Swahili Bible2

17

1ABAFIRISITI bakasoroza hamu amahe gabu okurwana, bakesoroleza Soko, eya Yuda, batema orukande hagati ya Soko na Azeka omu Efesisi- damimu. 2Saulo nabasaija ba Isareri bakesoroza hamu, batema orukande omu kihanga kya Era, basimba enka’ra okurwana Nabafirisiti. 3Abafirisiti bayeme’ra ha rusozi ha rubaju, Nabasareri buyeme’ra ha rusozi ha rubaju: nekihanga kikaba kiri hagati yabu. 4Kandi emanzi ekaruga omu rukande Rwabafirisiti, ibaralye nuwe Goliasi owa Gasi, nokuraihakwe mikono mukaga nekicweka. 5Kandi akaba anyina enkofira eyomulinga ha mutwegwe, yajwara esati yekyoma; nobulemezi bwesati sekeri yomulinga enkumi itano. 6Kandi akaba anyina endinga ha maguruge, nakacumu komulinga hagati yamabegage. 7Kandi orubango orwicumulye rukasisana nkomugamba gwomuruki wengoyw; nekyogi kyicumulye kyesekeri zekyoma rukaga: nomukwasi wengabukye yamwebemberaga. 8Kandi akeme’raho yayami’ra amahe ga Isareri nabagambira ati Kiki ekibaturukize okusimba enka’ra? Tindi Mufirisiti nyowe, nainywe timuli bairu ba Saulo? Mwekomeramu inywenka omusaija, asirimuke namberendi. 9Owarasobora okurwana nanyowe nokunyita, nukwo tuliba baire banyu: baitu nyowe obundimusingura nimuita, inywe muliba abairu baitu nimutuko’ra. 10Omufirisiti yagamba ati Ningaya hati amahe ga Isareri; mumpe omusaija turwane hamu. 11Kandi Saulo na Isareri yona obubahulire ebigambo Byomufirisiti, batuntura nibatina muno. 12Kandi Daudi akabali mutabani Womwefurasi ogu owa Beterehemu-yuda, ibaralye nuwe Yese; uwe akabanyina batabani munana: omusaija ogu akabali omugurusi omu biro bya Saulo akuzira muno omu bantu. 13Nabatabani basatu abarukukira obukuru bakaba bakuratire Saulo omu bulemu: namabara gabatabanibe abasatu abagenzire omu bulemu nganu Eryabu omuzigaijo, kandi owakabiri nuwe Abinadabu, kandi owakasatu nuwe Sama. Kandi Daudi akabali kandi owakabiri nuwe Abinadabu, kandi owakasatu nuwe Sama. 14Kandi Daudi akabali omuto: nabakuru bali bakakuratira Saulo. 15Baitu Daudi yagendaga hali Saulo, nagarukayo okulisa entama za ise omu Beterehemu. 16Kandi Omufirisiti yai’raga nyenkya norwebagyo nayeyoleka ebiro amakumi ana. 17Kandi Yese akagambira Daudi mutabaniwe ati Twara ‘ nuhali bagenzi bawe ekirengo kyenkole zinu, nemigati enu kumi, obyetweke bwango hali enkande za bagenzi bange; 18nebitongo binu ikumi ebyamata agomere obitwa’ra engabwa yorukumi rwabu, orole okubali okurungi, obaihe omukwatirizo. 19Kandi Saulo nabo nabasaija bona ba Isareri bakaba bali omu kihanga kya Era, nibarwana Nabafirisiti. 20Daudi yaimuka nyenkya kara, yasigira entama omulinzi, taimukya yagenda, nka Yese okuyamuragire; yaija hali ekiikaro kyegali zente, ihe erikaba nirituruka okurwana nitoka ebyo bulemu. 21Isareri Nabafirisiti bakasimba obulemu omu nka’ra, amahe nigarorangana. 22Kandi Daudi yasiga ebintubye omu mukono gwomulinzi webintu, yairukira omu ihe, yaija yaramya bagenzibe. 23Obwakaba nabaza nabo dora, hakaija emanzi egi Omufirisiti owa Gasi, ibaralye nuwe Goliasi, arugire omu nka’ra Zabafirisiti, yagamba ebigambo bimu na biri: Daudi yabihu’ra. 24Nabasaija bona aba Isareri obubaboine omusaija ogu, bamuiruka, nibatina muno. 25Abasaija ba Isareri bagamba ngu Oboine omusaija onu aizirege? Okugayisa Isareri nikyo aizire mali: kandi kiriba kiti omuntu wean alimuita, omukama alimutungisa ebintu bingi muno, kandi alimuha omuisikiwe, nenju ya ise aligihaisa obugabe omu Isareri. 26Daudi yabaza nabasaija abamwerireho, nagamba ati Kiki ekirikorwa omuntu alimuita Omufirisiti ogu, naiha ekijumo ha Isareri? Baitu noha ogu Omufirisiti atasazirwe, okugaya nagaya amahe ga Ruhanga omwomezi? 27Abantu bamugarukamu nibagamba ngu Nukwo kirikorwa kiti omuntu alimuita. 28Kandi Eryabu omugenziwe omukuru akahu’ra obuyabalize nabasaija; ekiniga kya Eryabu kyayakira Daudi, yagamba ati Oleserwe ki iwe? Kandi osigire oha entama ezi enke omu irungu? Manyire emyehahiro yawe, nobubi bwomutima gwawe; baitu osirikire hanu orole obulemu. 29Daudi yagamba ati Nkozire ki? Tiharoho kigambo? 30Yamurugaho nahindukira ondi yabaza bimu na biri: nabantu bamugarukamu bimu na biri. 31Kandi ebigambo bya Daudi ebiyagambire obubyahulirwe, babigarukamu omu maiso ga Saulo; uwe yamutumira. 32Daudi yamugambira Saulo ati Hatafa omutima nomuntu omu habwogu; omuiru wawe aragenda narwanisa Omufirisiti ogu. 33Saulo yagambira Daudi ati Torukusobora okuturuka hali Omufirisiti ogu okurwana nauwe: baitu oli omusigazi, kandi uwe baitu oli omusigazi, kandi uwe musaija murwani okuruga ha butobwe. 34Daudi yagambira Saulo ati Omuiru wawe akaba nalinda entama ya ise; hakaija entale, rundi edubu, yaiha aka 35tama omu igana, nyowe nagihondera, nagitema, nakanagisa omu kanwa kayo” kandi obuyanyimukirire, nagikwata ekireju nkyayo, nagitema nagiita. 36Omuiru wawe akatema entale nedubu: Nomufirisiti ogu atasazirwe arasisana nkemu halizo, baitu agayire amahe ga Ruhanga omwomezi. 37Daudi yagamba ati MUKAMA ayanjunire omu mukono gwentale, nomu mukono gwendubu, nuwe aranjuma omu mukono Gwomufirisiti ogu. Saulo yagambira Daudi ati Genda, kandi MUKAMA aikale naiwe. 38Kandi saulo yajweka Daudi ebyokujwarabye, yata enkofira eyomulinga ha mutwegwe, yamujweka ekyesomeko kyekyoma. 39Daudi yahagatira busitamye ha byokujwarabye, yalengaho okugenda; baitu akaba atabimanyire. Daudi yagambira Saulo ati Tindukusobora okugenda na binu; baitu tinkabimanyire, Dausi yabujra. 40Yakwata omuigo gwe omu mukonogwe, yayekomera omu kyambu obubale butano obukulingirire, yabuta omu nsahu yomulisa eyakabanyinayo nuho omu ndyangaye; nomwesusogwe guli omu ngaroze: yai’ra haihi Omufirisiti. 41Omufirisiti yaija yai’ra haihi Daudi; nomusaija ayakwataga engabu namwebembera. 42Omufirisiti obuyamagamagire norora Daudi, yamugaya: baitu akabali omusigazi kwonka nananata, nayera ha maiso. 43Omufirisiti yagambira Daudi ati Nyowe ndimbwa, nokuija oizire namberendi nemiigo? Omufirisiti yakyena Daudi omu bacwezibe. 44Omufirisiti yagambira Daudi ati ija nanberendi, ndahayo enyama yomubiri Daudi ati Ija namberendi, ndahayo enyama yomubiri gwawe haliempungu ezomu mwanya, na hali ebisoro ebyomu kisaka 45Nubwo Daudi yagambira Omufirisiti ati Iwe oizirere namberendi na busitama, nicumu, nempirima: baitu nyowe nyizire namberoli omu ibara lya MUKAMA wamahe, Ruhanga wamahe ga Isareri, agogayire iwe. 46Ekiro kya hati MUKAMA arakuhayo omu mukono gwange; nyowe ndakutema ndakuihaho ndahayo emitumbi yihe Lyabafirisiti ekiro kya hati hali empungu zomu mwanya na hali enyamaiswa ezahansi ensi yona emanye haroho Ruhanga omu Isareri: 47Na bona abesoroize hanu bamanye MUKAMA tarukunjuna habwa busitama nicumu:baitu obulemu bwa MUKAMA, nuwe arabhayo inywe omu mukono gwaitu. 48Kandi kyahika Omufirisiti obuyaimukire yaija, yai’ra haihi okuitorana Daudi, Daudi yayanguha, yairukira hali ihe okuitirana Omufirisiti. 49Daudi yatama engaroze omu nsahuye, yaihamu ibale, yalihungura, yatera Omufirisiti habuso; ibale lyabu’ra omu busobwe yagwa hansi ajumaire. 50Nukwo Daudi yasinguire ati Omufirisiti nomwesuso nibale, yatema Omufirisiti yamuita baitu hakaba hataroho busitama omu mukono gwa Daudi. 51Daudi yairuka yagenda yayeme’ra ha Mufirisiti, yakwata busitamaye, yagisomora omu kirweyo kyayo, yamuita yamutemaho omutwe. Nabafirisiti obubaboine emanzi yabu efire, bairuka. 52Abasaija ba Isareri naba Yuda baimuka, batoka, bahondera Abafirisiti okuhikya Gai, nokuhikya amalembo ga Ekeroni. Nabafirisiti abahutaire bakagwa ha muhanda ogugenda Saharaimu, nokuhikya Ekeroni. 53Kandi abana ba Isareri bagaruka balekere okuhondera Abafirisiti, banyaga enkande zabu. 54Daudi yatwara omutwe Gwomufirisitit, yaguleta, Yerusalemu; baitu ebyokurwanisabye yabita omu hemaye. 55Kandi Saulo obuyaboine Daudi naturuka okugenda hali Omufirisiti, yagambira Abuneri engabwa yihe ati Abuneri, mutabani woha omusigazi ogu? Abuneri yagamba ati Nkobwomezi bwawe okubuloho omukama, tindukumanya. 56Omukama yagamba ati Kaguza iwe omusigazi ogu mutabani woha? 57Kandi Daudi obuyagarukire arugire okuita Omufirisiti, Abuneri yamutwara, yamuleta omu maiso ga Saulo nomutwe Gwomufirisiti guli omu ngaroze. 58Saulo yamugambira ati Oli mwana woha, iwe omusigazi? Daudi yagarukamu ati Ninyowe mwana womuiru wawe Yese Omubeterehemu.