Swahili Bible2

6

1KANDI kikahika omu mwaka gwebikumi bina mu kinana abana ba Isareri bamazire okuruga omu nsi ya Misiri, omumwaka gwakana Sulemani akaba kulema Isareri, omu kwezi Zivu, nukwo kwezi kwakabiri, yatandika okwombeka enju ya MUKAMA. 2Kandi enju omukama Sulemani eyiyayombekire MUKAMA. Okuraiha kwayo mikono enkaga, nobugazi bwayo mikono amakumi abiri, noburaibura bwayo mikono amakumi asatu. 3Kandi ekisasi omu maiso geyekaru yenju, emikono amakumi abiri nukwo kulenga kwakyo, nkobugazi bwenju okubuli; kandi emikono ikumi nubwo bugazi bwakyo omu maiso genju. 4Kandi akako’ra enju ebihengezi namadirisa agemiti eyegumiremu. 5Kandi ha bisika ebyenju, yayombekaho amaju gakanyinasatu, ha bisika embenju ha mbaju zona, ebyeyekaru nebiisabiro: kandi yakora ebisika byomu mbaju okwehinguliriza yona. 6enju yahansi obugazi bwayo mikono etano, nyahagati obugazi bwayo mikonomukaga, kandi eyakasatu obugazi bwayo mikono etano, neyahagati obugazi bwayo mikono musanju: baitu aheru akakoraebifuruka omu kisika kyenju okwehinguliriza yona, nukwo emiti ereke okukwatira omu bisika byenju. 7Kandi enju obwekaba neyombekwa, ekombekwa amabale agategekerwe omu kihokyamabale: kandi obwekaba neyombekwa bitahu’rwe omu nju nobwekuba enyondo nobwekuba endyamiti nobukyakuba ekintu kyona ekyekyoma. 8Omulyango ogwebisika byomu mbaju ebyahagati gukaba guli omu rubaju rwenju orwobulyo: kandi batembaga amatembero agehotoire okuhika omu bisika byahagati, nokuruga omu byahagati okutaha omu byakasatu. 9Nukwo yayombekere ati enju yagimara; yaswaka enju nembaho nebyase ebyemikogoto. 10Yayombeka amaju gakanyina satu ha nju yona, oburaibura byago mikono etano: kandi gaigamira ha nju nemiti yemikogoto.

11Kandi ekigambo nya MUKAMA kyaija hali Sulmani nikigamba ngu ebyenju enu eyorukwombeka. 12obworagenderaga omwebi ebinataireho, nokora ebyobulyo byange, nokwata ebiragiro byange okubigendaramuga; nubwo ndigumya ekigambo kyange namberoli, ekinagambire Daudi ‘so. 13Kandi ndaikaraga omu bana ba Isareri, kunu tindireka abantu bange Isareri.

14Nukwo Sulemani yayombekere ati enju, yagimara. 15Yayombeka ebisika byenju nembaho yemikogoto omunda; okuruga ha rwemo rwenju okuhikya ebisika nambere byateranire, yabisweka omunda nemiti: yayra hansi ha rwemo rwenju embaho zensambya. 16Kandi yayombeka omwanya ogwemikono abiri ha nsonga yenju nambaho zemikogoto okuruga ha rwemo okuhikya ha bisika: yayombeka ati habwomunda okuba isabiro, nikyo kiikaro ekiraro ekirukukira okwera. 17Kandi enju, nukwo kugamba ngu eyekaru omu maiso gisabiro, okuraiha kwayo kukaba kuli emikono amakumi ana. 18Kandi hakaba haroho omukogoto ha nju omunda ogwasaruirwe nebisisi nebyakyo: byona byemikogoto: amabale gatarorwe nakake. 19Kandi akatekaniza isabiro hagati yenju omunda, okutekayo esanduko eyekiragano kya MUKAMA. 20Kandi omunda yisabiro hakaba haroho omwanya ogwemikono abiri okuraiha kwagwo, nemikono abiri oburaibura bwagwo; yagusweka nezabu esemezibwa; kandi nekyoto yakisweka nemikogoto. 21Nukwo Sulemani yasweka enju omunda nezabu esemezibwe: yakinga isabiro nenjegere ezezabu; yalisweka nezabu. 22Nenju yona yagisweka nezabu okuhikya enju yona obuyahoire: nekyoto kyona ekikaba kiri kiisabiro yakisweka nezabu. 23Kandi omu isabiro yakora bakerubi babiri abemiti emizeituni, okuraiha kwa kerubi mikono ikumi. 24Nipapa erimu erya kerubi mikono etano, nipapa erindi erya kerubi mikono etano; okuruga ha mpero yipapa erimu okuhikya ga mpero yerindi mikono ikumi. 25Na kerubi ondi akabali wemikono ikumi: bakerubi bombi bakaba bali bokulenga kumu nokusisana kumu. 26Okuraiha kwa kerubi omu kukaba kuli emikono ikumi, kandi nukwo kuti okwa kerubi ondi. 27Kandi yata bakerubi omu nju eyomunda: namapapa ga bakerubi gakaba gasasanuirwe, nukwo ipapa eryomu likahika ha kisika ekimu, nipapa erya kerubi ondi likahika ha kisika ekindi; kandi amapapa gabu gakakwatana hagati yenju. 28Yasweka na bakerubi nezabu. 29Kandi yasarura ebisika byona ebyenju okwehinguliriza nebisisani ebisaruirwe ebya bakerubi nemikindo nebyakyo, omunda naheru. 30Norwemo orwenju yarusweka nezabu, omunda na heru. 31Kandi habwomulyango gwisazeituni: emikumi’ro yemiryango ekaingana nekicweka kyekisika ekyakatano. 32Nukwo yakozire ati enyigi ibiri eyemiti emizeituni: yazisaruraho bakerubi nemikindo nebyakyo, yabisweka nezabu; kandi yasweka ezabu ha bakerubi na ha Mikindo. 33Kandi nukwo habwomulyango gweyekaru yakora emikumi’ro eyemiti emizeituni, omu kicweka kyekisika ekyakana; 34Nenyigi ibiri ezemiti yensambya; embaho ibiri zikakinga omulyango gundi. 35Kandi yasarura bakerubi nemikindo nebyakyo: yabisweka nezabu igasirwe ha mulimo ogwasaruirwe. 36Kandi yayombeka ezigati eyomunda nenka’ra isatu ezamabale agabaizirwe, noruka’ra rumu orwemiti eyemikogoto. 37omu mwaka gwakana bakataho emiganda eyenju ya MUKAMA, omu kwezi Zivu. 38Kandi omu kwezi kwa munana, enju ekahwa omu bicweka byayo byona, kandi nkomulingo gwayo gwona. Nukwo yamazire ati emyaka musanju okugyombeka.