Swahili Bible2

1

1KANDI hakaba haroho omuntu owa Ramasaimu-zofimu, owensi yensozi eya efraimu, ibaralye nuwe Erekana, omwana wa Yerohamu, omwana wa Erihu, omwana wa Tohu, omwana wa Zufu, Omunyeferaimu: 2kandi akabanyina bakazi babiri; ibara lyondi nuwe Hana, nibara lyondi nuwe Penina: kandi Penina akabanyina abana, baitu Hana akaba atanyinabo. 3Kandi omusaija ogu yarugaga omu rubuga rwowabu omwaka nomwaka okuramya nokusa’ra ebyonzira MUKAMA wamahe omu Siro. Kandi abana ababiri aba Eri, Hofuni na Finehasi banyakategara hali 4MUKAMA bakaba bali oku. Kandi ekiro obukyahikire Erekana ekiyasaliremu ekyonzira yaha emigabo Penina mukaziwe nabanabe bona abojo nabaisiki: 5baitu yaha Hana emigabo ebiri: baitu akagonza Hana, baitu MUKAMA akaba aigaire endaye. 6Mutahiwe owihali akamubihiza muno okumutuntuza, baitu MUKAMA akaba aigaire endaye 7Kandi iba obuyakoraga ati omwaka nomwaka uwe obuyatembaga okugenda omu nju ya MUKAMA, nukwo yamubihizaga: nikyo yalirire, yayanga okulya. 8Kandi Erekana iba yamugambira ati Hana nolizibwa ki? Kiki ekikutangire okulya? Nomutima gwawe gutuntulire ki? Nyowe tinkira bana 9ikumi namberoli? Nukwo Hana yaimuka obubamazire okulya omu Siro, kandi obubamazire okunywa.Kandi Eri nyakatagara akaika’ra ha ntebeye ha kiti kyomulyango ekyeyekaru ya MUKAMA. 10Uwe akaba asalirwe omu mwoyo, yasaba MUKAMA ya’ra muno. 11Kandi yayeraga okweraga yagamba ati Ai MUKAMA wamahe obwoliba norora mali omuhito ogwomuzana wawe, okunyijuka, okutebwa omuzana wawe, baitujo, nubwo ndimuhayo hali MUKAMA ebiro byona ebyobwomezibwe, kandi orumwiso tiruliba ha mutwegwe na rumu. 12Kandi kyahika obuyayeyongire okusaba omu maiso ga MUKAMA, Eri yarora akanwake. 13Baitu Hana akagambira omu mutimagwe; eminwaye yonka niyo yaimukire, baitu irakalye litahu’rwe: nikyo Eri yatekererize ati atamire. 14Eri yamugambira ati orahikya nkaha okutamira? Ihaho etamiro yawe. 15Hana yagarukamu nagamba ati Nangwa mukama wange nyowe ndi mukazi womutima ogutuntuire: tinywire marwa busa, nobukyakuba ekitamiza kyona, baitu nsesere omwoyo gwange omu maiso ga MUKAMA. 16Otatekereza omuzana wawe okuba omuisiki wa Beriali: baitu omu kuhyema kwange okukanyire nokubihirwa kwange hati. 17Nubwo Eri yagarukamu nagamba ati Genda nobusinge: na Ruhanga wa Isareri akuhe okusaba kwawe okwomusabire. 18Yagamba ati Leka omuzana wawe abone omugisa omu maiso gawe. Nukwo omukazi yayegendera, yalya, kunu amaisoge gatabe gobujune obundi. 19Baimuka nyenkya kara, baramya omu maiso ga MUKAMA, bagaruka, baija omu nju yabu Rama: kandi Erekana yamanya Hana mukaziwe: MUKAMA yamuijuka. 20Kyahika akasumi obukahikire, Hana yaba nenda, yazara omwana: yamuruka ibaralye Samuiri, nagamba ati Baiutu nkamusaba hali MUKAMA. 21Omusaija ogu Erekana nenjuye yona, bakagenda okuhayo hali MUKAMA ekyonzira kyomwaka, 22nokweragakwe. Baitu Hana aitatembeyo; baitu akagambira iba ati Tinditembayo okuhikya omwana obwalicuka, nubwo ndimuleta, azoke omu maiso ga MUKAMA, aikaleyoga ebiro byona. 23Erekana iba yamugambira ati Kora ekyorukutekereza kurungi; ikarahoga okuhikya obwalikacuka; kyonka MUKAMA agumye ekigambokye. Nukwo omukazi yaikaraho nayonkya omwanawe okuhikya obuyacukire. 24Obuyacukire yamutwara hamu nauwe, nenimi isatu, nefa emu eyensano, nendyanga yamarwa, yamuleta hali enju ya MUKAMA omu Siro: kandi omwana akabali muto. 25Baitu enimi, baleta omwana hali Eri. 26Hana yagamba ati Mukama wange, ninyowe mukazi ogu ayayemerire hanu namberiwoli ninsaba MUKAMA. Nkasaba omwana onu; 27kandi MUKAMA ampaire okusaba kwange Okunamusabire: 28Nanyowe nikyo muherireyo hali MUKAMA; obwaraikaraga ali mwomezi ahairweyo hali MUKAMA. Yaramizayo MUKAMA.