Swahili Bible2

10

1KANDI Samuiri yakwata ihembe eryamagita, yagamusesa ha mutwe, yamunywegera, nagamba ati Tinikyo MUKAMA akusesereho amagita okuba omukuru okulerma obugwetwabwe? 2Obworakaruga namberendi hati, orasanga abasaija babiri haihi negasani ya Rakeri, omu mutano gwa Benyamini Zeriza; bo barakugambira ngu Enkaina eziwangenzire okuse’ra izokere: kandi dora, ‘so alekere okutuntu’ra enkaina, natekerreza iwe, nagamba ati Ndakora nta habwomwana wange? 3Kandi orayeyongeraho omu maiso, kandi olihika ha terebinsi ya Tabora, nuho balikuitirana abasaija basatu nibatemba Beserihali Ruhanga, omu ahimbire obubuzi basatu, omu akwasire emigati esatu, kandi omu ayetwekere endyanga yamarwa: 4balikuramukya, kandi balikuha emigati ebiri: iwe oligiikiriza omu mikono yabu. 5Hanyuma yebi olihika ha rusozi rwa Ruhanga, nuho hali enkande Zabafirisiti: kandi kiriba kiti obwolikahikayo ha rubuga, aliitirana ekihanda kya banabi, nibasirimuka okuruga omu kiikaro ekirahire, nekidongo, nenjogera, nenyamulere, nenanga nizibebembera; kandi alibasanga nibaragura: 6omwoyo gwa MUKAMA alikuhikaho namani, naiwe oliragura hamu nabo, kandi olihindurwa nofoka omuntu omuhyaka. 7Kandi kirihika obwokuro’raho bunu obubulikuhikiri’ra iwe olikora eki omukono gwawe ekigulisanga; baitu Ruhanga ali naiwe. 8Kandi olinyebembera okuhika Girigali; kandi dora, ndisirimuka namberoli, okuhonga ebihongwa ebyokeze, nokuhayo ebyonzira, ebihongwa ebyobusinge: olindinda ebiro musanju, okukikya obundiija namberoli, ninkuragira ebyolikora. 9Kandi kuhikya obuyakubutukire okuruga ha Samuiri, Ruhanga yamuhindura omutima omuhyaka: obwokuro’raho obu bwona bwahiki’ra ha kiro eki. 10Obuhakireyo ha rusozi, dora ekihanda kya banabi kyamuitirana; omwoyo wa Ruhanga gwamuhikaho namani, yaragura hamu nabu. 11Kandi yahika bona abamumanyire kara abubaboine, uwe naragura hamu nabanabi, nubwo abantu bagambirangana ngu Kinu kiki ekihikire hali mutabani wa Kisi? Na Saulo nauwe womu banabi? 12Kandi omu womu kiikaro eki yagarukamu nagamba ati Kandi isebo noha? Nikyo kyafokere orufumo kiti Na Saulo nauwe womu banabi? 13Kandi obuyamazire okuragura, yaija hali ekiikaro ekiraihire.

14Kandi isento Saulo yagambira, uwe nomuherezawe, ati Mukagenda nkaha? yagamba ati Okuse’ra enkaina: obutwaboine iremere okuzoka, twaija ha Samuiri. 15Isento Saulo yagamba ati Ogambire onu nkwesengerize Samuiri ekiyakugambire. 16Saulo yagambira isento ati Akatugambira mali enkaina izokere. Baitu ekigambo kyobukama bwa Samuiri ekiyagambireho, atakimutebeze.

17Samuiri yayeta abantu okwesoroza hali MUKAMA omu Mizipa; 18yagambira abana ba Isareri ati Nukwo agambire MUKAMA Ruhanga wa Isareri ati Ninyowe naihireyo Isareri omu Misiri, kandi nkabajuna omu mukono Gwabamisiri, nomu mukono gwabukama bwona obwabenderezaga: 19baitu ekiro kinu mwehakaine Ruhanga wanyu, arukubajuna wenka omu mihito yanyu yona nobujune bwanyu bwona; kandi mumugambire muti Nangwa, baitu otutereho omukama okutulema. Nukwo hati bunu mwesoroze omu maiso ga MUKAMA nkenganda zanyu okuziri, nenkumi zanyu. 20Nukwo Samuiri yayiriza haihi enganda zona eza Isareri, kandi oruganda rwa Benyamini rwakomwamu. 21Yayiriza haihi oruganda rwa Benjamini nkebitabu byabu okubiri, nkekitabu kya Abamatiri kyakomwamu: kandi Saulo mutabani wa Kisi yakomwamu; baitu abo bamuseruire, tiyazoka. 22Nukwo yayeyongera okukaguza hali MUKAMA ngu Haroho omusaija ondi wokuija hanu? MUKAMA yagarukamu ati Dora, ayeserekere omu bintu. 23Bairuka bamuihayo; obuyayemerire ahagati omu bantu, yakira abantu bona okuraiha okuruga ha mabega. 24Samuiri yagambira abantu bona ati Mulore ogu MUKAMA owakomelemu, busaho ondi orukumuingana omu bantu bona. Abantu bona batokera ahaiguru, nibagamba ngu Omukama ahangirize.

25Nubwo Samuiri yadumira abantu omulingo gwobukama, yaguhandika omu kitabu, yakyahura omu maiso ga MUKAMA. Samuiri yayohereza abantu bona, omuntu wena agende omu njuye. 26Na Saulo yagenda hali nje ye omu Gibeha; kandi bakagenda nauwe ihe lyemanzi, Ruhanga abayahinduire emitima yabu. 27Baitu abandi ababi bakagamba ngu Omusaija onu alitujuna ata? Bamugaya, kunu batamuletere ekirabuko. Baitu uwe akaculera.