MUKAMA aba Ruhanga wokumanya,

Nuwe alenga engeso ezikorwa.

4Obuta obwemanzi bucwekere,

Nabo abakaba nibesitara betegere amani omunda.

5Abakaba baigusire bakolerize ebyokulya;

Nabakaba banyina ebahumuire:

Ego, engumba azaire musanju;

Nogu anyina abana baingi ahwerire.

6MUKAMA aita, kandi ayomeza:

Asirimura okuzimu, kandi aimukya.

7MUKAMA, ainaza kandi atungisa;

Abundaza, kandi anyumiza.

8Aimukya abanaku omucucu,

Aiha abasege omu sabu.

Okubaikaliza hamu nababito,

Nokugwetwa ekitebe kyekitinisa;

Baitu enyomyo ezensi za MUKAMA,

Nuwe ahangize ensi nazo.

9Alirinda ebigere byabarukwerabe,

Baitu ababi baliculezebwa omu muirima; Baitu abantu tibalikira habwamani nomu. Baitu ababi baliculezebwa omu muirima;

Baitu abantu tibalikira habwamani nomu.

10Abahakana na MUKAMA balicwekacweka;

Alihindisa iguru halibo nayema haiguru:

MUKAMA alicwera omusango emperor zensi;

Kandi aliha amani omukamawe ouyataireho,

Alinyumiza ihembe lyogu ouyasesereho amagita.

11Kandi Erekana yagenda Rama omu njuye. Omwana yaherezaga MUKAMA omu maiso ga Eri nyakatagara.

12Kandi batabani ba Eri bakaba bali abantu ababi; batamanye MUKAMA. 13Kandi engeso zabanyakatagara ezibakoraga abantu zikaba ziri ziti, omuntu wean obuyahayoga ekyonzira, omuhereza wa nyakatagara yaijaga, enyama nekicumbwa, anyina orwoma rwa 14maiso asatu omu ngaroze; yarusimba omu sufuliya, rundi binika; rundi nyungu rundi ekinaga; byona orwoma ebirwaihamuga nyakatagara yatwaraga narwo. Nukwo bakoraga bati omu Siro Abaisareri bona abaijayoga. 15Ego, obubabaga batakokeze ebisajwa, omuhereza wa nyakatagara yaijaga, nagambira abantu abahayoga ekyonzira ati Mpa enyama okwokeza nyakatagara; baitu tarukugonza iwe okumuha enyama ecumbire, baitu embisi. 16Rundi omuntu obuyagambiraga ati Leka bamale okwokya bwango ebisajwa, nubwo oratwara yona eyogondeze nomutima gwawe; nubwo yagambaga ati Nangwa, baitu oragimpa hati bunu; obwotagimpe ndagitwaza amani. 17Kandi ekibi kyabasigazi abo kikaba kiri kingi omu maiso ga MUKAMA: baitu abantu bakanoba ekihongwa kya MUKAMA.

18Baitu Samuiri yaherezaga omu maiso ga MUKAMA, akiri omwana muto, ayetegere efodi yakitani. 19Kandi nyina yamuko’rega ekanzu enke yagiretaga omwaka nomwaka obuyatembaga na iba okuhayo ekyonzira ekyomwaka. 20Kandi Eri akasabira omugisa Erekana na mukaziwe ekiyatirize MUKAMA. Bagarukayo owabu bonka. 21Kandi MUKAMA akaizira Hana, yaba nenda, yazara abojo basatu nabaisiki babiri. Omwana Samuiri yakura omu maiso ga MUKAMA.

22Kandi Eri akaba ahwisire muno; yahu’ra byona batabanibe ebibakozire hali Abaisareri bona, kandi okubabyamaga nabakazi abakoraga omulimo ha mulyango gwehema eyokutangatanganiramu. 23Yabagambira ati Kiki ekirukubakoza ebisisana biti? Baitu nimpu’ra ha ngeso zanyu embi hali abantu banu bona. 24Nangwa, bana bange; baitu tibiribirungi ebindukuhu’ra: nimusisisa ihanga lya MUKAMA. 25Omuntu obwasisa omuntu mutahiwe Ruhanga alimucwera omusango: baitu omuntu obwangerereza? Baitu batahu’re iraka lya isebo, baitu MUKAMA akaba amalirire okubaita. 26Omwana Samuiri yakura, yaba wokugonzebwa hali MUKAMA na hali abantu.

27Kandi bakaija omusiaja wa Ruhanga hali Eri, yamugambira ati Nukwo agambire MUKAMA ati Nkesuku’ra hali enju ya ‘so obubakaba bali omu buiru omu nju ya Faraho? 28Kandi nkamukomamu omu nganda zona eza Isareri okuba nyakatagara wange, okutemba habi ekyoto kyange, okwotera emyami’ro nokujwara efodi omu maiso gange? Kandi nkaha enju ya’so ebihongwa byona ebyabana ba Isareri ebihongwa nomu’ro? 29Kiki ekibasambisa ekyonzira kyange nekihongwa kyange, ekinaragire omu nju yange; kandi nataho ekitinisa ha batabani bawe okubakiza nyowe, inywe okweyiti’ra nebihongwa ebikuru ebya Isareri abantu bange? 30Nikyo MUKAMA, Ruhanga wa Isareri, agambire ati Nkagamba mali nti enju yawe nenju gange ebiro byona: baitu hati bunu MUKAMA agamba ati Ekikindi hara; baitu abantaho ekitinisa nibo nditaho ekitinisa, nabangaya baliburwa ekitinisa. 31Dora, ebiro nibiija, obundicwaho omukono gwawe, nomukono gwenju ya ‘so, kunu tihaliba mugurusi nomu munju yawe. 32Kandi olibona omuhito ogwenju yange, omu birungi byona Ruhanga ebyaliha Issareri: kunu tihaliba omugurusi nomu omu nju yawe ebiro byona. 33Nomusaija wawe ountalihaho ha Kyoto kyange, aliba wokuita amaiso gawe, nokutuntunza omutima gwawe: noruzaro rwona orwenju yawe balifa omu busigazi bwemyaka yabu. 34Kandi kanu niko kaliba namberoli akakuro’raho, akalija ha batabani bawe ababiri, nibo Hofuni ha finehansi; ha kiro kimu bombi balifa. 35Kandi ndyeyimukiza nyenka nyakatagara owokwesiga, alikora nkebi ebiri omu mutima gwange nomu magezi gange okubiri: nanyowe ndimwombekera enju erukugumaho amagita; kandi wragenderaga omu maiso gogu oundisesaho amagita ebiro byona. 36Kandi kirihika omuntu wean alisigaraho omu nju yawe aliija okumuinamira, nasaba ekikweka kyefeza nomugati gwe byokulya, kandi aligamba ati Nkwesengerize, ompe omulimo gwa nyakatagara, nukwo ndyeha kacweka komugati.