Swahili Bible2

14

1KANDI kikahika ha kiro ekimu, Yonasani mutabani wa Saulo akagambira omusigazi ayakwasire ebyokurwanisabye ati Ija, twambuke tigende omu nkande Zabafirisiti eziri nseri. Kunu atetebeze ise. 2Kandi Saulo yaikara hara omu Gibeha, haihi nomukomamahanga oguli omu Migeroni: nabantu abakaba ayinabo bakahika abasaija nkorukaga; 3na Ahiya mutabani wa Ahitubu, owaise Ikabodi, mutabani wa Finehasi, mutabani wa Eri, nyakatagara wa MUKAMA omu Siro ajwaire efodi. Baitu abantu batamanye Yonasani agenzire. 4Kandi hagati yenkiro, nambere Yonasani yaseruire okuraba nokuhika hali enkande Zabafirisiti, hakaba haroho ibale eriraihire ha rubaju orumu, nibale eriraihire ha rubaju orundi: ibara eryerimu niryo Bozezi, nibara eryerindi niryo senehe. 5Ibale erimu likaimuka ha bukizi bwemoso omu maiso ga Mikimasi, nerindi likaimuka ha bukizi bwobulyo omu maiso ga Geba. 6Yonasani yagambira omusigazi ayakwasire ebyokurwanisabye ati Ija tugende omu nkande za bali abatasarirwe: rundi MUKAMA aratuko’ra: baitu tikirukulema MUKAMA okujuna na baingi nobubakuba abake. 7Omusigazi ayakwasire ebyokurwanisabye yamugambira ati Kora byona ebiri omu mutima gwawe: hinduka, dora nyowe ndi hamu naiwe, nkomutima gwawe okuguli. 8Nubwo Yonasani yagamba ati Dora turayambukira abasaija bali, kandi turabeyoleka. Rundi obubaraturabeyoleka. 9Rundi obubaratugambira bati Muikaleyo okuhikya obuturaija namberemuli: nubwo turayeme’raho omu kiikaro kyaitu, kunu titwatembeyo namberebali. 10Baitu obubaragamba bati Mutembe namberetuli; nubwo turatemba: baitu MUKAMA buli abahaireyo omu mukono gwaitu: kandi nikokaliba akokuro’raho nambere tuli. 11Kandi bayeyoleka bombi hali abenkande Zabafirisiti: Abafirisiti bagamba ngu Dora, Abaheburaniya nibaturuka omu buingira nambere babaire nibesereka. 12Abasaija abenkande bagarukamu Yonasani nomusigazi ayakwasire ebyokurwanisabye, nibagamba ngu Muije namberetuli, turaboleka ekintu. Yonasani yagambira omusigazi ayakwasire ebyokurwanisabye ati Ija enyuma yange: baitu MUKAMA abahaireyo omu mukono gwa Isareri. 13Yonasani yatemba nengaroze nebigerebye, nomusigazi ayakwasire ebyokurwanisabye enyumaye: bagwa omu maiso ha Yonasani; nomusigazi ayakwasire ebyokurwanisabye yabasonga enyumaye. 14Kandi okuita okwo okwokubanza, Yonasani nomusigazi ayakwasire ebyokurwanisabye okubaisire, kwaita abasaija amakumi abiri, omu mwanya gworubimbi orwomusiri omukoto. 15Kandi bakatukumira omu nkande, nomu musiri, nomu Bantu bona; abenkande, nabanyagi bakatukumira nabo: ensi yatengeta; nukwo habaho okutumira kwingi muno. 16Nabalinzi ba Saulo abomu Gibeha eya Benyamini barora; kandi dora, igana lyabantu bahweo’ra, baburangana. 17Kandi Saulo akagambira abantu abakabanyinabo ati Mubale hati bunu, murole aturugiremu noha. Obubamazire okubara, dora, Yonasani nomusigazi ayakwataga ebyokurwanisabye bakaba bataroho. 18Saulo yagambira Ahiya ati Leta hanu esanduko ya Ruhanga. Baitu esanduko ya Ruhanga ekaba eriyo omu biro hamu nabana ba Isareri. 19Kandi kyahika, Saulo obwakaba nabaza na nyakatagara, obwogo obukaba buli omu rukande Rwabafirisiti bwaikaraho bwakanya: Saulo yagambira nyakatagara ati Ihaho omukono gwawe. 20Saulo nabantu bona abakabakabanyinabo bayesoroza hamu baija okurwana: kandi dora, busitama yomuntu wean yahinduka okurwana nomutahiwe, habaho okuburangana kwingi. 21Kandi abaheburaniya abakaba bali Babafirisiti nkaira abarugire omu nsi kwonka okugenda nabo omu rukande: nabo bahindukira Abaisareri abakaba baija na Saulo na Yonasani. 22Nukwo nabasaija bona aba Isareri abeserekere omu nsi yorusozi eya Eferaimu, obubahulire ngu Abafirisiti babingirwe, nabo bahondera haihi omu bulemu. 23Nukwo MUKAMA yajuna Isareri ha kiro eki: obulemu bwa hinguraho haihi na Besi-aveni. 24Abasaija ba Isareri bakajwaha ha kiro eki: baitu Saulo akarahiza abantu ati Akyenwe omuntu wean anyakulya ha byokulya byona mpole enzigu ha banyanzingwa bange. Nukwo abantu bona batalye ha byokulya. 25Abantu bona bataha omu kibira; habaho obwoki hansi. 26Abantu obubatahire omu kibira, dora, obwoki busaho muntu nomu ayataire engaroze ha hanwake; baitu abantu bakatina ekirahiro. 27Baitu Yonasani atahu’re ise obuyarahize abantu ekirahiro: nikyo yagorolire ensonga, yagita engaroze omu kanwake; amaisoge gaiguka. 28Omu ha Bantu yagarukamu nagamba ati ‘So atererire kimu abantu nekirahiro, nagamba ati Akyenwe omuntu wean anyakulya ha byokulya ekiro kinu. Kandi abantu bakaba nibasota. 29Yonasani yagamba ati Isenyowe atuntuize, ensi: dora, nkwesengerize, amaiso gange okugaigukire, baitu ndire kake ha bwoki bunu. 30Tikyakukizire oburungi kuba abantu balire bakaiguta hati ha minyago yabanyanzigwa babu eyibasangire? Baitu hati bunu Bafirisiti. 31Kandi bakatema ha Bafirisiti ha kiro eki okuruga Mikimasi nokuhikya Aiyaroni: abantu bakagwa ensazi muno. 32Kandi abantu bajumbutukira eminyago, banyaga entama, nenimi, nenyana, baziitira hansi: abantu bakairyas hamu nesagama. 33Kandi bakagambira Saulo, nibagamba ngu Dora, abantu nibasisira MUKAMA, baitu nibarya hamu nesagama. Yagamba ati Mukozire ebyobwemi: munkumbize ibale erikoto hati. 34Saulo yagamba ati Murarange omu Bantu bona, mubagambire ngu Mundetere hanu omuntu wean enimiye, nomuntu wean enimiye, nomuntu wean entamaye, muziitire hanu mulye; kunu mutasisira MUKAMA nimulya hamu nesagama. Abantu bona baleta omu omu enimiye ekiro kiri baziitirayo. 35Saulo yayombekera MUKAMA ekyoto: nikyo Kyoto kyokubanza ekiyayombekire MUKAMA. 36Kandi Saulo akagamba ati Tusirimuke hali Abafirisiti ekiro, tubanyage okukiisa obuire, tuleke okusigaho omusaija nomu. Bagamba ngu Kora kyona ekyorukusima. Nyakatagara yagamba ati Tui’re haihi Ruhanga. 37Kandi Saulo yasaba amagezi hali Ruhanga ati Nsirimuke hali Abafirisiti? Orabahayo omu mukono gwa Isareri? Baitu atamugarukemu ha kiro kiri. 38Saulo yagamba ati Muire hanu inwena abakuru babantu: mumanye murole nambere ekibi kinu kibaire hati bunu. 39Baitu nka Ruhanga okwali omwomezi, arukujuna Isareri, nobukyakuba kiri omu Yonasani omwana wange, nauwe arafa. Baitu busaho muntu nomu omu Bantu bona ayamugarukiremu. 40Nubwo yagambira Isareri yona Muilikaleho ha rubaju orumu, nanyowe na Yonasani omwana wange turaikara ha rubaju orundi. Abantu bagambira Saulo ngu Kora ekyorukusima. 41Nikyo Saulo yagambire MUKAMA, Ruhanga wa Isareri ati Yoleka oburyo. Kandi yonsasani na Saulo batomwa: baitu abantu bakira. 42Saulo yagamba ati Mutome nyowe na Yonasani yatomwa. Saulo yagamba ati Mutome nyowe na Yonasani mutabani wange. Yonasani yatomwa. 43Saulo yagambira Yonasani ati ngambira ekyokozire. Yonasani yamugambira ati Mazimakwo ndoleze kakeha bwoki nensonga yomuigo ogubaire omu mukono gwange; kandi dora, kimpikirire okufa. 44Saulo yagamba ati Ruhanga ankole ato nokukiraho: baitu okufa, Yonasani. 45Baitu abantu bagambira Saulo ngu Arafa Yonasani akozire okujunwa kwingi okuingaine aho omu Isareri nangwa, nka MUKAMA okwali omwomezi, akasoke kamu akomutwegwe tikagwe hansi; baitu akozire hamu na Ruhanga hati. Nukwo abantu bacungura Yonasani okutafa. 46Kandi Saulo yaleka okuhondera Abafirisiti: Abafirisiti bagarukayo owabu.

47Kandi Saulo obuyalire obukama bwona obwa Isareri, yarwana nabanyanzigwabe embaju zona, na Moabu, nabana ba Amoni, na Edomu, nabakama ba Zoba, Nabafirisiti: kandi nambere yagendaga hona, ya basinguraga. 48Akakora ebyobumanzi, yatema Abamaleki, yajuna Isareri omu mukono gwabu ababanyagaga.

49Kandi batabani ba Saulo nibo Yonasani, na Isivi, na Maliki-suhua: namabara gabaisikibe babiri nigo ganu; ibara eryowokubanza nuwe merabu, nibra eryowakabiri nuwe Mikali: 50nibara lya mukazi wa Saulo nuwe Ahinoamu omuisiki wa Ahimaazi: nibara lyengabwa yiherye nuwe Abuneri mutabani wa Neri, isento Saulo. 51Kandi Kisi nuwe ise Saulo; na Neri ise Abuneri nuwe mutabani wa Abyeri.

52Kandi hakaba haroho obulemu bwingi Nabafirisiti ebiro byona bya Saulo: kandi Saulo obuyabonaga omuntu wean wamani, rundi emanzi, yamutwaraga namberali.