Swahili Bible2

18

1KANDI kikahika obuyalekere okubaza na Saulo, omutima gwa Yonasani gwaterana nomutima gwa Daudi, kandi yonasani yamugonza nkobwomezibwe wenka. 2Kandi Saulo yamutwara ha Kiro kiri, tiyamuleka okugarukayo omuka omu nju yaise. 3Nubwo Yonasani na Daudi baragana ekiragano, baitu akamugonza nkobwomezibwe wenka. 4Yonasani yajura orugoye orwakabaajwaire, yaruha Daudi, nebyokujwarabye kandi na busitamaye, nobutabwe, no mwekogwe. 5Kandi Daudi yagendega nambere Saulo yamutumaga hona, yakoraga namagezi: Saulo yamuha okulema abasaija bokurwana, eki kyasemera omu maiso gabantu bona, nomu maiso gabairu ba Saulo. 6Kandi kyahika obubaizire, Daudi obuyagarukire arugire okuita Omufirisitit, abakazi baruga omu mbuga zona za Isareri, nibazina nibagaruka okuitirana Saulo, banyina enjogera nokusemererwa kandi nebyoma ebirikugamba. 7Nabakazi bakaikirizangana omu kuzina kwabu, ngu Saulo akaita enkumize, Na Daudi obukumibwe. 8Saulo akabihirwa muno, ekigambo eki kyamubihiza: yagamba ati Daudi bamuzinireho enkumi, kandi nyowe banzinireho enkumi zonka: kandi alyeyongera okutunga ki, rundi obukama? 9Nokurugaho Saulo yarora Daudi neriso eribi. 10Kandi nyenkya abuire bukire kyahika, omwoyo omubi ogwarugire hali Ruhanga gwaija namani ha Saulo, yagambisibwa omu nju hagati: Daudi yatera enanga nengaroze, nkokuyakoraga bukyabukya: kandi Saulo akabanyina icumu omu mukonogwe. 11Saulo yahungura icumu; baitu akagamba ati Ndacumita Daudi nokuhikya ha Kisika. Kandi Daudi yayesumba omu maisoge emirundi ebiri. 12Saulo yatina Daudi, baitu MUKAMA akabali nauwe, kandi akaba amurugireho Saulo. 13Nikyo Saulo yayemweyihireho namberali, yamutaho okuba engabwa yorukumi; yaturuka nataha omu maiso gabantu. 14Kandi Daudi akagira amagezi omu ngeso zona; MUKAMA akabali nauwe. 15Kandi Saulo obuyaboine akagira namagezi maingi, yamutina. 16Baitu Isareri yona na Yuda yona bakagonza Daudi; baitu yaturukaga nataha omu maiso gabu. 17Kandi Saulo akagambira Daudi ato Dora, omuisiki wange omukuru, Merabu, ndamukuha okuba mukazi wawe: kyonka okole nobumanzi habwange, orwane obulemu bwa MUKAMA. Baitu Saulo akagamba ati Omukono gwange guleke okumubaho, rundi omukono Gwabafirisiti gumubeho. 18Daudi yagambira Saulo ati Ninyowoha? Nobwomezi bwangeki, rundi abaisenyowe bali ki omu Isareri, nyowe okuba omuko womukama? 19Baitu akasumi obukahirkire okugamba Merabu omuisiki wa Saulo hali Daudi, bamuha Adiryeri Omumehorasi okuba mukaziwe. 20Baitu Mikali omuisiki wa Saulo akagonza Daudi: batebeza Saulo, ekigambo eki kyamusemeulo, ekigambo eki kyamusemeza. 21Saulo yagamba ati Ndamumuha, efoke nkomutego na mberali, nomukono Gwabafirisiti gumbeho. Nikyo Saulo yagambire Daudi ati Hati oraba omuko wange omurundi ogwakabiri. 22Saulo yaragira abairube ati Mubaze na Daudi omu nsita, nimugamba ngu Dora omukama nakusemererwa, nabairube bona nibakugonza: nukwo hati bunu ikiriza okuba omuko womukama. 23Abairu ba Saulo babaza ebigambo binu omu matu ga Daudi. Daudi yagamba ati Nimukitekereza okuba ekigambo kike okuba omuko womukama, baitu nyowe ndi munaku, tinyina ekitinisa? 24Abairu ba Saulo bamutebeza bati Nukwo Daudi yagambire ati. 25Saulo yagamba ati Nukwo muragambira Daudi muti Omukama tarukwenda ebintu ebyokujuga, baitu nayenda ebisusu Byabafirisiti kikumi, ahole enzigu ha banyanzigwa bomukama. Lero Saulo akatekereza okunaga Daudi ahabwomukono Gwabafisirisiti. 26Kandi abairube obubatebize Daudi ebigambo ebi, Daudi yasemererwa muno okuba omuko womukama. Nebiro bikaba bitakahoireho; 27Daudi yaimuka yagenda, uwe nabasaijabe, yaita ha Bafirisiti abasaija bikumi bibiriri; Daudi yaleta ebisusu byabu, babiha omukama omuhendo guhikire abe omuko womukama. Saulo yamuha Mikali omuisikiwe okuba mukaziwe. 28Saulo akarora yamanya ati MUKAMA ali na Daudi; na Mikali omuisiki wa Saulo akamugonza. 29Saulo yayeyongera okutina Daudi; Saulo yaba omunyanzigwa wa Daudi obutosa. 30Nabakuri Babafirisiti baramaga: kyahika obubaramagaga, Daudi yakoraga namagezi okukira abairu bona ba Saulo; nukwo ibaralye lyaranganwa.