Swahili Bible2

12

1SAMUIRI yagambira Isareri yona ati Dora, mpulire iraka lyanyu omu byona ebimwangambire, kandi ntaireho omukama okubalema. 2Kandi hati bunu dora, omukama nagendera omu maiso ganyu: nyowe ngurusire, mezere enju; kandi dora, batabani bange bali nainywe: kandi nyowe nagenderaga omu maiso ganyu okuruga omu buta bwange nokuhikya hati. 3Nyowe ndi hanu: munyomereze omu maiso ga MUKAMA nomu maiso gogu ouyasesereho amagita: ndanyagire ente yoha? rundi ndanyagire enkaina yoha? rundi ndaserire oha? ndayerengerire oha? rundi araha oundaikirize okulya enguzi omu ngaroze okuita amaiso gange? kandi ndabigaru’ra inywe. 4Bagamba ngu Tokatugobezaga itwe, nobukwakuba okurenge’ra, kunu tukaikirizaga ekintu omu mukono gwomuntu wena nomu. 5Yagambira ati MUKAMA nuwe kaiso namberemuli, nogu ouyasesereho amagita, inywe timusangire kantu omu ngaro zange. 6Bagamba ngu Nuwe kaiso. Samuiri yagambira abantu ati MUKAMA nuwe yataireho Musa na Aroni, kandi nuwe yayihireho baisenkuru inywe omu nsi ya Misiri. 7Nukwo hati bunu mweme’re aho, ntongane nainywe omu maiso ga MUKAMA ebyengeso zona ezihikirire eza MUKAMA, eziyakozire inywe na baisenkuru inywe. 8Yakobo obuyagyire omu Misiri, nabaisenkuru inywe nibakunga MUKAMA, nubwo MUKAMA yatuma Musa na Aroni, kandi bo baihireyo baisenkuru inywe omu Misiri, nibabaikaza omu kiikaro kinu. 9Baitu bakebwa MUKAMA Ruhanga wabu, kandi babagura omukono gwa Sisera, engabwa yihe lya Hazora, nomu mukono Gwabafirisiti, nomu mukono gwa MUKAMA wa Moabu, kandi barwana nabo. 10Bakunga MUKAMA nibagamba ngu Tukasisa, baitu tukaleka MUKAMA, twakora Baalimu na Asitarosi: baitu hati bunu tujune omu mukono gwabanyanzigwa baitu, kandi tuliko’ra iwe. 11MUKAMA yatuma Yerubaali, na Benani na Yefuta, na Samuiri yabajuna omu mukono gwabanyanzigwa banyu embaju zona, mwaikara nobusinge. 12Kandi kumwaboine Nahasi omukama wabana ba Amoni ayabaramagire, mwagambira muti Nangwa, baitu omukama alitulema: baitu MUKAMA Ruhanga wanyu nuwe omukama wanyu. 13Nukwo hati bunu murore omukama oumwayegomboize, oumwasabire: kandi dora, MUKAMA ataireho omukama okubalema. 14Obumuriba nimutina MUKAMA nimumuko’ra, nimumuhu’ra irakalye okutemera ekiragiro kya MUKAMA, inywe nomukama orukubalema, obumuliba nimukuratira MUKAMA Ruhanga wanyu, nukwo: 15baitu obumutarihuri’ra iraka lya MUKAMA, baitu nimwemera ekiragiro kya MUKAMA, nubwo omukono gwa MUKAMA gulirwana nainywe nkokugwarwaine nabaisenkuru inywe. 16Nukwo hati bunu mweme’reho murore ekigambo kimu ekikoto MUKAMA ekyarakora omu maiso ganyu. 17Hati tinigo magesa gengano? ndakunga MUKAMA atume okuhinda kwenjura: kandi muramanya nimurora ngu obubi bya byanyu bwingi, omwakozire omu maiso ga MUKAMA, okwesabira inywenka omukama. 18Nukwo Samuiri ya gunga MUKAMA; MUKAMA yatuma okuhinda nenjura ha kiro kiri: abantu bona batina muno MUKAMA na Samuiri. 19Abantu bona bagambira Samuiri ngu Sabira abairu bawe hali MUKAMA Ruhanga wawe,tureke okufa: baitu tukongera ha bibi byatu byana ekibi kinu, okwesabira itwenka omukama. 20Samuiri yagambira abantu ati Muleke okutina: mukakora mali obubi bunu bwona: baitu mutahabaga nimureka okukuratira MUKAMA, baitu mukore’ge MUKAMA nomutima gwayugwona; 21mutahabiraga ha rubaju: baitu nukwo kukuratira ebitarumu ebitasobora okugasa nobukwakuba okujuna, baitu tibirumu. 22Baitu MUKAMA talisiga abantube habwibaralye erikuru: baitu kikasemera hali MUKAMA okubafora ihanga habwe wenka. 23Kandi ebyange, tikirukusoboka yowe okusisa MUKAMA, nideka okubasabira inywe: baitu ndabegesaga omu muhanda omurungi oguterekerire. 24Kyonka mutinege MUKAMA, mumuko’rege omu mazima nomutima gwanyu gwona: baitu mutekereze okubiri ebikuru ebi ebiyakozire habwanyu. 25Baitu ombumulyeyongeraho okukora kubi mulihwerekerezebwa, inywe nomukama wanyu.