Swahili Bible2

5

1KANDI Hiramu omukama wa Turo yatuma abairube hali Sulemani; baitu akahu’ra bamusesereho amagita abe omukama omu kiikaro kya ise baitu Hiramu akagonza Daudi ebiro byona. 2Sulemani yatuma hali Hiramu nagamba ati. 3Iwe omanyire Daudi isenyowe akalemwa okwombekera enju ibara lya MUKAMA Ruhanga obwobulemu obukaba bumwehingulirize embaju zona, okuhikya MUKAMA obuyabataire hansi yebigerebye. 4Baitu hati bunu MUKAMA Ruhanga wange ampaire okuhumura ha mbaju zona; tiharoho munyanzigwa, nobukakuba akabi akarukuija. 5Kandi dora, nyowe ntekerize okwombekera enju ibara lya MUKAMA Ruhanga wange, nka MUKAMA okuyagambire Daudi isenyowe ati Omwana wawe, oundita ha kitebe kyawe omu kiikaro kyawe, nuwe alyombekera enju ibara lyange. 6Nukwo hati bunu, obaragire bantemere emikogoto omu Lebanoni; kandi abairu bange baliba hamu nabairu bawe; kandi ndikuha omusara gwabairu bawe nka byona ebyoligamba okubiri: baitu omanyire busaho muntu omulitwe amanyire ebyase nka Abazidoni. 7Kyahika, Hiramu obuyahulire ebigambo bya sulemani yasemererwa muno, yagamba ati MUKAMA okugizibwe ha kiro kinu,baitu ahaire Daudi Omwana owamagezi okulema Ihanga linu eringi. 8Hiramu yatuma hali Sulemuni nagamba ati Mpulire ebigambo ebyontumire: ndikora byona ebyorukugonza ha miti yemikogoto, na ha miti Yensambya. 9Abairu bange baligisirimura okuruga Lebanoni okuhikya hanyanja: kandi ndigibohera ebibaya bigende omu nyanja hali ekiikaro ekyolindagi’ra, kandi nuho ndibisumuru’ra, kandi olibitwara: kandi olikora ebindukwenda / noha ebyokulya abenju yange. 10Nukwo Hiramu yaha Sulemani emiti yemikogoto nemiti yensambya nka byona ebiyagondeze. 11Kandi Sulemani yaha Hiramu ebirengo byamagita agasemire amakumi abiri: nukwo Sulemani yahaga Hiramu ati omwaka nomwaka. 12MUKAMA yaha Sulemani amagezi nkokuyamuraganize; kandi habaho obusinge ahali Hiramu na Sulemani, abo bombi baragana ekiragano. 13Kandi omukama Sulemani akasoroza abantu omu Isareri yona; abantu abasorozibwe bahika bukumi busatu. 14Yabatuma Lebanoni, okwezi kumu kakumi, okwezi kumu kakumi, omu mbu zabu: okwezi kumu bakumaraga Lebanoni, namezi abiri bagamaraga omu maka gabu: kandi Adomiramu akabali omukuru wabo abasorozibwe. 15Sulemani akabanyina abetweki bukumi musanju, nabatemi bemiti bukumi munana omu nsozi: 16Okutabara abanyampara ba Sulemani abarole’raga omulimo, enkumi isatu mubikumi bisatu, abalemaga abantu abakozi bemirimo. 17Omukama yaragira, batema amabale amakoto, amabale gomuhendo, okutaho emiganda yenju namabale agabaizirwe. 18Nabombeki ba Sulemani nabombeki ba Hiramu Nabagebali bakagagomora. Kandi batekaniza emiti namabale okwombeka enju.