Swahili Bible2

9

1KANDI kyahika, Sulemani Obuyamazire Okwombeka Enju Ya MUKAMA, nenju youkama, na byona Sulemani ebiyagondeze okukora, 2MUKAMA yabonekera Sulemani omurundi ogwakabiri, nkokuyamubonekire Gibeoni. 3MUKAMA yamugambira ati Mpulire okusaba kwawe nokwesengereza kwawe okuwasabire omu maiso gange; enju enu ngyereze eyiwayombekere, okuikazayo ibara lyange ebiro byona; namaiso gange nomutima gwange baraikarayoga obutosa. 4Kandi iwe obworagenderaga omu maiso gange, nka Daudi so okuyagendaga, omu kuhiki’ra okwomutima nomu mazima, okukoraga byona ebinakuragire, kandi obworakwataga ebinataireho nebyobulyo byange; 5nubwo ndigumya ekitebe ekyobukama bwawe obwa Isareri okuhikya ebiro byona; nkokunaraganize Daudi ‘so ningamba nti Toliburwa omusaija okuika’ra ha kitebe kya Isareri. 6Baitu obumulihinduka nimuleka okunkuratira, rundi inywe rundi abna banyu, mutarukukwata ebiragiro byange nebi ebinataireho ebinataire omu maiso gange, baitu nimugenda nimuko’ra abacwezi abndi nimubaramya: 7nubwo ndicwa Isareri omu nsi eyinabaire; nenju enu, eyinyereze habwibara lyange, ndiginaga omu maiso gange; kandi Isareri erifoka nkorufumo nenganikyo omu Bantu bona: 8kandi enju enu nobweraba eraihire eti, abantu bona abaligihinguraraho balihuni’ra balisimuza; kandi baligamba ngu kiki ekyakoleze Ruhanga kiti ensi enu nenju enu? 9Baligarukamu ngu Baitu bakafuruka MUKAMA Ruhanga wabu, ayaihire baisenkurubo omu nsi ya Misiri, bakwata ha bacwezi abandi babaramya, babako’ra: nikyo MUKAMA abletireho akabi ako kona.

10Kandi kyahika emyaka amakumi abiri obuyahinguireho Sulemani eyiyoyayombekiremu amaju ago abiri, enju ya MUKAMA nenju yomukama, 11(lero Hiramu omukama wa Turo akaba ahaire Sulemani emiti yemikogoto nemisambya, nezabu nkokuyayenzire byona), nubwo Sulemani yaha Hiramu embuga amakumi abiri omu nsi ya galiraya. 12Hiramu yaruga omu Turo okurora embuga Sulemani eziyamuhaire; tiyazisima. 13Yagamba ati Embuga ki zinu ezota ensi ya kabuli, nokuhikya hati. 14Kandi Hiramu akatwekera omukama etaranta zezabu kikumi mwabiri.

15Kandi binu nibyo bigambo byobulyo ebyokusoroza abntu Sulemani abayasoroize; okwombeka enju ya MUKAMA, nenjuye wenka, na Miro, na muhuruzi ya Yerusalemu, na Hazora na Megido, na Gezere. 16Faraho omukama wa Misiri akaba atembere yanyaga Gezere, Abakanani abaikaraga omu rubuga, yagiha omuharawe muka Sulemani okuba ebyokumusaga’ra. 17Sulemani akombeka Gezere na Besi-horoni eya hansi, 18na Baalasi, na Tamara omu irungu, 19omu nsi, nembuga zona ezokwahuramu Sulemani ezakaba anyinazo, nembuga ezigalize, nembuga ezagalize, nembuga ezabahambarasibe, nebi Sulemani ebyagondeze okombeka habwokwesemeza wenka omu Yerusalemu, nomu Lebanoni, nomu nsi yona eyobukamabwe. 20Kandi ebyabantu bona abasigaireho abomu Bamoli, Abahiti, Abaperizi, Abahivi Nabayebusi, abakaba batali bomu bana ba Isareri; 21abaijukuru babu abasigaireho halibo omu nsi, abana ba Isareri ababatarasoboire okuhwerekereza kimu, omuli abo Sulemani yakomamu abairu rubale nokuhikya hati. 22Baitu abana ba Isareri Sulemani atabafole abairu rubale: baitu bakaba bali abasaija bokurwana, nabaherezabe, nabanyorobe, nengabwaze, nabarukulema agalize, nabahambarasi. 23Banu nibo banyampara abakaba nibakoza omulimo gwa Sulemani, bikumi bitano mwatano, abalemaga abantu abakozire omulimo. 24Baitu omuhara wa Faraho akarugayo omu rubuga rwa Daudi, yataha omu njuye Sulemani eyiyamwombekire. Nubwo yayombeka Miro. 25Kandi emirundi esatu omwaka gumu Sulemani yahayoga ebihongwa ebyokeze nebihongwa ebyobusinge ha Kyoto ekiyayombekire MUKAMA, nayotera emyami’ro hamu nabyo, ha Kyoto ekikaba kiri omu maiso ga MUKAMA, Nukwo yamazire ati enju.

26Kandi omukama Sulemani yakora igana lyamato omu Ezioni-gebere, ehe,raine Erosi, ha musa Gwenyanja Erukutukura, omu nsi ya Edomu, 27kandi Hiramu yatumaga omuigana lyamato abairube, abalimba abarukumanya enyanja, hamu nabairu ba Sulemani. 28Baijaga Ofiri, baihayoga ezabu, etaranta bina mwabiri, bagiretaga Sulemani.