Swahili Bible2

13

1SAULO akaba ahikize emyaka amakumi asatu hayabandize okulema; kandi akalemera Isareri emyaka ebiri. 2Saulo akakoma abasaija enkumi isatu omu Isareri; enkumi ibiri halibo bakaba bali na Saulo omu Mikimasi nomu rusozi rwa Beseri, kandi orukumi halibo bakaba bali na Yonasani omu Gibeha eya Benyamini: nabantu abasigaireho yabohereza bagende omuntu wean omu hemaye. 3Yonasani yasesera orukande orwa Abafirisiti orukaba ruli omu Geba, kandi Abafirisiti bakihu’ra. Saulo yatera engwara yahikya ensi yona nagamba ati Leka Abaheburaniya bahu’re. 4Kandi Abaisareri bona bakahu’ra ngu Saulo akasesera orukande Rwabafirisiti. Abantu basorozebwa hali Saulo omu Girigali.

5Kandi Abafirisiti bakesoroza hamu okurwana na Isareri, egali bukumi busatu, nabahambarasi kakaga, nabantu abali nkomusenyi oguli ha mwongo gwenyanja obwingi: barugayo nibaija, batema enkande omu Mikimasi, eherire Besi-aveni oburugaizoba. 6Abasaija ba Isareri obubaboine balemerwe (baitu abantu bakaba batuntuire muno), nubwo abantu bayesereka omu buingira, nomu bibira, nomu mabale, nomu mabale, nomu biina, nomu mbiso. 7Kandi abamu abomu Baheburaniya bakaba bambukire Yorudani nibataha omu nsi ya Gadi na Gireadi; baitu Saulo akaba akiri omu Girigali, nabantu bona bakamukuratira nibatukumira.

8Kandi yaikaraho ebiro musanju, nkomwanya okuguli Samuiri oguyataireho: baitu Samuiri ataije Girigali; nabantu 9bakasisana okumurugaho. Saulo yagamba ati Ndetera hanu ekihongwa ekyokeze 10Kandi kyahika obuyamazire okuhayo ekihongwa ekyokeze, dora, Samuiri yaija; Saulo yaturuka oku muitirana, amuramukye. 11Samuiri yagamba ati Kiki ekyokozire? Saulo yagamba ati Baitu mboine abantu babaire bandugireho, naiwe babaire bandugireho, naiwe toizirege omu mwanya oguwataireho, kandi Abafirisiti bayesoroize hamu omu Mikimamasi; 12nikyo nagambire nti Hati bunu Abafirisiti balimpikaho omu Girigali, kunu tinyesengerize embabazi za MUKAMA: nikyo mpambiririze. 13Samuiri yagambira Saulo ati Okozire ebyobutami: to kwasire ekiragiro kya MUKAMA Ruhanga wawe ekiyakuragire: baitu MUKAMA yakugumize hati obukama bwawe ha Isareri ebiro byona. 14Baitu hati bunu obu MUKAMA ayeserulire omusaija ali nkomutimagwe wenk, kandi MUKAMA amutaireho okuba omukuru okulema abantube, baitu iwe tokwakire eki MUKAMA ekiyakuragire.

15Samuiri yaimukya okuruga Girigali okugenda Gibeha eya Benyamini. Kandi Saulo akabara omuhendo gwabantu abakaba bali nauw, abantu nkarukaga. 16Kandi Saulo na Yonasani mutabaniwe, nabantu abakaba bali nauwe baikara omu Geba eya Benyamini: baitu Abafirisiti bakatema orukande omu Mikimasi. 17Kandi abanyagi bakaruga omu rukande Rwabafirisiti ebitebe bisatu: ekitebe kyahunguka kyagenda omu muhanda ogurukugenda Ofura, okuhikya ensi ya Suhuali: 18nekitebe ekindi kyahunguka kyagenda omu muhanda gwa Besi-horoni; nekitebe ekindi kyahunguka kyagenda omu muhanda gwomu mutano ogurukurole’ra omu kihanga kya Zeboimu hali iringu.

19Baitu hatazoke omuhesi nomu omu nsi yona eya Isareri: baitu Abafirisiti bakagamba ngu Rundi Abaheburaniya baleke okweko’ra busitamu namacumu: 20Nabaisareri bona basirimukaga hali Abafirisiti, okutekera omuntu wean enfukaye, nomuhyogwe, nempangoye, nendyamitiye; 21Kyonka bakaba banyina omuyamba okutekera Endyamiti, nemihyo, nebihoso, nempango; nokutekera emihunda. 22Nukwo kyahikire kiti omu biro byobulemu, hatazoke busitama nobugakuba amacumu omu mukono gwomuntu wean hali abo abakaba bali na Saulo na Yonasani: baitu zikazoka na Saulo na Yonasani mutabaniwe. 23Kandi abenkande Abafirisiti barugayo nibagenda hali enkiro ya Mikimasi.